முகத்திற்கு சோப்பு பயன்படுத்தினால் சருமம் ரொம்ப வறண்டு போகுதா? அப்ப இந்த பொருட்களை யூஸ் பண்ணுங்க..

பால்

சருமத்தில் உள்ள அழுக்கைப் போக்க உதவும் ஒரு பொருள் தான் பால். அதுவும் கொழுப்புள்ள பாலைக் கொண்டு சருமத்தை சுத்தம் செய்யும் போது, சருமம் நன்கு ஈரப்பதத்துடன் இருக்கும். அதற்கு காய்ச்சாத பாலை பஞ்சுருண்டையில் நனைத்து, முகத்தில் தடவி 5 நிமிடம் ஊற வைத்து, பின் நீரில் நனைத்த பஞ்சுருண்டையால் முகத்தை துடைத்து எடுக்க வேண்டும்.

ஓட்ஸ்

ஓட்ஸ் சருமத்தில் உள்ள அழுக்கை திறம்பட நீக்க உதவும். அதற்கு ஓட்ஸ் பொடியை நீர் சேர்த்து கலந்து, அதை முகத்தில் தடவி சிறிது நேரம் ஸ்க்ரப் செய்ய வேண்டும். பின் வெதுவெதுப்பான நீரால் முகத்தை தேய்த்து கழுவ வேண்டும்.

தேன்

தேனில் ஆன்டி-ஆக்ஸிடன்ட்டுகள் உள்ளது மற்றும் இது நல்ல மாய்ஸ்சுரைசராகவும் செயல்படுகிறது. இது தவிர, தேன் சருமத்தில் உள்ள அழுக்கை நீக்கவும் உதவுகிறது. அதற்கு தேனை முகத்தில் தடவி மென்மையாக மசாஜ் செய்து, 2 நிமிடம் ஊற வைத்து, பின் குளிர்ந்த நீரால் கழுவ வேண்டும். இப்படி செய்வதன் மூலம், சருமத்தில் உள்ள அழுக்குகள் முழுமையாக வெளியேறும்.

எலுமிச்சை

எண்ணெய் பசை சருமத்தைக் கொண்டவர்களுக்கு எலுமிச்சை ஒரு நல்ல கிளின்சர். மேலும் எலுமிச்சை சருமத்தில் உள்ள கருமையைப் போக்கும். அதற்கு எலுமிச்சை சாற்றினை பாலில் அல்லது தயிரில் சேர்த்து கலந்து, முகத்தில் தடவி 2 நிமிடம் ஊற வைத்து, பின் கழுவ வேண்டும்.

சர்க்கரை

சர்க்கரையும் சருமத்தில் உள்ள அழுக்குகளை போக்க உதவும். அதற்கு சர்க்கரையை நீரில் கலந்து, முகத்தில் தடவி மென்மையாக மசாஜ் செய்து, பின் குளிர்ந்த நீரால் கழுவ வேண்டும். முக்கியமாக சர்க்கரையை சருமத்திற்கு பயன்படுத்தும் போது, அளவுக்கு அதிகமாக அழுத்தி தேய்க்க வேண்டாம். இல்லாவிட்டால் எரிச்சலை சந்திக்க நேரிடும்.