ஆண்களின் ப்ரோஸ்டேட் புற்று நோய்க்கு காரணமான உணவுகள் எவை?

புரோஸ்டேட் புற்றுநோயின் அபாயத்தை அதிகரிக்கும் உணவுகள்:

இறைச்சியை யார் அதிகமாக சாப்பிடுகிறாரோ, அவர்களுக்கு புரோஸ்டேட் புற்றுநோய் வரும் அபாயம் அதிகம் உள்ளது.

அதிலும் மாட்டிறைச்சியை உயர் வெப்பநிலையில் வேக வைக்கும் போது, அதனுள் ஏற்படும் ரசாயன எதிர்வினை புரோஸ்டேட் புற்றுநோய் வரும் அபாயத்தை அதிகரிக்கிறது.

எனவே ஆண்கள் மாட்டிறைச்சியை அதிகம் உட்கொள்வதைத் தவிர்க்க வேண்டும். குறிப்பாக வயதாகிவிட்டால், மாட்டிறைச்சியை அறவே தவிர்த்துவிட வேண்டும்.

பால் :

பாலை அளவுக்கு அதிகமாக குடிக்கும் போது, அது உடலில் 1,25-டைஹைட்ராக்ஸி வைட்டமின் டி3 அளவைக் குறைக்கும். இந்த மூலக்கூறு ஆண்களின் உடலில் ஒரு பாதுகாப்பை வழங்கி, புரோஸ்டேட் புற்றுநோய் செல்களின் வளர்ச்சியை எதிர்க்கும்.

ஜிங்க் சப்ளிமெண்ட்டுகள்

ஆய்வு ஒன்றில், ஆண்கள் 100 மில்லிகிராமுக்கு அதிகமாக ஜிங்க் சத்தை எடுத்தால், அது புரோஸ்டேட் புற்றுநோயின் அபாயத்தை அதிகரிப்பதாக கண்டறியப்பட்டுள்ளது.

ஆல்கஹால்

வாரத்திற்கு 20 டம்ளருக்கும் அதிகமான அளவில் ஆல்கஹாலை அருந்தினால், அது புரோஸ்டேட் புற்றுநோயின் தாக்கத்தை அதிகரிக்கும். ஆகவே புற்றுநோய் தாக்காமல் இருக்க வேண்டுமெனில், ஆல்கஹாலுக்கு குட்-பை சொல்வதே நல்லது.

புரோஸ்டேட் புற்றுநோயின் அபாயத்தை குறைக்கும் உணவுகள்:

தக்காளி

தக்காளியில் உள்ள லைகோபைன் புரோஸ்டேட் புற்றுநோயை எதிர்த்துப் போராடச் செய்து, உடலைப் பாதுகாக்கும். லைகோபைன் என்பது ப்ரீ-ராடிக்கல்களை எதிர்த்துப் போராடும் ஆன்டி-ஆக்ஸிடன்ட். இது தீங்கு விளைவிக்கும் மற்றும் நோய்களை உண்டாக்கும் செல்களை அழிக்கும்.

ப்ராக்கோலி

ப்ராக்கோலியில் கார்போஹைட்ரேட்டுகள் குறைவாகவும், ஆன்டி-ஆக்ஸிடன்ட்டுகள் மற்றும் பைட்டோகெமிக்கல்கள் அதிகமாகவும் உள்ளது. இது உடலில் உள்ள செல்களின் மாற்றத்தால் புற்றுநோய் உண்டாவதைத் தடுக்கும்.

சால்மன்

சால்மன் மீனில் உள்ள அதிகமான ஒமேகா-3 ஃபேட்டி அமிலங்கள், பாலிஅன்சாச்சுரேட்டட் கொழுப்புக்கள் போன்றவை புரோஸ்டேட் புற்றுநோய் வளர்ச்சியைத் தடுக்க உதவும். வேண்டுமானால் மத்தி மற்றும் கானாங்கெளுத்தி போன்றவற்றையும் உணவில் சேர்த்துக் கொள்ளலாம்.

பிரேசில் நட்ஸ்

புரோஸ்டேட் புற்றுநோயைத் தடுக்கும் முக்கியமான கனிமச்சத்து தான் செலினியம். பிரேசில் நட்ஸில் செலினியம் ஏராளமான அளவில் உள்ளது. அதுவும் ஒரு நாளைக்கு வேண்டிய அளவில் 700% அதிகம் உள்ளது.

வால்நட்ஸ்

வால்நட்ஸில் கார்போஹைட்ரேட் குறைவாகவும், ஒமேகா-3 கொழுப்பு அமிலங்கள் அதிகமாகவும் உள்ளது. இதனால் இது புரோஸ்டேட் புற்றுநோயைத் தடுக்கும் உணவுகளுள் சிறந்ததாக கருதப்படுகிறது. மேலும் ஆய்விலும் இது நிரூபிக்கப்பட்டுள்ளது.

பெர்ரி பழங்கள்

பெர்ரி பழங்களான ஸ்ட்ராபெர்ரியில் ஆன்டி-ஆக்ஸிடன்ட்டுகள் அதிகமாகவும், கிளைசீமிக் இன்டெக்ஸ் குறைவாகவும் உள்ளதால், இது புரோஸ்டேட் புற்றுநோய் வளர்ச்சிக்கான அபாயத்தைத் தடுக்கும்.

காபி

தினமும் 4-5 கப் காபியைக் குடித்தால், புரோஸ்டேட் புற்றுநோய் செல்களின் வளர்ச்சி குறைவதாக நிபுணர்கள் கூறுகின்றனர். இதற்கு காபியில் உள்ள ஆன்டி-ஆக்ஸிடன்ட்டுகள் மற்றும் இது சர்க்கரையை வளர்சிதை மாற்றம் புரிவது தான் காரணம்.

கேரட்

வாரத்திற்கு 3 முறை உணவில் கேரட்டை சேர்த்து வந்தால், 18% புரோஸ்டேட் புற்றுநோயின் வளர்ச்சி குறையும். இதற்கு காரணம் கேரட்டில் உள்ள பீட்டா-கரோட்டின் என்னும் கரோட்டினாய்டு உடலினுள் செல்லும் போது வைட்டமின் ஏ ஆக மாற்றமடைவது தான்.

மாதுளை ஜூஸ்

மாதுளையில் உள்ள ஆன்டி-ஆக்ஸிடன்ட், புற்றுநோய் செல்களின் பெருக்கத்தைத் தடுக்கும். மேலும் மாதுளை புரோஸ்டேட் புற்றுநோய் செல்கள் உடலில் பரவுவதைத் தடுத்து, அந்த செல்களை பலவீனப்படுத்தும்.

சோயா

சோயாவில் உள்ள ஐசோஃப்ளேவோன்ஸ், புரோஸ்டேட் புற்றுநோய் செல்களில் இடையூறை ஏற்படுத்தி, உடலில் அதன் வளர்ச்சி, பரவும் தன்மை போன்றவற்றைத் தடுக்கும். ஆகவே அவ்வப்போது சோயாவை உணவில் சேர்த்து வருவதன் மூலம், புரோஸ்டேட் புற்றுநோய் வளர்ச்சியைத் தடுக்கலாம்.