நாள் முழுவதும் சந்தோஷமாக இருக்க சில டிப்ஸ்...

ஸ்மார்ட் டயட்

காலை சாப்பாட்டில் அதிக புரோட்டின் சத்துள்ள உணவு வகைகளை எடுத்துக் கொள்ளும் பெண்கள், மாலையில் கொழுப்பு மற்றும் சர்க்கரை அதிகமுள்ள உணவைப் பெரும்பாலும் தவிர்த்து விடுவதாக சமீபத்திய ஆய்வுகள் தெரிவிக்கின்றன. முட்டையில் உள்ள புரோட்டினும், அதன் மஞ்சள் கருவில் இருக்கும் வைட்டமின் பி12-ம் நம் மனநிலையை சந்தோஷமாக வைக்க உதவுகின்றன.

உடற்பயிற்சி

நடை பயிற்சி அல்லது மெல்லோட்டம் போன்ற எளிதான உடற்பயிற்சி நாள் முழுக்க நம்மை சந்தோஷமாக வைத்திருக்கும்.

சூரிய வெப்பத்துக்கு பை பை

சூரிய வெப்பத்திலிருந்து நம் உடம்பைப் பாதுகாத்துக் கொள்ள நிறைய க்ரீம்கள் இப்போது கிடைக்கின்றன. சில க்ரீம்கள் குளிர்காலத்திற்கும் நல்லது.

நிறைய நீர் குடிக்கவும்

வீட்டிலும் சரி, அலுவலகத்திலும் சரி... தாகமாக இருக்கும் போதோ, பசி எடுக்கும் போதோ தண்ணீரையே நிறையக் குடியுங்கள். அது பசியையும் கட்டுப்படுத்தும்.

சூயிங் கம் மெல்லவும்

மன அழுத்தம் அதிகம் இருந்தால் சூயிங் கம் ஒன்றை வாயில் போட்டு மெல்லுங்கள். இதனால் உடல் சோர்வும் குறைந்து சந்தோஷமான மனநிலைக்குத் திரும்பலாம்.

முதுகு, கழுத்து வலியைக் குறைக்கவும்

இப்போதெல்லாம் முதுகு வலியில் அவதிப்படுபவர்கள் அதிகம். காரில் உட்காரும் போது, ஒரு டவலை நன்றாகச் சுருட்டி மடக்கி முதுகுக்குக் கீழ் பகுதியில் வைத்து அமரவும். வீட்டிலோ ஆஃபீஸிலோ கூட இதை ட்ரை பண்ணலாம்.

சரியான நேரத்தில் சாப்பிடவும்

இரவு உணவில் ஏ, டி, ஈ, கே வைட்டமின்கள் இருக்குமாறு பார்த்துக் கொள்ளுங்கள். குறிப்பாக, வைட்டமின் டி அளவை அடிக்கடி சோதித்துக் கொள்ளுங்கள்.

பாத மசாஜ் செய்யவும்

இரவு தூங்கச் செல்வதற்கு முன் ஒரு 15 நிமிடத்திற்கு உங்கள் பாதங்களை நனையுங்கள். வலி ஏதும் இருந்தால் பறந்தோடி விடும். அதற்குப் பின் பாதத்தில் நல்ல க்ரீமையும் தடவிக் கொள்ளுங்கள்.

வேகமா எழவும்

காலையில் வேகமாக எழுந்திருக்கப் பழகிக் கொள்ளுங்கள். காலையில் எழுந்து சுறுசுறுப்புடன் இருந்தாலே, அந்த நாள் முழுதும் சந்தோஷமாக இருக்கலாம்.