நன்கு முதிர்ந்த பூண்டு சாப்பிடுவதால் பெறும் அற்புத நன்மைகள் பற்றி தெரியுமா?

இரத்த அழுத்தம் குறையும்

முதிர்ந்த பூண்டு சாறு இரத்த அழுத்தத்தை சீராக பராமரித்து, இரத்த நாளங்களின் ஆரோக்கியத்தை மேம்படுத்தும். ஆய்வுகளில் முதிர்ந்த பூண்டு சாறு சிஸ்டாலிக் இரத்த அழுத்தத்தை சுமார் 10 புள்ளிகள் குறைப்பதாக தெரிய வந்துள்ளது. முக்கியமாக இந்த சாறு உடலில் உள்ள கெட்ட கொலஸ்ட்ராலின் அளவைக் குறைத்து, நல்ல கொலஸ்ட்ராலின் அளவை அதிகரிக்கும்.

இதயத்திற்கு நல்லது

முதிர்ந்த பூண்டு சாறு இரத்த நாளங்களில் காரைப்படிந்த ப்ளேக்குகளின் கட்டமைப்பைக் குறைக்கிறது. இதனால் மாரடைப்பு, பக்கவாதம் போன்றவை வரும் அபாயம் குறைந்து, இதய ஆரோக்கியம் மேம்படும். முதிர்ந்த பூண்டு சாறு இதய நோய் வரும் அபாயத்தை அதிகரிக்கும் அமினோ அமிலமான ஹோமோசிஸ்டைன் அளவைக் குறைக்கும்.

கல்லீரல் ஆரோக்கியம்

முதிர்ந்த பூண்டு சாறு கல்லீரல் செயல்பாட்டை மேம்படுத்த உதவும். இதில் உள்ள ஆர்கனோசல்பர் என்னும் உட்பொருள் நீரில் கரையக்கூடியது மற்றும் கல்லீரலின் குளுதாதையோன் உற்பத்தியைப் பலப்படுத்த உதவும்.

குளுதாதையோன் கல்லீரல் செல்கள் பாதிக்கப்படுவதைத் தடுக்கும். முதிர்ந்த பூண்டு சாற்றில் உள்ள மிகவும் சக்தி வாய்ந்த ஆன்டி-ஆக்ஸிடன்ட், உடலில் உள்ள தீங்கு விளைவிக்கும் டாக்ஸின்களை வெளியேற்றி, உடலை சுத்தம் செய்யும்.

நோயெதிர்ப்பு மண்டலம் வலிமையடையும்

முதிர்ந்த பூண்டு சாறு நோயெதிர்ப்பு செல்களின் அளவை அதிகரிப்பது ஆய்வில் தெரிய வந்துள்ளது. அதுவும் உடலைத் தாக்கும் பாக்டீரியாக்கள் மற்றும் வைரஸ்களை எதிர்த்துப் போராடும் செல்களின் வலிமையை அதிகரித்து, அடிக்கடி சளி பிடிப்பது மற்றும் இதர நோய்த்தொற்றுக்களில் இருந்து உடலைப் பாதுகாக்கும். இதில் உள்ள பூஞ்சை எதிர்ப்புப் பொருள், உடலில் காண்டிடா மற்றும் இதர பூஞ்சை வளர்ச்சியைத் தடுக்கும்.

புற்றுநோயைத் தடுக்கும்

தற்போது உயர் ஆக்ஸிஜனேற்ற அழுத்த நிலை தான் பல்வேறு புற்றுநோய்க்கு காரணமாக உள்ளதாக ஆராய்ச்சியாளர்கள் கூறுகின்றனர்.

உயர் ஆக்ஸிஜனேற்ற அழுத்தமானது உடலில் உள்ள டி.என்.ஏவைப் பாதித்து, நாளடைவில் புற்றுநோய் செல்களின் வளர்ச்சிக்கு காரணமாகிறது. ஆனால் முதிர்ந்த பூண்டு சாறு உடலில் ஆக்ஸிஜனேற்ற அழுத்தத்தைக் குறைத்து, புற்றுநோய் வருவதைத் தடுக்கும்.

எனவே புற்றுநோய் வராமல் இருக்க தினமும் முதிர்ந்த பூண்டு சாற்றினை எடுத்து வாருங்கள்.

முதுமையைத் தடுக்கும்

முதிர்ந்த பூண்டு சாற்றில் சக்தி வாய்ந்த ஆக்டி-ஆக்ஸிடன்ட்டுகள் உள்ளது. எனவே இதனை தினமும் ஒருவர் உட்கொண்டு வருவதன் மூலம், உடலில் உள்ள செல்களுக்கு நல்ல பாதுகாப்பு கிடைத்து, முதுமை தள்ளிப் போடப்பட்டு, நீண்ட நாட்கள் இளமையுடன் காட்சியளிக்க முடியும்.

இதர நன்மைகள்

முதிர்ந்த பூண்டு சாற்றில் உள்ள அதிகப்படியான ஆன்டி-ஆக்ஸிடன்ட் பொருள், மன அழுத்தம், உடல் வலி, சோர்வு போன்றவற்றை எதிர்க்கும். மேலும் இது உடல் எடையைக் குறைக்கவும் உதவும். மூளையின் ஆரோக்கியத்தை மேம்படுத்தி ஞாபக சக்தி மற்றும் நரம்புகளின் வளர்ச்சியை ஆரோக்கியமாக வைத்துக் கொள்ளும்.

மருந்தளவு

மேலே கொடுக்கப்பட்டுள்ள அனைத்து நன்மைகளும் பச்சை பூண்டு, பூண்டு எண்ணெய், பூண்டு பவுடர் போன்றவற்றை உட்கொண்டாலும் கிடைக்கும் தான். ஆனால் 1,000 மிகி முதிர்ந்த பூண்டு சாறு 6-7 பச்சை பூண்டுகளுக்கு சமமானது. பொதுவாக பூண்டு இரத்தத்தை மெலிவடையச் செய்யும் என்பதால், இதனை எடுக்கும் முன் மருத்துவரிடம் ஆலோசித்துக் கொள்ளுங்கள்.

எடுக்கும் முறை

இந்த முதிர்ந்த பூண்டு சாற்றினை உணவுடன் சேர்த்து உட்கொள்ளலாம் அல்லது இது கேப்ஸ்யூல் வடிவிலும் கிடைக்கும் என்பதால், தினமும் ஒரு கேப்ஸ்யூல் எடுப்பது மிகவும் நல்லது.