'இந்த' சத்து நிறைந்த உணவுகள சாப்பிட்டா...இரும்பு மனிதன் போல இருக்கலாமாம்...எலும்பு நல்ல வலுவா இருக்குமாம்!

Collagen Rich Foods In Tamil: நம் உடலுக்கு ஒவ்வொரு ஊட்டச்சத்தும் அவசியம். ஒவ்வொரு ஊட்டச்சத்துக்களும் உடலின் செயல்பாட்டிற்கு உதவுகின்றன. இந்த சத்துக்களை நீங்கள் சாப்பிடும் உணவுகளில் இருந்துதான் பெற வேண்டும். அந்த வகையில், உங்கள் சருமத்தை பளபளக்க வைப்பதோடு மட்டும்மல்லாம் உடலுக்கு பல நன்மைகளை தரும் கொலாஜனை பற்றி உங்களுக்குத் தெரியுமா?

கொலாஜன் என்பது நமது உடலில் உள்ள இணைப்பு திசுக்களின் ஆரோக்கியத்திற்கும் செயல்பாட்டிற்கும் இன்றியமையாத ஒரு புரதமாகும். இந்த இணைப்பு திசுக்கள் வெவ்வேறு உடல் பாகங்களான தோல், எலும்புகள் மற்றும் உறுப்புகளை ஒன்றாக சேர்த்து நமது உடலுக்கு வடிவம் கொடுக்கின்றன.

நாம் உண்ணும் புரதத்தை அமினோ அமிலங்களாக உடைப்பதன் மூலம் நமது உடல்கள் கொலாஜனை உருவாக்குகின்றன. நீங்கள் உணவுகள் மற்றும் உணவு சப்ளிமெண்ட்ஸ் மூலம் கொலாஜனைப் பெறலாம். உங்கள் அன்றாட உணவில் சேர்க்க சில கொலாஜன் நிறைந்த உணவுகள் பற்றி இக்கட்டுரையில் காணலாம்.

எலும்பு குழம்பு

பொதுவாக எலும்பு குழம்பு அல்லது எலும்பு சூப்பு சாப்பிட நிபுணர்கள் பரிந்துரைப்பார்கள். விலங்குகளின் எலும்புகள் மற்றும் இணைப்பு திசுக்களை நீண்ட நேரம் கொதிக்க வைப்பதன் மூலம் எலும்பு குழம்பு தயாரிக்கப்படுகிறது. இந்த செயல்முறை எலும்புகள் மற்றும் தோலில் இருந்து கொலாஜனைப் பிரித்தெடுத்து குழம்பில் சேர்க்கிறது.

உங்களுக்கு வயதாகும்போது உங்கள் உடல் குறைந்த கொலாஜனை உற்பத்தி செய்யும். அப்போது, கொலாஜன் உற்பத்தியை ஊக்குவிக்கும் எலும்பு குழம்பு போன்ற கொலாஜன் நிறைந்த உணவுகளை சாப்பிடுவது முக்கியம்.

சிட்ரஸ் பழங்கள்

கொலாஜனுக்கு உடலின் முன்னோடியான புரோ-கொலாஜனின் உற்பத்தியில் வைட்டமின் சி முக்கிய பங்கு வகிக்கிறது. எனவே இந்த சத்து நிறைந்த ஆரஞ்சு, எலுமிச்சை மற்றும் கிரேப் ஃபுரூட் போன்ற சிட்ரஸ் பழங்களை அதிகம் சாப்பிடுங்கள்.

முதுமை அதிகரிப்பது ஆஸ்டியோபோரோசிஸ் அபாயத்தை அதிகரிக்கிறது. இது உங்கள் மூட்டுகளையும் எலும்புகளையும் பாதிக்கலாம். கொலாஜன் உடலில் உள்ள குருத்தெலும்புகளின் சமநிலையை பராமரிக்க உதவுகிறது. இது மூட்டு ஆரோக்கியத்தை பராமரிப்பதற்கும் உங்கள் எலும்புகளை சேதத்திலிருந்து பாதுகாப்பதற்கும் முக்கியமானது.

தோலுடன் கூடிய மீன்

கொலாஜனின் சிறந்த மூலமாக மீன் உள்ளது. ஆனால், பெரும்பலான மக்கள் மீனை சமைக்கும்போது, தோலை நீக்கி சமைக்கிறார்கள். மீன்களில் காணப்படும் கொலாஜனை விட, அதன் தோலில் அதிகம் உள்ளது, ஆதலால், மீனை தோலை சாப்பிடுவதை உறுதிப்படுத்திக் கொள்ளுங்கள்.

போதுமான கொலாஜன் இல்லாமல், உங்கள் தமனிகள் பலவீனமடையும் மற்றும் இரத்தத்தை குறைவான அளவே இதயத்திற்கு கொண்டு செல்லும். எனவே, நமது இதய ஆரோக்கியத்தை பராமரிக்க கொலாஜனும் அவசியம்.

இலை கீரைகள்

கீரை, முட்டைக்கோஸ், சுவிஸ் சார்ட் மற்றும் பிற சாலட் கீரைகள் போன்ற இலை கீரைகள் குளோரோபிலில் இருந்து அவற்றின் நிறத்தைப் பெறுகின்றன. குளோரோபிளை உட்கொள்வது சருமத்தில் கொலாஜனின் உற்பத்தியை அதிகரிக்கிறது என்று சில ஆய்வுகள் கண்டறிந்துள்ளன. மேலும், அவை உங்கள் சருமத்தை ஒளிரச் செய்யவும் உதவுகின்றன.

கொலாஜன் உங்கள் குடல் ஆரோக்கியத்திற்கும் நன்மை பயக்கும். இது செரிமானத்திற்கு உதவுகிறது, குடலின் உட்புறத்தை சரிசெய்ய உதவுகிறது மற்றும் ஆரோக்கியமான குடல் பாக்டீரியாக்களின் வளர்ச்சியை ஊக்குவிக்கிறது.

கோழி

நீங்கள் எப்போதாவது ஒரு முழு கோழியை சாப்பிட தயார் செய்திருந்தால், இறைச்சியில் கொஞ்சம் இணைப்பு திசுக்கள் இருப்பதை நீங்கள் கவனித்திருக்க வேண்டும். இது உங்கள் உணவின் மூலம் கொலாஜனை அதிகரிக்க கோழிக்கறி ஒரு நல்ல வாய்ப்பாக அமைகிறது.

சில ஆய்வுகள் கோழி கழுத்து மற்றும் குருத்தெலும்புகளை மூட்டுவலி சிகிச்சைக்கு கொலாஜனின் ஆதாரமாக பயன்படுத்துகின்றன. கொலாஜன் தோல் நெகிழ்ச்சி மற்றும் ஈரப்பதத்தை மேம்படுத்துவதற்கு நன்கு அறியப்பட்டதாகும். ஆதலால், நல்ல அளவு கொலஜனை பெற கோழி இறைச்சி உட்பட மேலே குறிப்பிடப்பட்டுள்ள உணவுகளையும் எடுத்துக்கொள்ள வேண்டும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.