நமது உடலுக்கு அத்தியாவசியமான செலினியம் சத்து அடங்கிய 10 வகையான உணவுகள் பற்றி உங்களுக்கு தெரியுமா

முட்டை

எல்லாருக்கும் தெரியும் முட்டையில் அதிகப்படியான புரோட்டீன் உள்ளது என்பது. அதே மாதிரி முட்டையில் செலினியம் தாதுவும் அடங்கி உள்ளது. 1 பெரிய அளவு முட்டையில் 15 மைக்ரோ கிராம் செலினியம் அடங்கியுள்ளது. இந்த அளவு தினசரி தேவையில் 21 %ஆகும். இதைத் தவிர முட்டையில் பாஸ்பரஸ், விட்டமின் டி, விட்டமின் பி12 மற்றும் ரிபோப்ளவின் போன்ற சத்துக்களும் அடங்கியுள்ளன.

காளான்

பூஞ்சை காளானில் அதிக அளவு செலினியம் சத்து உள்ளது. 100 கிராம் காளானில் 11.9 மைக்ரோ கிராம் செலினியம் அடங்கியுள்ளது. தினசரி அளவில் இது 17% ஆகும். மேலும் இதில் நியசின், காப்பர், பொட்டாசியம், ரிபோப்ளவின், விட்டமின் டி மற்றும் சி போன்ற சத்துக்களும் அடங்கியுள்ளன.

சீஸ்

பால் சம்பந்தப்பட்ட பொருளான சீஸில் செலினியம் அடங்கியுள்ளது. 100 கிராம் சீஸில் கிட்டத்தட்ட 15 மைக்ரோ கிராம் செலினியம் அடங்கியுள்ளது. இது தினசரி அளவில் 20% ஆகும். செலினியத்தை தவிர இதில் கால்சியம், பாஸ்பரஸ், புரோட்டீன் மற்றும் விட்டமின் ஏ போன்றவைகளும் உள்ளன.

பிரேசில் நட்ஸ்

6-8 பிரேசில் நட்ஸில் 544 மைக்ரோ கிராம் செலினியம் அடங்கியுள்ளது. இது தினசரி அளவில் 100% தேவையை பூர்த்தி செய்கிறது. மேலும் இதில் 30% நார்ச்சத்து, மக்னீசியம், பாஸ்பரஸ், காப்பர், போன்றவைகள் உள்ளன. ஆனால் இது அதிக கலோரி என்பதால் குறைந்த அளவு எடுத்து கொள்வது நல்லது.

ஓட்ஸ்

ஓட்ஸிலும் அதிக அளவு செலினியம் தாது உள்ளது. 100 கிராம் ஓட்ஸில் 34 மைக்ரோ கிராம் செலினியம் அடங்கியுள்ளது. மேலும் இதில் பாஸ்பரஸ், மக்னீசியம், மாங்கனீஸ், குறைந்த கொழுப்பு, மற்றும் நல்ல சேச்சுரேட் கொழுப்புகளும் அடங்கியுள்ளன.

மாட்டிறைச்சி

மாட்டின் கல்லீரலில் அதிகப்படியான செலினியம் உள்ளது. 100 கிராம் மாட்டிறைச்சியில் 91.4 மைக்ரோ கிராம் செலினியம் அடங்கியுள்ளது. இது ஒரு தினசரி தேவையான அளவில் 131% ஆகும். மேலும் மாட்டிறைச்சியில் பாஸ்பரஸ், காப்பர், இரும்புச் சத்து, போன்றவைகளும் உள்ளன. ஆனால் அதிகப்படியான கொழுப்பு இருப்பதால் இதை குறைத்து சாப்பிடுவது நல்லது.

சிக்கன்

சிக்கன் புரதச் சத்து மற்றும் செலினியம் அடங்கிய அற்புதமான உணவு. 100 கிராம் சிக்கனில் 27.6 மைக்ரோ கிராம் செலினியம் அடங்கியுள்ளது. இது தினசரி அளவில் 39% தேவையை பூர்த்தி செய்கிறது. மேலும் சிக்கனில் நியசின், விட்டமின் பி6, பொட்டாசியம் மற்றும் பாஸ்பரஸ் போன்றவைகள் உள்ளன.

டூனா

டூனா மீனில் அதிக அளவில் செலினியம் அடங்கியுள்ளது. 100 கிராம் டூனா மீனில் 80.4 மைக்ரோ கிராம் செலினியம் தாது உள்ளது. இதுவே நமது தினசரி தேவையில் 115% பூர்த்தி செய்கிறது. மேலும் டூனா மீனில் ஓமேகா 3 கொழுப்பு அமிலங்கள், விட்டமின் பி காம்ப்ளக்ஸ், குறைந்த கலோரிகள், கார்போஹைட்ரேட் போன்றவைகள் உள்ளன.

சால்மன்

சால்மன் மீனிலும் நிறைய அளவு செலினியம் தாது உள்ளது. 100 கிராம் சால்மன் மீனில் 41.4 மைக்ரோ கிராம் செலினியம் அடங்கியுள்ளது. இது தினசரி அளவில் 59% ஆகும். கலோரிகள் இல்லாத இந்த மீனில் குறைந்தளவு கார்போஹைட்ரேட், அதிக அளவில் ஓமேகா 3 கொழுப்பு அமிலங்கள் போன்றவைகள் உள்ளன.

வான்கோழி இறைச்சி

வான்கோழியில் புரோட்டீன் மற்றும் செலினியம் சத்துக்கள் உள்ளன. 100 கிராம் வான்கோழி கறியில் 22.8 மைக்ரோ கிராம் செலினியம் அடங்கியுள்ளது. இது தினசரி அளவில் 33% ஆகும். இதில் மேலும் குறைந்த அளவு சேச்சுரேட் கொழுப்பு, கலோரிகள், கார்போஹைட்ரேட் மற்றும் அதிகப்படியான பாஸ்பரஸ், ரிபோப்ளவின் அடங்கியுள்ளன.