தூக்கத்தில் பற்களை கொறிக்கும் பழக்கம் உள்ளதா?

குழந்தைகளுக்கு...

குழந்தைகளுக்கு இருமுறை தூக்கத்தில் பல் கடிக்கும் பழக்கம் வரும். ஒன்று, அவர்கள் மிகவும் சிறு குழந்தைகளாக இருக்கும் போது. மற்றொன்று, அவர்களுக்கு பல் முளைக்க ஆரம்பிக்கும் போது. ஆனால் இது நிரந்தரம் கிடையாது. அவ்வப்போது லேசாகத் தலைவலி வரும், தாடைகள் வலிக்கும், சிலருக்கு தெத்துப் பல் வரும்.

இன்னும் சில குழந்தைகள் வளர்ந்த பிறகும், இந்தப் பழக்கம் தொத்திக் கொண்டிருக்கும். இதற்கு என்ன காரணம் என்று இதுவரை தெரியவில்லை. ஆனால், அலர்ஜி மற்றும் தவறான பல்வரிசை உள்ளிட்ட காரணங்களை சிலர் கூறுவார்கள்.

அறிகுறிகள்

நறநறவென்று பற்களை அரைப்பது, கடுகடுவென்று கடிப்பது உள்ளிட்ட பல அறிகுறிகள் மூலம் இந்தப் பழக்கத்தைத் தெரிந்து கொள்ளலாம். நீங்கள் இரவு தூங்கும் போது பற்களைக் கடித்தால், மறுநாள் காலை உங்களுக்குத் தலைவலியும், தாடை வலியும் நிச்சயம் ஏற்படும்

காரணங்கள்

இந்தப் பழக்கத்திற்கு மருத்துவரீதியாக 'ப்ரூக்சிஸம்' என்று பெயர். மன அழுத்தம் தான் இதற்கு முக்கியக் காரணமாகக் கூறப்படுகிறது. மேலும் சீரற்ற பல்வரிசை மற்றும் உடைந்த பற்களும் காரணங்களாகக் கூறப்படுகிறது.

தீர்வு

இந்தப் பழக்கத்தைத் தவிர்க்க பற்கவசத்தை மாட்டிக் கொள்ளலாம். சில பல் டாக்டர்கள் பற்களை முழுவதுமாக மாற்றி, செயற்கைப் பற்களைப் பொருத்திக் கொள்ள அறிவுறுத்துவார்கள். குறிப்பாக பற்களை முறையாகப் பராமரிக்கவும் வேண்டும்.

தவிர்க்க வேண்டியவை

மன அழுத்தத்தைக் குறைக்க, யோகா மற்றும் உடற்பயிற்சி செய்வதன் மூலம் இப்பழக்கத்தை சரி செய்யலாம். மேலும் காபி, ஆல்கஹால் மற்றும் சூயிங் கம் மெல்லும் பழக்கத்தைத் தவிர்ப்பதும் நல்லது.