முக கருமையைப் போக்க தக்காளியைக் கொண்டு எப்படியெல்லாம் ஃபேஸ் பேக் போடலாம்?

தக்காளி மற்றும் தேன்

ஒரு தக்காளியை அரைத்து, அத்துடன் 2 ஸ்பூன் தேன் மற்றும் 1 ஸ்பூன் எலுமிச்சை சாறு சேர்த்து கலந்து, முகத்தில் தடவி 10 நிமிடம் கழித்து குளிர்ந்த நீரில் கழுவ வேண்டும்.

தக்காளி மற்றும் அவகேடோ

1 தக்காளியை கூழ் போன்று அரைத்து, அத்துடன் 1 அவகேடோ பழத்தை மசித்து சேர்த்து நன்கு கலந்து, முகத்திற்கு தினமும் தடவி 20 நிமிடம் ஊற வைத்து கழுவி வர, சரும கருமை நீங்குவதோடு, வறட்சியும் நீங்கும்.

தக்காளி மற்றும் ஆலிவ் ஆயில்

ஒரு தக்காளி கூழுடன், 1 ஸ்பூன் ஆலிவ் ஆயில், 1 ஸ்பூன் ஜொஜோபா ஆயில் சேர்த்து கலந்து பேஸ்ட் செய்து, முகம், கழுத்து போன்ற பகுதிகளில் தடவி 10 நிமிடம் கழித்துக் கழுவ வேண்டும்.

தக்காளி மற்றும் தயிர்

1 தக்காளியை அரைத்து, அதில் சிறிது தயிர், 1 ஸ்பூன் தேன் மற்றும் 1/2 சிட்டிகை மஞ்சள் தூள் சேர்த்து கலந்து, முகத்தில் தடவி உலர வைத்து கழுவ வேண்டும். இப்படி தினமும் செய்து வந்தால், சரும நிறம் மேம்படுவதைக் காணலாம்.

தக்காளி மற்றும் ஓட்ஸ்

ஒரு தக்காளி கூழுடன், 1 ஸ்பூன் ஓட்ஸ் பவுடர், 1 ஸ்பூன் தேன், 1 ஸ்பூன் எலுமிச்சை சாறு சேர்த்து நன்கு கலந்து, முகத்தில் தடவி சிறிது நேரம் ஊற வைத்து, பின் கழுவ வேண்டும்.

தக்காளி மற்றும் கிவி

1 தக்காளி மற்றும் பாதி கிவி பழத்தை மிக்ஸியில் போட்டு நன்கு அரைத்து, அத்துடன் 1 ஸ்பூன் பால் சேர்த்து கலந்து, முகத்தில் தடவி நன்கு காய்ந்த பின், குளிர்ந்த நீரில் கழுவ வேண்டும்.

தக்காளி மற்றும் கற்றாழை

1 தக்காளியை அரைத்து கூழ் எடுத்து, அத்துடன் 1 ஸ்பூன் கற்றாழை ஜெல், 1 ஸ்பூன் தேன் சேர்த்து நன்கு கலந்து, முகத்தில் தடவி 20 நிமிடம் கழித்து கழுவ வேண்டும்.