சீக்கிரம் வெள்ளையாக வேண்டுமா? அப்ப இத ட்ரை பண்ணுங்க...

தேவையான பொருட்கள்:

எலுமிச்சை - 1

சர்க்கரை பவுடர் - 2 டேபிள் ஸ்பூன்

கற்றாழை ஜெல் - 1 டேபிள் ஸ்பூன்

பேக்கிங் சோடா - 1/2 டீஸ்பூன்

எலுமிச்சை

எலுமிச்சையில் உள்ள சிட்ரிக் அமிலம் மற்றும் வைட்டமின் சி, சருமத்தில் உள்ள கருமையைப் போக்கி, சரும நிறத்தை அதிகரிக்கும்.

சர்க்கரை

சர்க்கரை சருமத்தில் உள்ள இறந்த செல்களை வெளியேற்றி, புதிய மற்றும் ஆரோக்கியமான சரும செல்கள் வளர்ச்சி பெற உதவும்.

கற்றாழை ஜெல்

கற்றாழையில் உள்ள நொதிகள், சருமத்தில் உள்ள பாதிக்கப்பட்ட செல்களைப் புதுப்பிக்க உதவும்.

பேக்கிங் சோடா

பேக்கிங் சோடா சருமத்தின் pH அளவைப் பராமரிக்க உதவும். மேலும் இது ப்ளீச்சிங் செய்த தோற்றத்தைக் கொடுக்கும்.

செய்முறை:

ஒரு பௌலில் எலுமிச்சையைப் பிழிந்து சாறு எடுத்து, அத்துடன் சர்க்கரை பவுடர், கற்றாழை ஜெல், பேக்கிங் சோடா ஆகியவற்றை சேர்த்து நன்கு கலந்து கொள்ள வேண்டும்.

பயன்படுத்தும் முறை:

பின்பு பிரஷ் பயன்படுத்தி முகத்தில் தடவி 30-40 நிமிடம் ஊற வைத்து, பின் குளிர்ந்த நீர் பயன்படுத்தி மென்மையாக ஸ்கரப் செய்து கழுவ வேண்டும்.

குறிப்பு:

இந்த மாஸ்க்கைப் பயன்படுத்திய பின், உடனே வெயிலில் செல்லக்கூடாது. ஒருவேளை செல்ல வேண்டிய கட்டாயம் வந்தால், சன் ஸ்க்ரீன் எதையேனும் பயன்படுத்தி பின் செல்லுங்கள்.

மனதில் கொள்ள வேண்டியவை:

இந்த மாஸ்க்கை வாரத்திற்கு 3-4 முறை மட்டுமே பயன்படுத்த வேண்டும். இப்படி செய்தால் 10 நாட்களில் ஒரு நல்ல மாற்றத்தைக் காணலாம்.

முக்கியமாக சரும நிறம் இன்னும் அதிகரிக்க வேண்டுமென்று அடிக்கடி இதைப் போட வேண்டாம். இதில் பேக்கிங் சோடா இருப்பதால், தொடர்ச்சியாக பயன்படுத்தினால் சருமம் மோசமாக பாதிக்கப்படும்.