நயன்தாராவின் அழகிற்கு முக்கிய காரணமான தேங்காய் எண்ணெய்- அதை எப்படி யூஸ் பண்ணணும் தெரியுமா?

1. இளமையான சருமத்தைப் பெற உதவும் தேங்காய் எண்ணெய் ஃபேஸ் பேக்

* ஒரு அகவேடோ அல்லது வெண்ணெய் பழத்தின் தசைப் பகுதியை ஒரு பௌலில் எடுத்துக் கொள்ள வேண்டும்.

* பின் அவகேடோவை நன்கு பேஸ்ட் போல் ஸ்பூன் கொண்டு மசித்து விட வேண்டும்.

* பின்பு அதில் 4 டேபிள் ஸ்பூன் தேங்காய் எண்ணெய் மற்றும் 2 டீஸ்பூன் ஜாதிக்காய் பொடியை சேர்த்து நன்கு கிளறி விட வேண்டும்.

* பிறகு அதை முகத்தில் தடவி 15 நிமிடம் ஊற வைத்து, வெதுவெதுப்பான நீரால் கழுவ வேண்டும்.

இந்த ஃபேஸ் பேக் சரும சுருக்கங்களைத் தடுத்து, சருமத்தை நீரேற்றத்துடன் வைத்துக் கொள்ள உதவி புரிந்து, சருமத்தை இளமையாகவும், பளபளப்பாகவும் வைத்துக் கொள்ளும்.

2. முகப்பருவைத் தடுக்கும் தேங்காய் எண்ணெய் ஃபேஸ் பேக்

* ஒரு பௌலில் 3 டேபிள் ஸ்பூன் ஓட்ஸ் பொடியை எடுத்துக் கொள்ள வேண்டும்.

* பின் அதில் 1/4 கப் வெதுவெதுப்பான நீரை ஊற்றி பேஸ்ட் செய்ய வேண்டும்.

* பிறகு அதில் 1 டேபிள் ஸ்பூன் தேங்காய் எண்ணெய் சேர்த்து நன்கு கிளறி விட வேண்டும்.

* அடுத்து அந்த கலவையை முகத்தில் தடவி 15 நிமிடம் ஊற வைக்க வேண்டும். 15 நிமிடம் கழித்து மென்மையாக முகத்தை 5 நிமிடம் விரல்களால் மசாஜ் செய்ய வேண்டும். இப்படி மசாஜ் செய்வதால் சருமத்தில் உள்ள இறந்த செல்கள் அகற்றப்படும். பின் முகத்தை குளிர்ந்த நீரால் கழுவி, முகத்தை துடைக்க வேண்டும். இந்த ஃபேஸ் பேக் முகப்பருக்கள் வருவதைத் தடுக்கும்.

3. பொலிவான சருமத்தைப் பெற உதவும் தேங்காய் எண்ணெய் ஃபேஸ் பேக்

* ஒரு பௌலில் 1 டீஸ்பூன் தேங்காய் எண்ணெய் மற்றும் 2 டேபிள் ஸ்பூன் தேன் சேர்த்து கலந்து கொள்ள வேண்டும்.

* பின் அதில் 1 டேபிள் ஸ்பூன் க்ரீன் டீ இலைகளை போட்டு நன்கு கலந்து கொள்ள வேண்டும்.

* பின்பு அந்த கலவையை முகத்தில் நன்கு தடவி 10 நிமிடம் ஊற வைக்க வேண்டும். பின் முகத்தை வெதுவெதுப்பான அல்லது குளிர்ந்த நீரால் கழுவி, முகத்தை மென்மையான துணியால் துடைக்க வேண்டும். இந்த ஃபேஸ் பேக் முகத்திற்கு ஒருவித பொலிவையும் பிரகாசத்தையும் அளிக்கும் மற்றும் சருமத்தை ஈரப்பதத்துடன் வைத்துக் கொள்ளும்.

4. கரும்புள்ளிகளைப் போக்கும் தேங்காய் எண்ணெய் ஃபேஸ் பேக்

* ஒரு பௌலில் 1 டேபிள் ஸ்பூன் தேங்காய் எண்ணெய் மற்றும் 1 டீஸ்பூன் பேக்கிங் சோடாவை ஒன்றாக கலந்து பேஸ்ட் போல் செய்து கொள்ள வேண்டும்.

* பின் அதை முகத்தில் தடவி 5 நிமிடம் ஊற வைத்து, பின் முகத்தை மென்மையாக விரல்களால் 2 நிமிடம் தேய்க்க வேண்டும். இதனால் சருமத்தில் உள்ள இறந்த செல்கள் வெளியேற்றப்படும். முக்கியமாக தேய்க்கும் போது கரும்புள்ளிகள் உள்ள பகுதியில் சற்று அதிக நேரம் தேய்த்து, பின் குளிர்ந்த நீரால் முகத்தைக் கழுவ வேண்டும். இதனால் சருமம் கரும்புள்ளிகளின்றி நன்கு மென்மையாக இருக்கும். இந்த ஃபேஸ் பேக்கை வாரத்திற்கு 3 முறை பயன்படுத்தினால், கரும்புள்ளி காணாமல் போகும்.

5. அதிக எண்ணெய் பசையை நீக்கும் தேங்காய் எண்ணெய் ஃபேஸ் பேக்

* முதலில் 2 டீஸ்பூன் தேங்காய் எண்ணெயை எடுத்து வெதுவெதுப்பாக சூடேற்றி, ஒரு பௌலில் எடுத்துக் கொள்ள வேண்டும்.

* பின் அதில் 1 டேபிள் ஸ்பூன் தயிர் சேர்த்து நன்கு கிளறி விட வேண்டும்.

* பின்பு அதை முகத்தில் தடவி 15 நிமிடம் ஊற வைத்து, பின் வெதுவெதுப்பான நீரால் கழுவ வேண்டும். இந்த ஃபேஸ் பேக் சருமத்தில் உள்ள அதிகப்படியான எண்ணெய் பசையைப் போக்கி, சருமத்திற்கு ஒருவித பொலிவைக் கொடுக்கும்.

6. சரும கருமையைப் போக்கும் தேங்காய் எண்ணெய் ஃபேஸ் பேக்

* முதலில் 1 டேபிள் ஸ்பூன் தேங்காய் எண்ணெயை எடுத்து வெதுவெதுப்பாக சூடேற்றி, ஒரு பௌலில் எடுத்துக் கொள்ள வேண்டும்.

* பின் அதில் 1/4 டீஸ்பூன் மஞ்சள் தூள் சேர்த்து நன்கு கிளறி விட வேண்டும்.

* பின்பு அதை முகத்தை தடவி 15 நிமிடம் ற வைத்து, பின் வெதுவெதுப்பான அல்லது குளிர்ந்த நீரால் முகத்தைக் கழுவி, சுத்தமான துணியால் முகத்தைத் துடைக்க வேண்டும். இந்த ஃபேஸ் பேக் சருமத்துளைகளில் ஆழமாக ஊடுருவி ஈரப்பதமூட்டும் திறன் கொண்டது மற்றும் இது சருமத்தில் உள்ள கருமையைப் போக்கி, சீரான சருமத்தைப் பெற உதவுகிறது.