இந்த ஒரு பொருள் ஒரே நாளில் பருக்களைப் போக்கும் எனத் தெரியுமா?

பட்டை மற்றும் தேன் ஃபேஸ் மாஸ்க்

சிறிது பட்டையை எடுத்து பொடி செய்து கொண்டு, தேன் சேர்த்து கலந்து, பருக்களின் மீது தடவி உலர வைத்துக் கழுவுங்கள். இப்படி தினமும் செய்து வந்தால், பருக்கள் வருவது தடுக்கப்படும்.

பட்டை மற்றும் பூசணி ஃபேஸ் மாஸ்க்

3-4 துண்டுகள் வேக வைத்த பூசணியை நன்கு மசித்து, அத்துடன் 2 ஸ்பூன் பட்டை தூளை சேர்த்து நன்கு கலந்து, முகத்தில் தடவி 15 நிமிடம் மசாஜ் செய்து, பின் குளிர்ந்த நீரில் கழுவ வேண்டும். இது பருக்களைப் போக்குவதோடு, முகப் பொலிவையும் அதிகரிக்கும்.

பட்டை மற்றும் தயிர் ஃபேஸ் மாஸ்க்

வறட்சியான சருமத்துடன், பருக்களாலும் அவஸ்தைப்பட்டால், இந்த ஃபேஸ் மாஸ்க்கைப் போடுங்கள். அதற்கு தயிருடன் சிறிது பட்டைத் தூள் சேர்த்து, அத்துடன் தேன் சிறிது சேர்த்து கலந்து, முகத்தில் தடவி 15 நிமிடம் கழித்து, குளிர்ந்த நீரில் கழுவ வேண்டும். இந்த மாஸ்க்கை வாரத்திற்கு 2 முறை பயன்படுத்தினால், நல்ல மாற்றம் தெரியும்.

பட்டை மற்றும் காபி ஃபேஸ் மாஸ்க்

1 ஸ்பூன் காபி தூளுடன், 1 ஸ்பூன் பட்டைத் தூள் மற்றும் 1 ஸ்பூன் பாதாம் எண்ணெய் சேர்த்து கலந்து பேஸ்ட் செய்து, பருக்களின் மீது தடவி 20 நிமிடம் கழித்து கழுவ வேண்டும். இதனால் பருக்கள் நீங்குவதோடு, சருமமும் புத்துணர்ச்சி அடையும்.

பட்டை மற்றும் பப்பாளி மாஸ்க்

2 ஸ்பூன் பட்டை தூளுடன், சிறிது பப்பாளி சாறு சேர்த்து பேஸ்ட் செய்து, முகத்தில் தடவி நன்கு காய்ந்த பின் குளிர்ந்த நீரில் கழுவ வேண்டும். இப்படி செய்தால், பருக்கள் வேகமாக மறைந்துவிடும்.

பட்டை மற்றும் ரோஸ் வாட்டர் மாஸ்க்

2 ஸ்பூன் பட்டை தூளுடன், சிறிது ரோஸ் வாட்டர் சேர்த்து கலந்து, அத்துடன் 1 ஸ்பூன் கடலை மாவு சேர்த்து பேஸ்ட் செய்து, முகத்தில் தடவி நன்கு காய்ந்த பின் குளிர்ந்த நீரில் கழுவ வேண்டும். இந்த மாஸ்க் பருக்களைப் போக்குவதுடன், சரும ஆரோக்கியத்தையும் பொலிவையும் மேம்படுத்தும்.

பட்டை மற்றும் சந்தனப் பவுடர் மாஸ்க்

1-2 ஸ்பூன் சந்தன பவுடருடன், சிறிது பட்டை தூள் மற்றும் 2-3 ஸ்பூன் பால் சேர்த்து பேஸ்ட் செய்து, முகத்தில் தடவி நன்கு காய்ந்த பின் கழுவ வேண்டும்.

பட்டை மற்றும் ஜாதிக்காய் மாஸ்க்

1 ஸ்பூன் பட்டை தூளுடன், 1 ஸ்பூன் ஜாதிக்காய் பவுடர் மற்றும் சிறிது தயிர் சேர்த்து பேஸ்ட் செய்து, முகத்தில் தடவி 20 நிமிடம் கழித்து, முகத்தைக் கழுவ வேண்டும்.