ஃபளூடாவில் சேர்க்கும் சப்ஜா விதையின் நன்மை என்னவென்று தெரியுமா...?

எடை குறைவு

சப்ஜா விதைகள் உடல் எடையைக் குறைக்க உதவும் என்று எந்த ஒரு ஆராய்ச்சியிலும் நிரூபிக்கப்படவில்லை. இருப்பினும் இந்த விதைகளை உட்கொண்டால், நீண்ட நேரம் பசி எடுக்காது. இதற்கு அதில் உள்ள நார்ச்சத்து காரணமாக இருக்கலாம். நீண்ட நேரம் பசி எடுக்காமல் இருந்தால், உடல் எடை அதிகரிப்பதை நிச்சயம் தடுக்கலாம். எனவே எடையைக் குறைக்க டயட்டில் இருக்கும் போது, இந்த விதைகளை சேர்த்துக் கொள்ளுங்கள்.

உடல் சூடு

பொதுவாக சப்ஜா விதைகளை கோடையில் எடுத்துக் கொள்வது மிகவும் நல்லது. ஏனெனில் இது உடல் வெப்பத்தைக் குறைத்து, உடலை குளிர்ச்சியுடன் வைத்துக் கொள்ளும். எனவே நீங்கள் மிகுந்த உடல் சூட்டினால் அவஸ்தைப்பட்டால், சப்ஜா விதைகளில் இரவில் படுக்கும் போது இளநீரில் ஊற வைத்து மறுநாள் காலையில் குடியுங்கள். இதனால் நல்ல பலன் கிடைக்கும்.

நீரிழிவு

சப்ஜா விதைகள் டைப்-2 நீரிழிவு நோயாளிகளுக்கு நல்லது. நீரிழிவு நோயாளிகள் இதனை நீரில் ஊற வைத்து, குளிர்ந்த பாலுடன் சேர்த்து, அத்துடன் சில துளிகள் வென்னிலா எசன்ஸ் கலந்து குடித்து வந்தால், இரத்தத்தில் உள்ள சர்க்கரையின் அளவை சீராக பராமரிக்கலாம்.

மலச்சிக்கல்

மலச்சிக்கலால் நீங்கள் கஷ்டப்பட்டுக் கொண்டிருந்தால், சப்ஜா விதைகள் உங்கள் உணவில் சேர்த்துக் கொள்ளுங்கள். அதற்கு தினமும் சப்ஜா விதைகளை நீரில் 1-2 மணிநேரம் ஊற வைத்து, படுக்கும் முன் அதனை பாலுடன் சேர்த்து கலந்து குடித்து வாருங்கள். இதனால் உங்கள் மலச்சிக்கல் பிரச்சனை நீங்குவதை உணரலாம்.

அசிடிட்டி

சப்ஜா விதைககள் வயிற்றில் உள்ள பிரச்சனைகளை குணப்படுத்த உதவும். ஒருவேளை நீங்கள் நெஞ்செரிச்சல் அல்லது அசிடிட்டியால் அவஸ்தைப்பட்டுக் கொண்டிருந்தால், இரவில் நீரில் ஊற வைத்த சம்ஜா விதைகளை மறுநாள் காலையில் டீ/காபி குடிக்காமல், பாலுடன் சேர்த்து குடித்து வாருங்கள். இதனால் நல்ல பலன் கிடைக்கும்.

எப்படியெல்லாம் சாப்பிடலாம்?

சப்ஜா விதைகளை நீரில் ஊற வைத்து, பின் அதனை உங்களுக்கு பிடித்த மில்க் ஷேக், ரோஸ் மில்க், நன்னாரி சர்பத், பால் போன்றவற்றுடன் கலந்து குடிக்கலாம்.