கோடையில் ஏற்படும் உடல் வறட்சியை தடுக்க சில டிப்ஸ்...

போதுமான தண்ணீர் குடிப்பது

எப்போதும் முடிந்த அளவில் தண்ணீர் குடிக்க வேண்டும். மேலும் எங்கு வெளியே சென்றாலும், ஒரு பாட்டில் தண்ணீரை கொண்டு செல்ல வேண்டும். இவ்வாறு தினமும் 2-3 லிட்டர் தண்ணீர் குடித்தால், உடலில் வறட்சி ஏற்படுவதைத் தடுக்கலாம்.

சரியான ஸ்நாக்ஸ்

ஸ்நாக்ஸ் சாப்பிட நினைக்கும் போது பழங்கள் மற்றும் காய்கறிகளை அதிகம் சாப்பிட்டால், உடல் வறட்சியை தவிர்க்கலாம். ஏனெனில் காய்கறிகள் மற்றும் பழங்களில் நீர்ச்சத்துக்கள் நிறைந்திருக்கும். எனவே இதனை சாப்பிட்டாலும், உடல் வறட்சியை தடுக்கலாம்.

சத்தான பானங்கள்

தண்ணீர் மட்டும் உடல் வறட்சியை போக்க உதவுவதில்லை. பல பானங்களும் உடல் வறட்சியை போக்க பயன்படுகின்றன. அதிலும் இளநீர், எலுமிச்சை ஜூஸ், லஸ்ஸி, பதநீர் போன்றவை உடல் வெப்பத்தை

தணிக்கவும், உடல் வறட்சியை போக்கவும் உதவியாக உள்ளன. எனவே இவற்றை அவ்வப்போது சாப்பிட்டால், வறட்சி ஏற்படாமல் இருக்கும்.

அவ்வப்போது தண்ணீர் குடிக்கவும்

ஒரே நேரத்தில் தண்ணீர் குடிக்காமல், அவ்வப்போது தண்ணீர் குடிக்க வேண்டும். சிலருக்கு தண்ணீர் குடிக்க வேண்டும் என்ற எண்ணமே வறட்சியான இருமல் வரும் போது தான் ஞாபகம் வரும். எனவே அவ்வாறு தண்ணீர் குடிப்பதை மறப்பவர்கள், ஒரு மணிநேரத்திற்கு அலாரம் வைத்து தண்ணீர் குடிக்கவும்.

காப்ஃபைன் பானங்களை தவிர்க்கவும்

காப்ஃபைன் அதிகம் உள்ள பானங்களை அறவை தவிர்க்க வேண்டும். அதிலும் காபி, கோலா மற்றும்

இது போன்ற மற்ற பானங்களில் காப்ஃபைன் அதிகம் உள்ளது. ஆகவே இவற்றை அதிகம் குடிப்பதை

தவிர்க்கவும். ஏனெனில் உடலில் வறட்சியை ஏற்படுத்துவதில் காப்ஃபைனும் ஒன்று. எனவே

காபிக்கு பதிலாக கரும்பு சாற்றை குடிப்பது நல்ல பலனைத் தரும்.

ஆல்கஹாலை தவிர்க்கவும்

ஆல்கஹாலும் உடலில வறட்சியை ஏற்படுத்தும். குறிப்பாக பீர் மற்றும் ஒயின் அதிகமாக வறட்சியை

உண்டாக்கும். எனவே கோடையில் அதிகமாக இதனை குடிப்பதை தவிர்க்க வேண்டும். ஏனெனில் இவை

உடலில் உள்ள நீரை மட்டும் உறிஞ்சி வெளியேற்றி, உடல் வறட்சியை உண்டாக்கிவிடும்.

வெளியே செல்வதை தவிர்க்கவும்

மற்ற காலங்களில் வெளியே சுற்றுவது போல், கோடையில் சுற்றுவதை தவிர்க்க வேண்டும். முடிந்த அளவில் வேலைகளை விரைவில் முடித்து விட்டு, வீட்டிலேயே இருப்பது நல்லது. மேலும்

அலுவலகத்திற்கு காலையில் கடுமையான சூரியக் கதிர்கள் வருமுன் சீக்கிரம் சென்று விட்டு,

மாலையில் அதேப் போல் சூரியக் கதிர்கள் இல்லாத நேரத்தில் வீட்டிற்கு செல்வது உடலில் வறட்சி

ஏற்படாமல் தடுக்கும்.

வெளிர் நிற ஆடைகளை உடுத்தவும்

ஆடைகளை உடுத்தும் போது அடர்ந்த நிறமுள்ள ஆடைகளை உடுத்துவதை தவிர்த்து, வெளிர் நிற ஆடைகளை உடுத்துவது சிறந்தது. குறிப்பாக வெள்ளை நிற ஆடைகள் கோடையில் உடுத்துவதற்கு ஏற்றது. மேலும் காட்டன் ஆடைகளை உடுத்தினால், உடல் வெப்பம் அதிகரிக்காமல் தடுப்பதோடு, வறட்சியையும் தடுக்கும். ஏனெனில் அடர்ந்த நிறமுள்ள ஆடைகள், சூரியக்கதிர்களை ஈர்க்கக்கூடியவை. ஆனால் வெளிர் நிற ஆடைகள், சூரியக்கதிர்கள் ஊடுருவுவதை தடுக்கும்.

சரியான பாதுகாப்பு

வெளியே செல்லும் போது, வெளிர் நிற ஆடைகளை அணிந்து, குடைகளை எடுத்துக் கொண்டோ அல்லது

தலைக்கு தொப்பி, கண்களுக்கு கூலிங் கிளாஸ் போன்றவற்றை அணிந்து சென்றால், சூரியக்கதிர்களின் தாக்கத்தில் இருந்து தப்பிக்கலாம்.