ஆணுறை பயன்படுத்தினாலும், இந்த 5 பால்வினை தொற்றுகளை தடுக்க முடியாது - உஷார்!

அந்தரங்க பேன்கள் (Pubic Lice)

இந்த தொற்றின் போது, பப்ளிக் லைஸ் எனப்படும் அந்தரங்க பகுதிகளில் பேன் போன்ற நுண்ணிய பூச்சிகள் உருவாகும். இது ஆண், பெண்ணின் அந்தரங்க பகுதியில் இருக்கும் மயிர் கால்களில் ஏற்படுவது ஆகும்.

இதை ஆணுறை பயன்படுத்தி எல்லாம் தவிர்க்க முடியாது. ஒரு நபரின் அந்தரங்க பகுதி முடியில் இருந்து இன்னொரு நபரின் அந்தரங்க பகுதி முடிக்கு பரவும் இந்த தொற்றை ஆணுறை தடுக்காது. இதை சுகாதார விஷயங்களால் மட்டுமே தவிர்க்க முடியும்.

சிபிலிஸ் / மேக புண்

சிபிலிஸ் எனப்படும் இந்த தொற்று, மிக வேகமாக பரவக் கூடியது. இந்த சிபிலிஸ் தொற்று செக்ஸுவல் தொடர்பு மூலமாக பரவக் கூடியது. அதாவது பிறப்புறுப்பு மூலமான தொடர்பு மட்டுமின்றி, வாய்வழி மூலமாகவும் இது பரவும் வாய்ப்புகள் இருக்கிறது.

இது ஏற்கனவே தொற்று ஏற்பட்டிருக்கும் ஒரு நபரின் சருமத்தில் இருந்து மற்றொரு நபரின் சருமத்திற்கு பரவுகிறது. இதை ஆணுறை பயன்படுத்தி எல்லாம் தடுக்க முடியாது.

மோலச்கம் (Molluscum)

மோலச்கம் ஒரு அசாதாரணமான பால்வினை நோய் தொற்று. இது சருமத்தில் சிவப்பு நிறத்திலான வெடித்த பருக்கள் போன்று தோன்ற கூடியது. இது சில சமயம் பெண்கள் பிறப்புறுப்பின் vulva எனும் பகுதியில் ஏற்பட கூடியது இது வலி மிகுந்ததாகும்.

ஆனால், எளிதாக பரவ கூடியதாக இருப்பினும், இது நீண்ட கால பிரச்சனையாக நீடிக்காது என்று கூறப்படுகிறது.

எச்.பி.வி

எச்.பி.வி (Human Papillomavirus), பரவலாக அறியப்படும் ஒன்பது வகை பால்வினை நோய் தொற்றுகளில் இதுவும் ஒன்று. அதிகளவில் செக்ஸ் உறவு வைத்துக் கொள்ளும் நபர்களுக்கு இந்த நோய் தொற்று ஏற்படும் அபாயம் இருக்கிறது.

எச்.பி.வி எனும் இந்த தொற்று பிறப்புறுப்பு வழியாக பரவுவது இல்லை. இது சருமத்தின் ஊடாகவே பரவுகிறது. ஆகையால் ஆணுறை பயன்படுத்த இந்த பால்வினை தொற்று ஏற்படாமல் தடுக்க முடியாது.

ஹெர்பெஸ்!

ஆசன வாய் மற்றும் தொடை மேல் பகுதியில் ஏற்படும் பால்வினை தொற்று ஹெர்பெஸ். ஆனால், ஹெர்பெஸ் வாய் பகுதியிலும் தோன்றும் வாய்ப்புகள் உள்ளன. முத்தமிட்டுக் கொள்வதால் இது பரவுகிறது.

பெரும்பாலும் உடலுறவு பிறப்புறுப்பு வழியான ஊடுருவல் மூலமாக அமைந்தாலும், அதற்கு முன்னரும், பின்னரும் கொஞ்சி விளையாடுதலில் இதுப் போன்ற பால்வினை தொற்றுகள் பரவ வாய்ப்புகள் இருக்கின்றன. இவற்றை எல்லாம் ஆணுறை மூலம் தடுப்பது என்பது சாத்தியமற்றது.