எப்போதும் ஃபிட்டாக இருப்பதற்கு அமீர் கான் பின்பற்றும் டயட் இது தாங்க...!

By Maha

| Updated: Friday, October 16, 2015, 15:15 [IST]

பாலிவுட்டில் உடலை எப்போதுமே ஃபிட்டாக வைத்துக் கொள்ளும் நடிகர்களுள் ஒருவர் தான் அமீர் கான். இவர் தன் கட்டுமஸ்தான உடலைக் கொண்டே நிறைய ரசிகைகளைக் கவர்ந்தவர். மேலும் இவர் எந்த ஒரு கதாபாத்திரத்தில் நடித்தாலும், தனது 100 சதவீத உழைப்பைப் போட்டு, அந்த கதாபாத்திரமாகவே மாறி நடிப்பதால், இவரது படங்கள் அனைத்தும் அற்புதமாக இருக்கும்.

ரித்திக் ரோஷன் தன் தொப்பையைக் குறைத்து எப்படி சிக்ஸ் பேக் வைத்தார் தெரியுமா?

சொல்லப்போனால் இவர் படத்திற்காக, தான் எவ்வாறு மாற வேண்டுமோ அவ்வாறெல்லாம் மாறுவார். அத்தகைய குணம் கொண்ட அமீர்கான் தன் உடலை எப்போதும் ஃபிட்டாக வைத்துக் கொள்ள தினமும் டயட்டை மேற்கொள்வதோடு, உடற்பயிற்சிகளையும் மேற்கொள்வார். உங்களுக்கு அவர் மேற்கொள்ளும் டயட் என்னவென்று தெரிந்து கொள்ள ஆசையா? அப்படியெனில் தொடர்ந்து படித்து தெரிந்து கொள்ளுங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

பி.எம்.ஐ சோதனை

நடிகர் அமீர் கான் தனது உயரத்திற்கு ஏற்ற எடையை எப்போதும் பராமரிப்பவர். இவர் தினமும் தனது உடல் எடையைப் பரிசோதித்து, எடையைப் பராமரிப்பதற்கு ஏற்றவாறான டயட்டை மேற்கொள்வார்.

சரிவிகித உணவு

அமீர் கான் சைவம் மற்றும் அசைவ உணவுகளை சரிவிகித அளவில் தான் எப்போதும் எடுத்துக் கொள்வாராம்.

பலமுறை உணவு

அமீர் தினமும் சிறு அளவில் பலமுறை உணவுகளை உண்பார். இப்படி உண்பதால் உடலின் மெட்டபாலிச அளவு அதிகரித்து, கலோரிகள் எரிக்கப்படும்.

உடற்பயிற்சிக்கு முன் பழங்கள்

அமீர் தினமும் உடற்பயிற்சியில் ஈடுபடும் முன், வாழைப்பழம், ஆப்பிள் அல்லது சர்க்கரைவள்ளிக் கிழங்கு சாப்பிடுவார். இப்படி சாப்பிடுவதால் உடற்பயிற்சி செய்வதற்கு தேவையான ஆற்றல் கிடைக்குமாம்.

நீர்மம்

தினமும் 3-4 லிட்டர் தண்ணீர் குடிப்பதோடு, உடற்பயிற்சி செய்யும் தருணங்களில் எலுமிச்சை ஜூஸ் குடிப்பாராம். உடற்பயிற்சி நேரத்தில் எலுமிச்சை ஜூஸ் குடிப்பதால், தசைகளில் ஏற்படும் உள்காயங்கள் தடுக்கப்பட்டு, தசைகள் வலிமையுடனும், இறுக்கமாகவும் இருக்கும்.