அர்ஜுன் ரெட்டி, கபீர் சிங் இந்த ஜோடி நல்லா இருக்கே! பாத்திங்களா?

விஜய் தேவரகொண்டா

விஜய் தேவரகொண்டா ஒரு முழுக்கைக் கொண்ட சீன காலர் ஸ்கை ப்ளூ குர்தாவை அணிந்து இருந்தார். இது புதுவிதமான ஆடை இல்லை என்றாலும் எப்போதும் ட்ரெண்ட் ஆக உள்ள ஒரு ஆடை தான் என்பதில் சந்தேகமில்லை. மேலும் தேவரகொண்டா அணிந்து இருந்த குர்தாவில் சிக்கலான தங்க மலர் எம்பிராய்டரி மற்றும் தங்க நிற பட்டன்களால் வேலைசெய்யப்பட்டு இருந்தது. அத்துடன் கிரீம் வண்ண தோதி பேன்ட்களுடன் குர்தாவை இணைத்து இருந்தார். விஜய் தேவரகொண்டாவின் ஸ்டைல் எப்போதும் புதுவிதமாகத் தான் இருக்கும். இந்த முறையும் இருட்டிலும் மின்னும் மின்மினிப் பூச்சியைப் போல் மின்னி தனது ஸ்டைல் மூலம் அனைவரும் கவர்ந்துள்ளார் விஜய் தேவரகொண்டா.

கியாரா அத்வானி

கியாரா அத்வானி அவர்கள் இதுவரையில் தமிழ்ப் படங்களில் நடிக்க வில்லை. ஆனால் டோனியின் வாழ்கை வரலாறு படத்தில் இரண்டாம் கதாநாயகியாக நடித்து இருந்தார். இவர் ஹிந்தியில் முன்னணி நடிகைகளின் பட்டியலில் ஒருவராவார். தற்போது கபீர் சிங் படத்தின் மூலம் அனைவரையும் கவர்ந்துள்ளார். கியாரா அத்வானி தனது இளஞ்சிவப்பு லெஹங்கா-சோலியில் முற்றிலும் அழகாகத் தோன்றினார். அதில் தங்க-எம்பிராய்டரிகளால் வேலைப்பாடுகள் செய்யப்பட்டிருந்தது. ஸ்லீவ்லெஸ் ஜாக்கெட் அணிந்து ஒற்றை பக்கத் துப்பட்டாவால் தனது அழகை வெளிப்படுத்தினர். அதில் இளஞ்சிவப்பு மற்றும் தங்க எல்லைக் கொண்டு அலங்கரிக்கப்பட்டிருந்தது. இந்த லெஹெங்கா நவீன இந்தியத் திருமண நிகழ்ச்சிகளில் அணியும் லெஹெங்காவை ஒத்திருந்தது.

அணிகலன்கள்

கியாரா அத்வானியின் அணிகலன்களை பற்றி பார்க்கும் போது, தனது தோற்றத்தை ஒரு தங்க நிற சோக்கர் நெக்லஸ், சிறிய காதணிகள், வளையல்கள் மற்றும் மோதிரத்துடன் அணுகினார். மேலும் தன் அலை அலையான கூந்தலை இழுத்து கட்டிய போனிடெயிலுடன் காட்சியளித்தார். அத்துடன் கியாரா மென்மையான கோஹல்ட் கண் மேக்கப் மற்றும் பிங்க் நிற லிப்ஸ்டிக்கை அணிந்து தனது அழகை வெளிப்படுத்தினார்.

பேஷன்

விஜய் தேவரகொண்டா மற்றும் கியாரா அத்வானி இருவரும் ஒரு பேஷன் ஐடியாவை நமக்கு அளித்துள்ளார்கள். விஜய் தேவரகொண்டா அணிந்து இருந்த குர்தா நம் இந்திய கல்யாண கலாச்சாரத்திற்கு ஏற்றது என்பதில் சந்தேகமில்லை. அதேபோல் இப்போது பேஷன் ஆகிவரும் லெஹங்கா சோலியும் பெண்கள் விசேஷ விழாக்களுக்கு அணிந்து கொள்ளலாம். நீங்களும் அடுத்த முறை விசேஷங்களுக்குச் செல்லும் போது குர்தா மற்றும் லெஹங்கா சோலி அணிந்து அனைவரையும் கவர்ந்திடுங்கள்.