நமக்கு நாமே சொல்லிக் கொள்ளும் ஆரோக்கியம் சம்பந்தமான பொய்கள்!!!

தூங்கும் நேரம்

வெறும் 6 மணிநேரம் போதும் என இல்லாமல், ஒவ்வொரு நாள் இரவும் 7-8 மணிநேர தூக்கம் தேவை. உங்கள் உடலுக்கு அதிக நேரத்திற்கு ஓய்வு தேவை. அப்போது தான் உங்களால் ஆற்றல் திறனுடனும், ஆரோக்கியத்துடனும் காலையில் கண் விழிக்க முடியும்.

வார இறுதி குடிப்பழக்கம்

வார இறுதியில் மட்டும் தானே என எண்ணி, மதுபானம் குடிப்பது ஆரோக்கியமற்றது. வார இறுதியில் வயிறு முட்ட குடிக்கும் பழக்கத்தை கைவிட வேண்டும். இது உங்களின் ஒட்டுமொத்த நரம்பியல் அமைப்பையும் பாதித்துவிடும். நீங்கள் ஒன்றோ அல்லது இரண்டு பெக் மட்டும் குடிக்க விரும்புபவர் என்றால், குறைந்த அளவில் குடிப்பதோடு நிறுத்திக் கொள்ளுங்கள். அதேப்போல் அவற்றுடன் சோடா பானங்களை கலக்கும் பழக்கத்தையும் கைவிடுங்கள். அது உறுப்புகளுக்கு நல்லதல்ல.

உணவுகளைத் தவிர்ப்பது

உணவுகளைத் தவிர்ப்பதால் கண்டிப்பாக உங்கள் உடல எடை குறைய போவதில்லை. அது உடல் எடையை அதிகரிக்க தான் போகிறது. இதனால் நீங்கள் சோம்பேறியாகவும், வலுவிழந்தும் போவீர்கள். இதன் காரணமாக உங்கள் உடல் ஆரோக்கியமற்ற உணவுகளை அதிகமாக எதிர்ப்பார்க்கும்.

புகைப்பிடித்தல்

எப்போதாவாது புகைப்பிடிப்பதோ அல்லது புகைப்பிடிப்பவர்களின் அருகில் இருப்பதோ உடல் ஆரோக்கியத்தை பாதித்து விடாது என எண்ணி விடாதீர்கள். இரண்டு வழிகளிலும், நீங்கள் கார்பனை நுரையீரலுக்குள் சுவாசிக்கிறீர்கள். இதனால் நீங்கள் நீண்ட நாள் வாழ முடியாமல் போகும். அதனால் புகைப்பிடிப்பவர்களின் அருகில் இருந்தால் வாயை மூடிக்கொள்ளவும். அப்பழக்கம் இருந்தால் அதனை கைவிடவும்.

காபி vs கோக்

காபியை கோக் பானத்திற்கு மாற்றாக எண்ணக்கூடாது என கூறுகிறார்கள். ஏனென்றால் இவை இரண்டிலுமே காப்ஃபைன் போன்ற சமமான அளவிலான எதிர்மறை குணங்கள் அடங்கியுள்ளது. மூன்று நாட்களுக்கு ஒரு முறை கொஞ்சமாக காபி குடிக்கலாம். அதேப்போல் தான் கோக் பானமும். ஆனால் பெரும்பாலும் அவைகளை பருக அறிவுறுத்தப்படுவதில்லை.