முழங்கை அசிங்கமா கருப்பா இருக்கா? இந்த வழிகளை ட்ரை பண்ணி பாருங்க...

எலுமிச்சை சாறு

எலுமிச்சையில் ப்ளீச்சிங் பண்புகள் உள்ளதால், இவற்றைக் கொண்டு சருமத்திற்கு பராமரிப்புக்களைக் கொடுக்கும் போது, சரும கருமை விரைவில் நீங்கும். அதற்கு சிறிது எலுமிச்சை சாற்றினை எடுத்து, அவற்றை கருமையாக உள்ள முழங்கையில் தடவி, 10-15 நிமிடம் ஊற வைத்து, பின் குளிர்ந்த நீரால் கழுவ வேண்டும். இப்படி தினமும் செய்து வர, நல்ல பலன் கிடைக்கும்.

தேங்காய் எண்ணெய்

நாம் தினமும் பயன்படுத்தும் தேங்காய் எண்ணெய் ஒரு நல்ல மாய்ஸ்சுரைசர் மட்டுமின்றி, சருமத்தில் உள்ள கருமையைப் போக்கும். அதற்கு சிறிது தேங்காய் எண்ணெயை முழங்கை பகுதியில் தடவி சிறிது நேரம் மசாஜ் செய்து, 1 மணிநேரம் ஊற வைத்து, பின் குளிர்ந்த நீரால் கழுவ வேண்டும்.

மஞ்சள் மற்றும் பால்

மஞ்சள் இயற்கையாகவே சரும கருமையைப் போக்கும் பண்புகளை கொண்டது. அந்த மஞ்சள் தூள் சிறிது எடுத்து, பால் சேர்த்து கலந்து பேஸ்ட் செய்து, கருமையாக இருக்கும் முழங்கையில் தடவி 15-20 நிமிடம் ஊற வைத்து, பின் குளிர்ந்த நீரால் கழுவ வேண்டும். இப்படி தினமும் செய்ய முழங்கை கருமை காணாமல் போகும்.

கற்றாழை ஜெல்

கற்றாழை ஒரு அற்புதமான மாய்ஸ்சுரைசர் மட்டுமின்றி, சரும கருமையைப் போக்கும் திறன் கொண்டது. அந்த கற்றாழை ஜெல்லை முழங்கையில் தடவி 20-30 நிமிடம் ஊற வைத்து, பின் குளிர்ந்த நீரால் கழுவ வேண்டும். இப்படி தினமும் செய்து வந்தால், ஒரு நல்ல மாற்றத்தை விரைவில் காணலாம்.

உருளைக்கிழங்கு சாறு

உருளைக்கிழங்கில் உள்ள அமிலம், சருமத்தில் உள்ள கருமையைப் போக்கும். அதற்கு உருளைக்கிழங்கை அரைத்து சாறு எடுத்து, முழங்கையில் தடவி 15-20 நிமிடம் ஊற வைத்து, பின் பஞ்சுருண்டையை நீரில் நனைத்து துடைத்து எடுக்க வேண்டும். இப்படி தினமும் செய்து வருவதன் மூலம், முழங்கையில் இருக்கும் கருமையை வேகமாக மறையச் செய்யலாம்.