தேசிய விருதைப் பெற பட்டு வேஷ்டி சட்டை அணிந்து காதல் மனைவி ஜோதிகாவுடன் க்யூட்டாக வந்த சூர்யா!

தேசிய விருதை வென்ற நடிகர் சூர்யா

நடிகர் சூர்யா தேசிய விருதை வாங்குவதற்கு பாரம்பரிய உடையான பட்டு வேஷ்டி சட்டையில் அழகாக வந்திருந்தார். இந்த உடைக்கு இவர் மேற்கொண்டு வந்த தாடி ஸ்டைல் ஒரு கம்பீரமான தோற்றத்தை வெளிக்காட்டியது. இது சூர்யா விருதை வாங்கும் போது எடுத்த போட்டோ.

தேசிய விருதை வென்ற நடிகை ஜோதிகா

நடிகை ஜோதிகா மிகவும் அழகான க்ரீம் மற்றும் கிரே நிற சில்க் புடவையை அணிந்து வந்திருந்தார். இந்த புடவைக்கு இவர் வெள்ளி நகைகளை அணிந்து, தலைக்கு மல்லிகைப் பூ வைத்து, நெற்றியில் வட்ட வடிவ பொட்டு வைத்து கொண்டு தனது தோற்றத்தை சிறப்பாக வெளிப்படுத்தினார்.

அழகிய ஜோடி

திரையுலகில் எத்தனையோ நடிகர், நடிகைகள் காதலித்து திருமணம் செய்து கொண்டுள்ளனர். ஆனால் அவர்களுள் அஜித்-ஷாலினிக்கு அடுத்தப்படியாக ஏராளமானோரின் மனதில் சிறந்த தம்பதிகள் என்ற பெயரைப் பெற்றவர்கள் தான் சூர்யா-ஜோதிகா. இதை இந்த தேசிய விருது விழாவிலும் ஒரே நிறத்திலான உடையை அணிந்து வந்து சிறந்த தம்பதி என்பதை வெளிக்காட்டியுள்ளனர் என்றே கூறலாம்.

சூரரைப் போற்று குழுவுடன்..

இது இயக்குநர் சுதா கொங்கரா, நடிகை அபர்ணா பாலமுரளி மற்றும் தயாரிப்பாளரும் தனது ஆசை மனைவியுமான ஜோதிகாவுடன் சூர்யா எடுத்த செல்ஃபி போட்டோ.

ஜோவுடன் சூர்யா

இது 68 ஆவது தேசிய விருது விழா நடக்கும் இடத்தில் தனது காதல் மனைவியான ஜோதிகாவுடன் நடிகர் சூர்யா சேர்ந்து எடுத்த செல்ஃபி போட்டோ.

தியா-தேவ்

இது சூர்யாவும், ஜோதிகாவும் தாங்கள் வாங்கிய தேசிய விருதை தியா மற்றும் தேவ் உடன் சேர்ந்து எடுத்த போட்டோ. இந்த போட்டோவில் தியா அப்படியே ஜோதிகா மாதிரியும், தேவ் சூர்யாவைப் போன்றும் உள்ளனர் தானே!

தந்தை-தாயுடன் சூர்யா

இது நடிகர் சூர்யா மற்றும் ஜோதிகா தாங்கள் வாங்கிய விருதை தங்கள் குடும்பத்தினருடன் சேர்ந்து வைத்துக் கொண்டு சந்தோஷமாக எடுத்த போட்டோ.

Image Courtesy: Instagram