சுவாசப் பிரச்சனைகளை சரி செய்ய உதவும் வீட்டு நிவாரணிகள்!!!

இஞ்சி

இஞ்சி, சுவாசக் கோளாறுகளை சரிசெய்வதற்கான ஒரு சிறந்த நிவாரணி. இது ஆஸ்துமா மற்றும் பல சுவாச பிரச்சனைகளை சரி செய்ய உதவுகிறது.இது நெஞ்சில் இருக்கும் கபத்தை கரைக்கிறது. தினமும் சிறிதளவு இஞ்சியை உங்களது உணவில் சேர்த்துக்கொள்வது நல்லது. அல்லது காலை மாலை வேளைகளில் இஞ்சி தேநீர் பருகுவது உங்களது உடல்நலத்தை அதிகரிக்கும்.

அத்திப்பழம்

சுவாசப் பிரச்சனைகளுக்கு தீர்வு தருவதில் அத்திப்பழம் ஒரு சிறந்த உணவாகும். சுவாசிப்பதில் சிரமம் உள்ளவர்கள் தினமும் அத்திப்பழம் சாப்பிட்டு வந்தால் ஒரு சில வாரங்களிலேயே நல்ல பலனை எதிர்பார்க்காலாம்.

கடுகு எண்ணெய்

சுவாசக் கோளாறுகளுக்கு தீர்வளிப்பதில் சிறந்து விளங்கும் மற்றுமொரு வீட்டு நிவாரணியாக கருதப்படுவது கடுகு எண்ணெய். சுவாசக் குழாயில் இருக்கும் அடைப்புகளை சரி செய்து பழையபடியே நன்கு சவாசமளிக்க சீரிய முறையில் உதவுகிறது கடுகு எண்ணெய்.

பூண்டு

பூண்டில் இருக்கும் ஆன்டி-ஆக்ஸிடன்ட் மூச்சு திணறலை குறைக்க உதவுகிறது. சுவாசக் கோளாறுகள், ஆஸ்துமா போன்றவைக்கும் பூண்டு ஒரு நல்ல வீட்டு நிவாரணி ஆகும்.

காபி

காபியில் இருக்கும் காப்பின் என்னும் மூலப்பொருள் அதிகப்படியாக உட்கொண்டால் ஒரு சில உடல் நல தீங்குகளை உருவாக்கும் என்பது உண்மை. ஆயினும், குறைந்த அளவில் சூடான காபியை உட்கொள்வதனால் சுவாசக் கோளாறுகள் குறைகின்றன. மூச்சு குழாய் அழற்சியை குறைக்க இது உதவுகிறது என கூறப்படுகிறது.

யூக்கலிப்டஸ் எண்ணெய்

மூக்கடைப்பு, சளி போன்றவையில் இருந்து விடுப்பட யூக்கலிப்டஸ் எண்ணெய் சிறந்த நிவாரணியாக திகழ்கிறது. உங்களுக்கு சுவாசிப்பதில் சிரமம் எற்பட்டால், ஒரு துணியில் சில துளி யூக்கலிப்டஸ் எண்ணெய்யால் நனைத்து உங்கள் முகத்தின் அருகில் வைத்துக்கொண்டு உறங்குங்கள். இது உங்களது சுவாசக் கோளாறுகளை சரி செய்யும்.

தேன்

பழங்காலத்தில் இருந்தே சுவாசக் கோளாறுகளுக்கு தேன் ஒரு நல்ல இயற்கை நிவாரணியை திகழ்ந்து வருகிறது. தேனை வாசத்தை முகர்வதினால் சுவாசப் பிரச்சனைகள் சரியாகும் என கூறப்படுகிறது. மற்றும் தேனை சுடு நீரில் கலந்து பருகி வந்தாலும் நல்ல பலன் அளிக்கும்.

வெங்காயம்

வெங்காயம் ஆஸ்துமா போன்ற சுவாசக் கோளாறுகளுக்கு நல்ல தீர்வளிக்கிறது. வெங்காயத்தை பச்சையாக உண்பது நல்ல பலனளிக்கும் என கூறப்படுகிறது. உங்களது உணவோடு பச்சை வெங்காயத்தை சேர்த்து சாப்பிடுவது நல்லது.

எலுமிச்சை

சுவாசப் பிரச்சனைகள் ஏற்பட முக்கிய காரணமாக கருதப்படுவது வைட்டமின் சி'யின் குறைப்பாடு. ஆஸ்துமா உள்ளவர்களுக்கும் கூட வைட்டமின் சி சத்தின் குறைப்பாடு இருக்கிறது. எலுமிச்சையில் இருக்கும் நிறைந்த வைட்டமின் சி'யின் சத்து மற்றும் ஆன்டி-ஆக்ஸிடன்ட் இந்த குறைபாடுகளை சரி செய்ய உதவுகிறது.

ஓமம் விதைகள்

இந்தியாவில், சுவாசப் பிரச்சனைகளுக்கு வீட்டு சிறந்ததொரு வீட்டு நிவாரணியாக திகழ்வது ஓமம் விதைகள். கபத்தை குறைக்க இது சீரிய முறையில் உதவுகிறது. நுரையீரல் சார்ந்த பிரச்சனைகளுக்கும் நல்ல தீர்வளிக்கிறது ஓமம் விதைகள்.