பொலிவான சருமத்தைப் பெற வேண்டுமா? அப்ப கடலை மாவை இப்படி யூஸ் பண்ணுங்க...

பொலிவான சருமத்தைப் பெற...

உங்கள் முகம் பொலிவிழந்து உள்ளதா? அப்படியானால் ஒரு பௌலில் 2 டேபிள் ஸ்பூன் கடலை மாவு, 1 சிட்டிகை மஞ்சள் தூள், 1 டீஸ்பூன் பால், 2 துளிகள் கிளிசரின் மற்றும் சிறிது ரோஸ் வாட்டர் சேர்த்து கலந்து பேஸ்ட் செய்து கொள்ள வேண்டும். பின் அதை முகம் மற்றும் கழுத்துப் பகுதியில் தடவி 15 நிமிடம் ஊற வைத்து, பின் குளிர்ந்த நீரால் கழுவ வேண்டும். இந்த ஃபேஸ் பேக்கை வாரத்திற்கு 2 முறை பயன்படுத்தலாம்.

கருமையான தழும்புகளைப் போக்க...

உங்கள் முகத்தில் அசிங்கமாக கருமையான தழும்புகள் அதிகமாக உள்ளதா? அப்படியானால் அதைப் போக்க ஒரு பௌலில் 2 டேபிள் ஸ்பூன் கடலை மாவு, 1/2 டேபிள் ஸ்பூன் எலுமிச்சை சாறு, 1 சிட்டிகை மஞ்சள் தூள் மற்றும் பேஸ்ட் செய்ய தேவையான அளவு தயிர் சேர்த்து கலந்து கொள்ள வேண்டும். பின் அதை முகம் மற்றும் கழுத்துப் பகுதியில் தடவி 20 நிமிடம் ஊற வைத்து, பின் குளிர்ந்த நீரால் கழுவ வேண்டும்.

பிம்பிளைப் போக்க...

உங்களுக்கு பிம்பிள் அதிகமாக வருமா? மற்றும் அந்த பிம்பிள் உங்கள் முகத்தில் அசிங்கமான வடுக்களை விட்டு செல்கிறதா? அப்படியானால் அவற்றைத் தடுக்க, ஒரு பௌலில் 2 டேபிள் ஸ்பூன் கடலை மாவு, 2 டேபிள் ஸ்பூன் வெள்ளரிக்காய் சாறு மற்றும் சில துளிகள் எலுமிச்சை சாற்றினை சேர்த்து கலந்து பேஸ்ட் செய்து, முகத்தில் தடவி 20 நிமிடம் ஊற வைத்து, பின் குளிர்ந்த நீரால் கழுவ வேண்டும்.

வலிமிக்க பருக்களுக்கு...

உங்களுக்கு அடிக்கடி சீழ் நிறைந்த மற்றும் வலிமிக்க பருக்கள் வருமா? அவற்றைத் தடுக்க வேண்டுமானால், ஒரு பௌலில் 2 டேபிள் ஸ்பூன் கடலை மாவை எடுத்து, 1 டேபிள் ஸ்பூன் தேன் சேர்த்து கலந்து, முகத்தில் தடவி 15-20 நிமிடம் ஊற வைத்து, பின் குளிர்ந்த நீரால் கழுவ வேண்டும்.

கருவளையத்தைப் போக்க...

உங்களுக்கு கருவளையம் உள்ளதா? அந்த கருவளையம் உங்கள் அழகை கெடுக்கிறதா? அப்படியானால் அவற்றைப் போக்க, ஒரு பௌலில் 2 டேபிள் ஸ்பூன் கடலை மாவை எடுத்து, டீ டிகாசனை சிறிது ஊற்றி பேஸ்ட் செய்து, முகத்தில் தடவி, 15 நிமிடம் ஊற வைத்து, பின் குளிர்ந்த நீரால் கழுவ வேண்டும்.

எண்ணெய் பசையைப் போக்க...

உங்கள் முகத்தில் எண்ணெய் பசை அதிகமாக உள்ளதா? எப்போதும் முகத்தில் எண்ணெய் வழிந்தவாறு உள்ளதா? அப்படியானால் 2 டேபிள் ஸ்பூன் கடலை மாவில் 2-3 டேபிள் ஸ்பூன் ரோஸ் வாட்டர் சேர்த்து கலந்து பேஸ்ட் செய்து, முகத்தில் தடவி 20 நிமிடம் ஊற வைத்து, பின் குளிர்ந்த நீரால் கழுவ வேண்டும். இன்னும் சிறப்பான பலன் கிடைக்க, ரோஸ் வாட்டரை ஃப்ரிட்ஜ்ஜில் வைத்து பயன்படுத்துங்கள்.

கருமையை நீக்க...

உங்கள் முகம் கருப்பாக உள்ளதா? உங்கள் முகத்தில் உள்ள கருமையைப் போக்க, ஒரு பௌலில் 2 டீஸ்பூன் கடலை மாவை எடுத்து, ஆரஞ்சு ஜூஸ் சேர்த்து கலந்து பேஸ்ட் செய்து, முகம் மற்றும் கழுத்தில் தடவி 30 நிமிடம் ஊற வைத்து, பின் குளிர்ந்த நீரால் மென்மையாக தேய்த்துக் கழுவ வேண்டும்.

சரும சுருக்கத்தைப் போக்க..

உங்கள் முகத்தில் முதுமைக் கோடுகள், சுருக்கங்கள் தெரிய ஆரம்பிக்கிறதா? அவற்றைப் போக்க வேண்டுமா? அப்படியானால் 2 டேபிள் ஸ்பூன் கடலை மாவை ஒரு பௌலில் எடுத்துக் கொள்ள வேண்டும். பின் அதில் தக்காளி ஜூஸ் சேர்த்து கலந்து பேஸ்ட் செய்து, முகத்தில் தடவி 10 நிமிடம் ஊற வைத்து, பின் குளிர்ந்த நீரால் கழுவ வேண்டும். இந்த ஃபேஸ் பேக்கை வாரத்திற்கு ஒருமுறை பயன்படுத்த சருமம் இளமையாக காட்சியளிக்கும்.