உங்க இரத்தத்தில் அதிகரித்த சர்க்கரை அளவை ஈஸியா குறைக்கணுமா? ஆயுர்வேதம் சொல்லும் இந்த தண்ணிய குடிங்க...!

Diabetes: சர்க்கரை நோய் என்பது நீண்ட காலமாக மக்களை பாடாய்படுத்தும் ஒரு ஆபத்தான நோயாகும். இந்தியாவில் சர்க்கரை நோயால் பாதிக்கப்படுபவர்களின் எண்ணிக்கை தொடர்ந்து அதிகரித்து வருகிறது. உலகளவில் இறப்புக்கு முக்கிய காரணங்களில் ஒன்று நீரிழிவு நோய் தற்போது மாறியுள்ளது. உலக சுகாதார அமைப்பின் கூற்றுப்படி, இந்த நிலை 2030 ஆம் ஆண்டிற்குள் 100 சதவீதத்திற்கு மேல் வளரும் என மதிப்பிடப்பட்டுள்ளது. இது உங்கள் உடல் உணவை எவ்வாறு ஆற்றலாக மாற்றுகிறது என்பதைப் பாதிக்கிறது.

இந்த நோய் சரியாக நிர்வகிக்கப்படாவிட்டால், சிறுநீரக நோய், நரம்பு பாதிப்பு, தோல் நிலைகள், கண் பிரச்சனைகள், இதய நோய், செவித்திறன் குறைபாடு போன்ற கடுமையான உடல்நலச் சிக்கல்களுக்கு வழிவகுக்கும்.

உயர் இரத்த சர்க்கரையை நிர்வகிப்பது மிகவும் சவாலானது, குறிப்பாக வெப்ப அலைகளின் போது இது மிகவும் கடினமானதாக மாறுகிறது. அதிக வெப்பநிலை உங்கள் இரத்த சர்க்கரை அளவையும், ஒட்டுமொத்த ஆரோக்கியத்தையும் பாதிக்கலாம்.

பழங்கால இந்திய மருத்துவ முறையான ஆயுர்வேதம், உங்களை குளிர்ச்சியாகவும் நீரேற்றமாகவும் வைத்திருக்கும் அதே வேளையில் இரத்த சர்க்கரை அளவைக் கட்டுப்படுத்த உதவும் சில சக்திவாய்ந்தஇயற்கை வைத்தியங்களை பரிந்துரைக்கிறது. அவை என்னென்ன என்று இந்த பதிவில் தெரிந்து கொள்ளலாம்.

வெந்தய நீர்

வெந்தயம் பல நூற்றாண்டுகளாக உணவுகளில் பயன்படுத்தப்படுகிறது, சுவை மட்டுமின்றி வெந்தய விதைகள் அதன் இரத்த சர்க்கரையை ஒழுங்குபடுத்தும் பண்புகளுக்கு பெயர் பெற்றவை. வெந்தயத்தை இரவு முழுவதும் ஊறவைத்து, காலையில் அந்த தண்ணீர் குடிப்பதால் இரத்தத்தில் உள்ள சர்க்கரையின் அளவை சீராக வைக்கலாம்.

நெல்லிக்காய் ஜூஸ்

நெல்லிக்காயில் வைட்டமின் சி மற்றும் ஆன்டிஆக்ஸிடன்ட்கள் நிறைந்துள்ளன, இது இரத்த சர்க்கரை அளவை சிறப்பாக நிர்வகிக்க உதவுகிறது. கூடுதலாக, நெல்லிக்காய் சாறு உங்கள் நோய் எதிர்ப்பு சக்தியை அதிகரித்து ஒட்டுமொத்த ஆரோக்கியத்தையும் மேம்படுத்தும்.

பாகற்காய் சாறு

பொதுவாக மக்களுக்கு பிடிக்காத காய்கறி எதுவென்றால் அனைவரும் கண்ணை மூடிக்கொண்டு பாகற்காய் என்றுதான் கூறுவார்கள். ஆனால் பாகற்காய் பல ஆரோக்கிய நன்மைகள் நிறைந்த காய்கறியாகும், பாகற்காய் நீரிழிவு நோய்க்கான மற்றொரு சக்திவாய்ந்த ஆயுர்வேத தீர்வாகும். இதில் சரண்டின் மற்றும் பாலிபெப்டைட்-பி உள்ளது, இவை இரண்டும் இரத்த சர்க்கரை அளவைக் கட்டுப்படுத்துவதில் பயனுள்ளதாக இருக்கும்.

இலவங்கப்பட்டை நீர்

இலவங்கப்பட்டை உணவில் வாசனைக்காக மட்டும் சேர்க்கப்படுவதில்லை, அதில் பல ஆரோக்கியான நன்மைகளும் உள்ளது. இலவங்கப்பட்டை இன்சுலின் உணர்திறனை மேம்படுத்துவதற்கும் இரத்த சர்க்கரை அளவைக் குறைப்பதற்கும் அறியப்படுகிறது. இலவங்கப்பட்டை கலந்த தண்ணீரைக் குடிப்பது நீரிழிவு நோயை திறம்பட நிர்வகிக்க உதவும்.

துளசி தண்ணீர்

துளசி இந்து மதத்தில் மிகவும் புனிதமானதாக கருதப்படுகிறது, ஆனால் அதனை ஆயுர்வேதம் மருந்தாக பல நூற்றாண்டுகளாக பயன்படுத்தி வருகிறது. துளசி இரத்த சர்க்கரை அளவைக் கட்டுப்படுத்த உதவும் அழற்சி எதிர்ப்பு மற்றும் ஆக்ஸிஜனேற்ற பண்புகளைக் கொண்டுள்ளது. துளசி நீரை குடிப்பது உங்கள் ஒட்டுமொத்த ஆரோக்கியத்தையும் மேம்படுத்தும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.