காபி குடிக்கும் பழக்கம் உள்ளவரா நீங்க? இந்த மாதிரி குடிச்சீங்கனா எடையை வேகமாக குறைக்கலாமாம்...!

காலை நேரத்தை தொடங்குவதற்கு சூடான காபியை விட சிறந்த விஷயம் எதுவுமில்லை. இது நம் காலைப்பொழுதை சுறுசுறுப்பாகத் தொடங்க உதவுகிறது, இது உடனடியாக நம்மை உற்சாகப்படுத்துகிறது மற்றும் தூக்கத்தை விரட்ட உதவுகிறது, இது உலகம் முழுவதும் மிகவும் பிரபலமான பானங்களில் ஒன்றாகும்.

துரதிர்ஷ்டவசமாக காபியில் இருக்கும் பால் மற்றும் சர்க்கரை உங்கள் ஆரோக்கியத்தில் எதிர்மறை விளைவுகளை ஏற்படுத்தும். காபி பற்றிய மற்றொரு உண்மை என்னவென்றால், அதிகப்படியான உட்கொள்ளல் நீரிழப்பு, தூக்கமின்மை மற்றும் அமைதியின்மைக்கு பங்களிக்கும். மேலும் இது எடை அதிகரிப்பதற்கு வழிவகுக்கும்.

இதனை சரிசெய்ய உங்கள் காபியை சில எளிய தந்திரங்கள் மூலம் ஆரோக்கியமான பானமாக மாற்றி எடையை வேகமாக குறைக்கலாம். உங்கள் காபியை எடையை குறைக்கும் மந்திர பானமாக மாற்ற என்ன செய்ய வேண்டுமென்று இந்த பதிவில் பார்க்கலாம்.

ப்ளாக் காபி

பால், சர்க்கரை அல்லது இனிப்பு சேர்க்காமல் ப்ளாக் காபியாகக் குடிக்கவும். ப்ளாக் காபி கிட்டத்தட்ட கலோரி இல்லாதது மற்றும் வளர்சிதை மாற்றத்தை அதிகரித்து உங்கள் எடையை வேகமாக குறைக்க உதவும்.

சர்க்கரையைத் தவிர்க்கவும்

நீங்கள் உடல் எடையை குறைக்க விரும்பினால், சர்க்கரையைத் தவிர்க்கவும். சர்க்கரை என்பது வெள்ளைச் சர்க்கரையை மட்டும் குறிக்கவில்லை, ஆனால் பழுப்புச் சர்க்கரையும் ஆரோக்கியமற்றதுதான். சர்க்கரையில் வெற்று கலோரிகள் உள்ளன மற்றும் அதில் எந்த ஊட்டச்சத்துக்களும் இல்லை. அதனை தொடர்ந்து உட்கொள்வது எந்த வகையிலும் உங்கள் ஆரோக்கியத்தை ஆதரிக்காது.

உண்மையில் இது உங்கள் காபியின் கலோரி

எண்ணிக்கையை அதிகரிக்கிறது மற்றும் உங்கள் டயட்டை சீர்குலைக்கிறது. சர்க்கரை ஆற்றல் செயலிழப்பிற்கு வழிவகுக்கும், இதனால் நீங்கள் சோம்பலாக உணரலாம். சர்க்கரை இல்லாமல் காபி சாப்பிடுங்கள் அல்லது ஒரு டீஸ்பூன் வெல்லம் சேர்த்து காபி குடிக்கவும்.

க்ரீம்கள் உபயோகிப்பதைத் தவிர்க்கவும்

அதிக கலோரி கொண்ட காபி க்ரீம்கள், சுவையூட்டப்பட்ட சிரப்கள் அல்லது க்ரீம் ஆகியவற்றிலிருந்து விலகி இருங்கள். அதற்கு பதிலாக, குறைந்த கொழுப்புள்ள பால், பாதாம் பால் அல்லது ஓட்ஸ் பால் ஆகியவற்றைப் பயன்படுத்துங்கள், ஏனெனில் அவற்றில் கலோரிகள் குறைவாக உள்ளது.

அதிகளவு குடிக்காதீர்கள்

காபி வளர்சிதை மாற்றத்தை அதிகரிக்கும் மற்றும் சில கூடுதல் கலோரிகளை எரிக்க உதவும். ஆனால் அதை அதிகமாக உட்கொள்வது மோசமான விளைவை ஏற்படுத்தும். ஒருவர் ஒரு நாளைக்கு 2 கப் (250 மில்லி) காஃபின்-க்கு மேல் எடுத்துக்கொள்ளக்கூடாது.

இந்த அளவை விட அதிகமாக குடிக்கும் போது வயிற்று வலி, வலிப்பு, இரத்தத்தில் அமில அளவு அதிகரிப்பு, ஒழுங்கற்ற அல்லது வேகமான இதயத் துடிப்பு மற்றும் இதயத்திற்கு இரத்த ஓட்டம் குறைதல் போன்ற பிரச்சினைகளை ஏற்படுத்தலாம்.

இலவங்கப்பட்டையை சேர்க்கவும்

உங்கள் காபியில் ஒரு சிறிய துண்டு இலவங்கப்பட்டையை சேர்க்கவும். இலவங்கப்பட்டை இரத்த சர்க்கரை அளவைக் கட்டுப்படுத்தவும் பசியைக் குறைக்கவும் உதவும்.

பாலை குறைவாக பயன்படுத்தவும்

பால் ஆரோக்கியமானது மற்றும் எடை இழப்புக்கு கூட உதவலாம், ஆனால் உங்கள் காபியில் அதிகமாக பால் சேர்ப்பது நல்லதல்ல. பால் இல்லாமல் அல்லது பால் குறைவாக தயாரிக்கப்பட்ட காபி உங்கள் வளர்சிதை மாற்றத்தை அதிகரிக்க உதவுகிறது மற்றும் கலோரி எண்ணிக்கையை அதிகரிக்காமல் உங்களை உற்சாகப்படுத்துகிறது. உங்களுக்கு ப்ளாக் காபி பிடிக்கவில்லை என்றால், சுவையை மேம்படுத்த உங்கள் கோப்பையில் 3-4 டீஸ்பூன் பால் மட்டும் சேர்க்கவும்.

2 மணிக்கு மேல் காபி குடிக்கக்கூடாது

மதிய உணவிற்குப் பின் ஏற்படும் தூக்கத்தை தவிர்க்க பெரும்பாலான மக்கள் காபியின் உதவியை நாடுகிறார்கள். ஒரு ஸ்ட்ராங்கான காபி உங்கள் ஆற்றல் மற்றும் செறிவு அளவை அதிகரிக்க உதவும். ஆனால் மதியம் 2 மணிக்கு மேல் காபி குடிப்பது உங்கள் தூக்கத்தில் குறுக்கிடலாம் மற்றும் இரவு வெகுநேரம் வரை உங்களை விழித்திருக்க வைக்கும் . இது உங்கள் மூளையின் செயல்பாட்டை கூட பாதிக்கலாம்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.