உங்க அக்குள் ஏன் கருப்பாக உள்ளது என்று தெரிந்து கொள்ள வேண்டுமா?

காரணம் #1

ஷேவிங்

சிலர் அடிக்கடி தங்கள் அக்குளை ரேசர் கொண்டு ஷேவ் செய்வார்கள். இப்படி அடிக்கடி ஷேவிங் செய்து வந்தால், சென்சிடிவ்வான அப்பகுதியில் எரிச்சல் ஏற்பட்டு, அதனால் அவ்விடம் கருமையாக ஆரம்பிக்கும்.

காரணம் #2

சர்க்கரை நோய்

உடலில் இன்சுலின் சம்பந்தமான குறைபாடுகளாக சர்க்கரை நோய் இருந்தால், அதனால் உடலின் மற்ற பகுதிகளை விட அக்குள் கருமையாகும்.

காரணம் #3

ஹார்மோன் ஏற்றத்தாழ்வுகள்

உடலில் ஹார்மோன் ஏற்றத்தாழ்வுகள் மற்றும் ஹார்மோன் சம்பந்தமான குறைபாடுகளான தைராய்டு பிரச்சனைகள் இருந்தால், அதன் காரணமாகவும் அக்குள் கருமையாகும்.

காரணம் #4

அசுத்தமான அக்குள்

அக்குளில் அதிகம் வியர்வை வெளியேறுவதோடு, காற்றோட்டம் குறைவான பகுதி என்பதால், இறந்த செல்கள் மற்றும் அழுக்குகள் அப்பகுதியில் தேங்கி, அப்பகுதியை கருமையாக மாற்றும். எனவே அடிக்கடி அக்குளை தவறாமல் சுத்தம் செய்யுங்கள்.

காரணம் #5

டியோடரண்ட்டுகள்

டியோடரண்ட்டுகளை அளவுக்கு அதிகமாக அக்குளில் பயன்படுத்தும் போது, அதில் உள்ள கெமிக்கல்கள் சருமத்தில் மோசமான விளைவை உண்டாக்கி, அதன் காரணமாக அப்பகுதியை கருமையடையச் செய்யும்.

காரணம் #6

பாக்டீரியா தொற்றுகள்

எரித்ரசமா என்னும் பாக்டீரியல் தொற்றானது சருமத்தைப் பாதித்தால், அப்பகுதி கருப்பு அல்லது ப்ரௌன் நிறத்தில் மாறும். அதனால் தான் சிலரது அக்குள் வித்தியாசமான நிறத்தில் இருக்கிறது.

காரணம் #7

வாக்சிங்

சில நேரங்களில், அடிக்கடி அக்குளை வேக்சிங் செய்வதன் மூலமும், அப்பகுதி கருமையாகும். அதுவும் வாக்சிங் செய்யும் போது மிகவும் கடுமையான வேகத்தில் அப்பகுதியில் உள்ள ரோமத்தை இழுத்தால், அங்குள்ள சரும செல்கள் பாதிக்கப்பட்டு, அதன் காரணமாக அப்பகுதி கருமையாகிறது.