உடலை ஸ்லிம்மாக வைக்க உதவும் 'டீ' வகைகள்!!!

ரோஸ் டீ

ரோஸ் டீ என்பது ரோஜாப்பூ இதழ்களை டீ கொதிக்கும் போது சேர்த்து செய்யப்படும் ஒரு டீ ஆகும். இந்த டீயானது மலச்சிக்கல் பிரச்சனையை போக்கி, வயிற்று உப்புசத்தைத் தடுக்கும். மேலும் ரோஸ் டீயானது உடலில் உள்ள நச்சுக்களை வெளியேற்றி, சருமத்தை பொலிவோடும், உடல் எடையை குறைக்கவும் பெரிதும் உதவியாக இருக்கும்.

ஊலாங் டீ

சைனா டீயான ஊலாங் டீ, இரத்த சர்க்கரையையும், கார்டிசால் அளவையும் குறைக்கும். இதனால் உடலில் கொழுப்பு தேங்குவதை கட்டுப்படுத்த முடியும். முக்கியமாக அலுவலகம் செல்பவர்கள் இடை இடையிடையே இந்த டீயை அருந்தி வந்தால் மிகவும் நல்லது.

ப்ளாக் டீ

பொதுவாக டயட்டில் இருப்போர் ப்ளாக் டீ தான் அதிகம் பருகுவார்கள். அதிலும் அந்த ப்ளாக் டீயில் சிறிது எலுமிச்சை சாறு சேர்த்து குடித்து வந்தால், உடலின் எனர்ஜி அதிகரிப்பதுடன், ஸ்டாமினா அதிகரிக்கும். மேலும் அது உடலில் தங்கியுள்ள டாக்ஸின்களை வெளியேற்றி, உடல் எடை குறைய உதவியாக இருக்கும்.

இந்தியன் பால் டீ

சாதாரணமாக வீட்டில் பால் கொண்டு செய்யப்படும் டீயில் சர்க்கரைக்கு பதிலாக, நாட்டுச்சர்க்கரை/சுகர் ப்ரீ சேர்த்து சாப்பிட்டால், அது பசியுணர்வைக் கட்டுப்படுத்தும். அதிலும் பாலில் ஸ்கிம்டு மில்க் கொண்டு பால் போட்டு குடிக்க வேண்டும். குறிப்பாக அத்துடன் ஏலக்காய் அல்லது இஞ்சி சேர்த்துக் கொண்டு சுவையுடன் இருப்பதோடு, உடல் பருமன் குறைய உதவியாகவும் இருக்கும்.

க்ரீன் டீ

உடல் எடையை குறைக்க நினைப்போர் நிச்சயம் குடிக்க வேண்டிய ஒரு பானம் தான் க்ரீன் டீ. அதிலும் இதனை காலை வேளையில் குடித்து வந்தால், உடலின் மெட்டபாலிசம் அதிகரித்து, தேவையற்ற கொழுப்புக்கள் கரைந்து, உடல் எடை குறையும்.