உங்கள் மருத்துவரிடம் நீங்கள் அவசியம் கேட்க வேண்டிய கேள்விகள் !!

உடல் எடையை பற்றி :

மருத்துவர் உங்கள் எடையை சரி பார்த்ததும் அவர் எதுவும் சொல்லவில்லையென்றால் "நமது எடை சரியாக இருக்கிறது,. அதான் அவர் எதுவும் சொல்லவில்லை" என நினைக்காதீர்கள்.

2010 ஆம் ஆண்டு எடுத்த கணக்கெடுப்பின்படி, மருத்துவர்கள் சரியாக BMI கணக்கிடாததால்தான் உடல் பருமன் பல நோயாளிகளுக்கு அதிகரித்ததாக ஒரு சர்வே சொல்கிறது.

வழக்கத்திற்கு மாறாக உடல் எடை குறைந்தாலோ அதிகரித்தாலோ மருத்துவருக்கு தெரிய வாய்ப்பில்லை. எனவே கட்டாயம் அதனை சொல்ல வேண்டும். அதோடு BMI பற்றி தெரிந்து கொள்ளவேண்டும்.

மருத்துவர் கை கழுவினாரா?

மருத்துவர் உங்களிடம் "உங்கள் கைகளை அடிக்கடி கழுவுங்கள்" என சொல்லப் பாத்திருப்பீர்கள். அவர்கள் உங்களுக்கு அறிவுரை சொல்வதால் அவர்களும் அப்படியே கழுவார்கள் என நினைக்காதீர்கள்.

வெறும் 30%- 40 % மருத்துவர்களே நோயாளியை பரிசோதித்தபின் கை கழுவுகிறார்கள் என சில ஆய்வுகள் கூறுகின்றன.

இதனால் ஒரு நோயாளியிடமிருந்து மற்றொரு நோயாளிக்கு நோய் பரவ வாய்ப்புள்ளது. ஆகவே ஒவ்வொரு நோயாளியை பரிசோதித்தபின் மருத்துவர் கை கழுவிகிறாரா என கேட்டு தெரிந்து கொள்ளுங்கள்.

நர்ஸ் பரிசோதனை செய்கிறாரா?

சில இடங்களில் நேரம் மற்றும் மருத்துவர் இல்லாத நேரங்களில் செவிலியரை பரிசோதனை செய்ய வைப்பார்கள். சாதரண காய்ச்சல், இருமலுக்கு அவர்களே மருந்துகளையும் பரிந்துரைப்பார்கள்.

அவ்வாறான அனுபவம் உங்களுக்கு ஏற்பட்டால் இதற்கு கண்டிப்பாக இடம் கொடுக்காதீர்கள். இது தவறு. செவிலியர்கள் சேவை மட்டுமே செய்ய முடியுமே தவிர, இன்ன நோயென்று பரிசோதனை செய்ய முடியாது.

கூகுள் ஆப்பை பற்றி :

இப்போது சின்ன நோய் அல்லது பிரச்சனை வந்தாலும் அதனைப் பற்றி தெளிவு படுத்த கூகுளை தேடுகிறோம். இது போல் மருத்துவம் , நோய் சம்பந்தப் பட்ட பல ஆப் கூகுளில் தரவிறக்கம் செய்யப்படுகிறது.

ஜாமா பல்கலைக் கழக ஆராய்ச்சியின் படி 58 % பல நோய் மற்றும் அறிகுறிகளை , கூகுள் ஆப் சரியாக கணித்து சொல்கிறது. ஆகவே அவ்வாறான கூகுள் ஆப்பை பயன்படுத்தலாமா என உங்கள் மருத்துவரை கேட்டு விசாரித்துக் கொள்ளுங்கள்.

சன் ஸ்க்ரீன் உபயோகம் பற்றி :

சூரிய புற ஊதாக்கதிர்களால் பல ஆபத்தான பாதிப்புகள் புற்று நோய் தடுக்க சன் ஸ்க்ரீன் உபயோகப்படுத்துதல் நல்லது. ஆனால் அதனை உபயோகிக்கச் சொல்லி வலியுறுத்தும் சரும மற்றும் பொது நல மருத்துவர்கள் வெறும் 1 சதவீதத்தினரே.

பெரும்பாலோனோர் சன் ஸ்க்ரீன் உபயோகிக்கச் சொல்வதில்லை. ஆனால் கட்டாயம் சன் ஸ்க்ரீன் உபயோகிக்க வேண்டும். எனவே மருத்துவரை கேட்டு எந்த மாதிரியான சன் ஸ்க்ரீன் உபயோகிக்க வேண்டும் என கேட்டுப் பெறுங்கள்.