ஒரு பெண்ணின் உடலில் ஆண் ஹார்மோன் அதிகம் இருந்தால் தென்படும் அறிகுறிகள்!

அதிகப்படியான முடியின் வளர்ச்சி

முகம் மற்றும் உடலில் அதிகளவு முடி வளர்ச்சி இருந்தால், அது டெஸ்டோஸ்டிரோன் அதிகளவில் சுரக்கப்படுகிறது என்று அர்த்தம். அதிலும் கன்னம், தாடை, மார்பு, முதுகு மற்றும் கால்களில் அதிகளவு முடியின் வளர்ச்சி இருப்பின், அது அப்பெண்ணின் உடலில் ஆண் ஹார்மோன் அதிகம் சுரக்கப்படுகிறது என்பதற்கான அறிகுறியாகும்.

முகப்பரு

ஒரு பெண் அடிக்கடி முகப்பருவால் அதிக தொல்லையை அனுபவித்து வந்தால், அது அப்பெண்ணின் உடலில் ஆண் ஹார்மோனான டெஸ்டோஸ்டிரோன் அளவு அதிகம் உள்ளது என்று அர்த்தம்.

உடல் பருமன்

உடலில் அதிக அளவு டெஸ்டோஸ்டிரோன் ஹார்மோன் இருந்தால், திடீரென்று உடல் பருமனடையும் மற்றும் சர்க்கரை அல்லது உப்பு உணவுகளின் மீது நாட்டம் அதிகரிக்கும்.

முறையற்ற மாதவிடாய் சுழற்சி

ஒரு பெண்ணிற்கு மாதந்தோறும் சீரான இடைவெளியில் மாதவிடாய் சுழற்சி நடைபெறாவிட்டால், அது அப்பெண்ணிற்கு பி.சி.ஓ.எஸ் என்னும் கோளாறு உள்ளது என்று அர்த்தம்.

முடி உதிர்தல்

தலைமுடியின் அடர்த்தி நாளுக்கு நாள் குறைந்து கொண்டே இருந்தால், அதுவும் ஒரு பெண்ணின் உடலில் ஆண் ஹார்மோனான டெஸ்டோஸ்டிரோன் உற்பத்தி அதிகம் உள்ளது என்று அர்த்தம்.

பெரிதாகிய பெண்குறி

ஒரு பெண்ணின் உடலில் டெஸ்டோஸ்டிரோன் உற்பத்தி அதிகம் இருந்தால், பெண்குறியின் அளவு பெரிதாகும். இதற்கு அட்ரினல் சுரப்பி அல்லது கருப்பையில் புதிய சதை வளர்ச்சியினால் ஏற்படும் கட்டி தான் காரணம். இதனை சரியான நேரத்தில் கண்டறிந்து சிகிச்சை பெற்று வந்தால் சரிசெய்யலாம்.