நவராத்திரி 2023: இந்த நவராத்திரியில் சர்க்கரை நோயாளிகள் இந்த விஷயங்களை அவசியம் பண்ணணுமாம்...!

Navratri 2023: பண்டிகைகளின் காலம் வந்துவிட்டது. பண்டிகை என்றாலே உணவுகள் அங்கு முக்கியத்துவம் வாய்ந்ததாக இருக்கிறது. பண்டிகைகளுடன் ஆரோக்கியத்தை எப்படி பராமரிப்பது என்று எல்லோரும் சிந்திக்கிறார்கள். இந்த காலக்கட்டத்தில் உணவிற்கான ஆர்வத்தைத் தவிர்ப்பது கடினம்.

எனவே இந்த சமயத்தில் நீரிழிவு நோயாளிகள் மிகவும் கவனமாக இருக்க வேண்டியது அவசியம். நவராத்திரியின் போது, மக்கள் ஒன்பது நாள் விரதத்தைக் கடைப்பிடிக்கிறார்கள் மற்றும் சில உணவுக் கட்டுப்பாடுகளையும் கொண்டுள்ளனர். எனவே, இந்த நேரத்தில் குளுக்கோஸ் அளவை பராமரிப்பது மிகவும் கடினமாகிறது. இரத்த சர்க்கரை அதிகம் குறையவோ அல்லது அதிகரிக்கவோ கூடாது.

இருப்பினும், சரியான மருத்துவ ஆலோசனையுடன், நீரிழிவு நோயாளிகளும் உண்ணாவிரதம் இருக்க முடியும், ஆனால் சில வாழ்க்கை முறை குறிப்புகளை கவனத்தில் கொள்ள வேண்டும்.

நல்ல தூக்கம்

இது ஒரு குறைத்து மதிப்பிடப்பட்ட போக்காகும் மற்றும் பண்டிகைளின் போது நமக்கு சரியான தூங்க நேரம் கிடைக்காது. ஆனால் இந்த சமயத்தில் நல்ல தரமான உறக்கத்தைக் கொண்டிருப்பது இன்றியமையாதது, இது ஓய்வெடுக்கவும், மீண்டும் உற்சாகப்படுத்தவும் முக்கியம்.

விரதத்திற்கு முன்னும் பின்னும் நீரேற்றமாக இருக்க வேண்டும்

உடலை நீரேற்றமாக வைத்திருப்பது ஆரோக்கியத்திற்கான முக்கியமான விதியாகும். நச்சுகளை வெளியேற்றுவது மட்டுமல்லாமல், நீரிழப்பைத் தவிர்க்கவும் நிறைய திரவங்களை குடிக்கவும். நீரிழப்பு என்பது நீரிழிவு நோயாளிகளின் பொதுவான பிரச்சனையாகும், இது இரத்த சர்க்கரை அளவை பாதிக்கிறது. உண்ணாவிரதத்தின் போது எலக்ட்ரோலைட் சமநிலையை பராமரிக்க எலுமிச்சை தண்ணீர் மற்றும் தேங்காய் தண்ணீர் குடிக்கவும்.

புரதம் நிறைந்த உணவுகளைச் சேர்க்கவும்

அதிக பாலாடைக்கட்டி, பால், தயிர் மற்றும் பிற புரத மூலங்களைச் சேர்த்துக் கொள்ளுங்கள். இது தசைகளை வலுப்படுத்தவும், பசியின் தாக்கத்தைக் குறைக்கவும் உங்களை நீண்ட நேரம் முழுமையாக வைத்திருக்க உதவும்.

நீரிழிவு நோய்க்கு உகந்த மாவுகளை உட்கொள்ளவும்

நவராத்திரியில் விரதத்தின் போது ரவை அல்லது வேகவைத்த கோதுமை மாவு பொதுவாக உட்கொள்ளப்படுகிறது. நார்ச்சத்து நிறைந்துள்ளதால் நீரிழிவு நோயாளிகளுக்கு இவை மிகவும் ஆரோக்கியமானவை என்பது முக்கியமானது.

வறுத்த உணவுளைக் குறைக்கவும்

பாரம்பரிய உணவுகளை சாப்பிட வேண்டிய நேரம் இது. அவை மிகவும் சுவையாகவும் தவிர்க்கமுடியாததாகவும் இருக்கும் போது, வறுத்த, அதிக உப்பு மற்றும் மிகவும் காரமான உணவுகளை உட்கொள்வதை கட்டுப்படுத்துவது முக்கியம். இது குளுக்கோஸை வேகமாக அதிகரிக்கலாம்.

இனிப்பு சாப்பிட்டு விரதத்தை முடிக்கக்கூடாது

சில நட்ஸ் மற்றும் காய்கறிகளுடன் உங்கள் விரதத்தை முடிக்க முயற்சிக்கவும். மாறாக இனிப்புகள், சர்க்கரை பானங்கள் அல்லது உணவுகள் இரத்தத்தில் சர்க்கரையின் திடீர் அதிகரிப்புக்கு வழிவகுக்கும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.