உங்க உடலில் இருக்கும் கெட்ட கொழுப்பை வேகமாக கரைக்கணுமா? இந்த காய்கறிகளை ஒன்றை தினமும் சாப்பிடுங்க...!

கொழுப்பு நம் உடலில் ஹார்மோன்களை உற்பத்தி செய்வதற்கும், கொழுப்பு நிறைந்த உணவுகளை ஜீரணப்படுத்துவதற்கும் முக்கியமானது. ஆனால் அதை அதிகமாக உட்கொள்வது இதயம் தொடர்பான பிரச்சனைகளுக்கு வழிவகுக்கும். உடல் பருமன் மற்றும் டைப் 2 நீரிழிவு ஆகியவை அதிக கொழுப்புக்கான உங்கள் ஆபத்தை அதிகரிக்கலாம்.

கொலஸ்ட்ரால் மற்றும் உங்கள் உணவு முறை ஒன்றுடன் ஒன்று நெருக்கமான தொடர்பு கொண்டவை. ஆரோக்கியமற்ற கொழுப்புகளைக் கொண்ட குறைந்த உணவுகளை நீங்கள் சாப்பிட வேண்டும் என்றாலும், காய்கறிகளை உட்கொள்வது கொழுப்பைக் குறைக்க உதவும்.

அதிக கொலஸ்ட்ராலைத் தடுக்கவும், இதய நோய் அபாயத்தைக் குறைக்கவும் ஆரோக்கியமான உணவுகளை உண்ண வேண்டியது அவசியமாகும். அதன்படி சில காய்கறிகள் கொலஸ்ட்ராலின் அளவைக் குறைப்பதில் முக்கியப்பங்கு வகிக்கிறது. அவை என்னவென்று இந்த பதிவில் தெரிந்து கொள்ளலாம்.

கொலஸ்ட்ராலைக் குறைக்கும் அறிகுறிகள்

2020 ஆம் ஆண்டு நடத்தப்பட்ட ஆய்வின் படி, ஒரு நாளில் மூன்றுக்கும் மேற்பட்ட காய்கறிகள் மற்றும் பழங்களை உட்கொள்வது கெட்ட கொலஸ்ட்ரால் மற்றும் மொத்த கொழுப்பின் அளவைக் குறைக்க உதவும். கொலஸ்ட்ராலைக் கட்டுப்படுத்த உதவும் சில காய்கறிகள் என்னென்ன என்று மேற்கொண்டு பார்க்கலாம்.

கீரை

கீரையில் லுடீன் மற்றும் பிற கரோட்டினாய்டுகள் அதிகம் உள்ளது, இது கெட்ட கொலஸ்ட்ரால் அளவைக் குறைக்க உதவுகிறது. நீங்கள் இதை சாலடுகள், ஸ்மூத்திகளில் சேர்க்கலாம் அல்லது ஒரு பக்க உணவாகக் கூட எடுத்துக் கொள்ளலாம்.

காலே

எல்.டி.எல் கொழுப்பைக் குறைக்க உதவும் நார்ச்சத்து மற்றும் ஆன்டி-ஆக்ஸிடன்ட்களை காலே கொண்டுள்ளது. Hypertension and Cardiology இதழில் வெளியிடப்பட்ட 2016 ஆய்வு, வளர்சிதை மாற்ற நோய்க்குறி உள்ளவர்களை உள்ளடக்கியது. ஒவ்வொரு நாளும் 14 கிராம் காலே பவுடரை எட்டு வாரங்களுக்கு உட்கொள்வது பங்கேற்பாளர்களின் கெட்ட கொழுப்பின் அளவைக் குறைக்கிறது என்று கண்டறியப்பட்டது. இதை சாலடுகள் அல்லது சூப்களில் பயன்படுத்தலாம்.

ப்ரோக்கோலி

ப்ரோக்கோலியில் கரையக்கூடிய நார்ச்சத்து உள்ளது மற்றும் ஆக்ஸிஜனேற்றங்கள் நிறைந்துள்ளன, இது கொழுப்பைக் குறைக்க உதவுகிறது என்று நிபுணர்கள் கூறுகிறார்கள். இந்த காய்கறியை ஆவியில் வேகவைத்தோ அல்லது வறுத்தோ அல்லது சூப் வடிவிலோ எடுத்துக் கொள்ளலாம்.

கேரட்

கேரட்டில் கரையக்கூடிய நார்ச்சத்து அதிகம் உள்ளது, குறிப்பாக இதிலுள்ள பெக்டின் கொழுப்பைக் குறைக்க உதவும். ஆரோக்கியமாக இருக்க அவற்றை பச்சையாகவே சாப்பிடலாம், அல்லது சாலடுகளில் சேர்த்தோ அல்லது பொரியலாகவோ சாப்பிடலாம்.

சர்க்கரை வள்ளிக்கிழங்கு

சர்க்கரை வள்ளிக்கிழங்கில் நார்ச்சத்து மற்றும் ஆக்ஸிஜனேற்றங்கள் அதிகம் உள்ளன, இது கொலஸ்ட்ரால் அளவை நிர்வகிக்க உதவும் என்று நிபுணர்கள் பரிந்துரைக்கிறார்கள். அவற்றை வேகவைத்தோ அல்லது வறுத்தோ சாப்பிடலாம். நீங்கள் சர்க்கரை வள்ளிக்கிழங்கை சூப்களில் கூட பயன்படுத்தலாம்.

முட்டைக்கோஸ்

மிகவும் நார்ச்சத்து நிறைந்த காய்கறியான முட்டைக்கோஸில் ஆன்டிஆக்ஸிடன்ட்கள் நிறைந்துள்ளது மற்றும் அழற்சி எதிர்ப்பு பண்புகளைக் கொண்டுள்ளது. முட்டைக்கோஸ் ஒரு பல்துறை காய்கறியாகும், நீங்கள் அதனை பல்வேறு வழிகளில் உணவில் சேர்த்துக் கொள்ளலாம்.

பாகற்காய்

பாகற்காய் இரத்தத்தை சுத்திகரித்து இதய செயல்பாட்டை மேம்படுத்த உதவும் என்று நிபுணர்கள் கூறுகிறார்கள். நீங்கள் அதை நீராவியில் வேகவைக்கலாம், வறுக்கலாம் அல்லது குழம்பு செய்தும் சாப்பிடலாம்.

இந்த காய்கறிகள் கொழுப்பைக் குறைப்பதற்கான சிறந்த உணவுகளாகும், ஏனெனில் அவற்றில் கரையக்கூடிய நார்ச்சத்து மற்றும் எல்டிஎல் கொழுப்பைக் குறைக்கும் மற்றும் ஒட்டுமொத்த இதய ஆரோக்கியத்தை மேம்படுத்தக்கூடிய ஆக்ஸிஜனேற்றங்கள் உள்ளன. பொதுவாக, இந்த காய்கறிகளை சாப்பிடுவது கடுமையான பக்க விளைவுகளை ஏற்படுத்தாது. ஒருவேளை உங்களுக்கு ஏதேனும் அசௌகரியம் இருந்தால் அதனை மருத்துவருடன் ஆலோசிப்பது நல்லது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.