குளிர்ந்த நீரில் குளிப்பதால் கிடைக்கும் நன்மைகள் பற்றி உங்களுக்கு தெரியுமா?

சுறுசுறுப்பான மனநிலை

பச்சை தண்ணீரில் குளிப்பதால் இரத்தத்தில் பீட்டா - என்டோர்ஃபின் மற்றும் நோராட்றேனலைன் (Beta-Endorphin and Noradrenaline) போன்றவற்றின் அளவு அதிகரிக்கிறது. இவை மன அழுத்தத்தை குறைக்க உதவுகின்றன. மெடிக்கல் ஹைப்போதிசஸ் என்ற மருத்துவ நாளிதழில் வெளிவந்த ஆய்வறிக்கையில் இது நிரூபிக்கப்பட்டுள்ளது. இரண்டு அல்லது மூன்று நிமிடங்கள் பச்சை தண்ணீரில் நீராடினாலே போதுமானது என்று கூறப்பட்டுள்ளது.

தசை இலகுவாக உணர

தசை பகுதியை நீங்கள் கடுமையாக உணரும் பட்சத்தில் குளிர்ந்த நீரில் நீராடுவதால் அதை சரி செய்ய முடியும் என்று கூறப்பட்டுள்ளது. நீங்கள் உடற்பயிற்சி செய்த பிறகோ அல்லது நீண்ட நேரம் வேலை செய்ததால் ஏற்படும் சோர்வு போன்றவற்றில் இருந்து தீர்வுக் காண ஐந்து நிமிடங்கள் பச்சை தண்ணீரில் நீராடினாலே போதுமானது. இது இரத்த ஓட்டத்தை உடல் முழுக்க சீராக்க உதவி, தசையை இலகுவாக உணர வைக்கிறது.

சருமம் வலுபெற

சருமத்தின் வலுவை அதிகரிக்கவும் இது வெகுவாக பயனளிக்கிறது. முதலில் இதமான நீரில் குளித்த பிறகு, பச்சை தண்ணீரில் சில நிமிடங்கள் நீராடுவதால் சருமம் இறுக்கமாகவும், சரும நுண்துளைகள் குறைக்கவும் இது உதவுகிறதாம்.

தலைமுடி நலன்

தலை முடி வறட்சி காரணமாக முடி உதிர்தல் போன்ற பிரச்சனைகளை சந்திப்பவர்கள் குளிர்ந்த நீரில் நீராடுவதால் நல்ல தீர்வுக் காண முடியும் என்று கூறப்படுகிறது. இது, தலை முடி வறட்சியை போக்கி, மிருதுவான, மினுமினுப்பான கூந்தல் பெற உதவுகிறது.

மன அழுத்தத்தை போக்க

பச்சை தண்ணீர் முகத்தில் படும்படி நீராடுவதால் இதயத் துடிப்பு சீராகி மன அழுத்தத்தை குறைக்க வைக்க முடியுமாம். அதிகப்படியாக நீங்கள் மன அழுத்தத்தை உணரும் போது ஐந்து நிமிடம் குளிர்ந்த நீரில் நீராடினாலே போதும் நல்ல தீர்வினைக் காண முடியும்.