பால்வினை நோயை கண்டறியும் புதிய நிறம் மாறும் ஆணுறை - மாணவர்கள் கண்டுபிடிப்பு!!!

நிறம் மாறும் தன்மை

இந்த ஸ்மார்ட் ஆணுறையின் சிறப்பு என்னவெனில், ஒருவேளை உங்களுக்கு பால்வினை நோய் தாக்கம் இருந்தால், இதன் நிறம் பச்சை, மஞ்சள், நீலம், போன்ற வண்ணங்களில் மாறும், இதை வைத்து உங்களுக்கு பால்வினை நோய் தாக்கம் ஏற்பட்டுள்ளது என அறிந்துக்கொள்ளலாம்.

பால்வினை நோய்கள் கண்டறிவது

பிறப்புறுப்பில் ஆணுறையை அணிந்தவுடன் அது பச்சை நிறத்தில் ஜொலித்தது எனில் கிளமீடியா "Chlamydia" பால்வினை நோய் ஏற்பட்டுள்ளது எனவும், மஞ்சள் நிறத்தில் ஜொலித்தது எனில் ஹெர்ப்ஸ் "Herpes" பால்வினை நோயின் தாக்கம் ஏற்பட்டுள்ளது எனவும், ஊதா நிறம் என்றால் "Palpillomavirus", நீலநிறம் என்றால் "Syphilis" பால்வினை நோயின் தாக்கம் எனவும் கண்டறிந்துவிடலாம்.

விருது பெற்ற மாணவர்கள்

டீன்-டெக் (TeenTech) என்ற மாணவர் பங்கு பெரும் நிகழ்ச்சியில், ஸ்மார்ட் ஆணுறையை கண்டுபிடித்த மாணவர்களுக்கு சிறந்த கண்டுபிடிப்பிற்கான விருது வழங்கப்பட்டுள்ளது.

எவ்வாறு கண்டறிகிறது ஸ்மார்ட் ஆணுறை

பிறப்புறுப்பில் ஏற்பட்டிருக்கும் பாக்டீரியாவின் தாக்கத்தை வைத்து அதற்கு ஏற்ப நிறம் மாறி ஜொலிக்கும் தன்மை உடையதாய் இந்த ஸ்மார்ட் ஆணுறையை மாணவர்கள் வடிவமைத்துள்ளனர். இதனால் தான் இந்த ஆணுறையை அணிந்தவுடன் எந்த நோய் தாக்கம் உள்ளது என கண்டறிய முடிகிறது.

ஸ்மார்ட் ஆணுறையின் பெயர்

இந்த ஆணுறைக்கு "S.T.EYE" என்று பெயர் வைத்துள்ளனர் மாணவர்கள். அதாவது S.T (Sexual Transmitted) Eye. பொதுவாக ஆங்கிலத்தில் பால்வினை நோய்களை STD / STI என குறிப்பிடப்படுவது வழக்கம்.

ஐசாக் நியூட்டன் அகாடமி மாணவர்கள்

S.T.EYE ஸ்மார்ட் ஆணுறையை கண்டுபிடித்த மாணவர்களில் இருவரான தான்யால் அலி இதைப் பற்றி கூறுகையில், " மக்கள் பால்வினை நோய் குறித்து அறிந்துக்கொள்ளவும், அதற்கு ஏற்ப உடனடியாக சிகிச்சை மேற்கொள்ள எளிய வழியாக இது இருக்கும், இதுவே தாங்கள் இதை கண்டுபிடிக்க காரணமாக இருந்தது" என்றும் கூறினார்.

ஆராய்ச்சியாளர்கள் வியப்பு

இந்த ஆணுறை வருங்கால தலைமுறையை கலக்கும் என அந்த நிகழ்ச்சிக்கு வந்த அனைவரும் பாராட்டி சென்றனர். வெறும் 14 வயது நிரம்பிய மாணவர்கள் இதைக் கண்டுப்பிடித்துள்ளனர் என்பது பல ஆராய்ச்சியாளர்களை வியக்க வைத்துள்ளது.

முடியின் நிறத்தை மாற்றும் கிளிப்

நீங்கள் உடுத்தும் உடையின் நிறத்திற்கு ஏற்ப, தலைமுடியின் நிறத்தை மாற்றும் கிளிப் ஒன்றை மற்றொரு குழு மாணவர்கள் கண்டுப்பிடித்துள்ளனர். இது, Wi-Fi உதவியோடு இயங்கும் திறனுடையது.

ஆபத்தில் எச்சரிக்கை அலாரம்

மற்றொரு குழு மாணவர்கள் கையில் அணியும் வகையிலான எச்சரிக்கை அலாரம்ஒன்றை கண்டுப்பிடித்துள்ளனர். அது, மக்கள் ஏதேனும் அபாயத்தில் இருக்கும் போது அவர்களது அலைபேசியுடன் இனைந்து அழைப்பை தானாக ஏற்படுத்தும் திறன் உடையதாக வடிவமைக்கப்பட்டுள்ளது.