ஜப்பான் பெண்களின் ஜொலிக்கும் அழகின் ரகசியங்கள் என்ன தெரியுமா?

ஜப்பான் பெண்கள் என்றாலே நம் நினைவிற்கு வருவது அவர்களின் உடை அலங்காரமும், சிறிய குடையும்தான். அதேபோல் அந்த நாட்டு பெண்களின் கொலிஜொல்லிபான மெருகேறிய சருமம்.

அவர்களுக்கு எளிதில் சருமம் முதிர்ச்சியடையாமல் இளமையோடு இருக்கும். அப்படி என்ன ரகசியம் அவர்களின் அழகில்? நாமும் தெரிந்து கொள்வோம்.

ஜப்பானிய பெண்களுக்கு கெமிக்கல் கலந்த முகப்பூச்சுக்களில் நம்பிக்கை இல்லை. இயற்கையானதையே உண்ணவும் அழகூட்டவும் விரும்புகிறார்கள்.

அழகு ரகசியம் -1 :

டயட் :

அவர்கள் குண்டாவைதை விரும்ப மாட்டார்கள். அவர்கள் உணவில் எப்போதும் பழங்களும் மீன்களும் இருப்பதை விரும்புவார்கள். இதனால்தான் அவர்களின் சருமம் இளமையாகவும், மெருகேறியும் இருக்கிறது. ஒமேகா 3 மற்றும் விட்டமின் ஈ நம் சருமத்தை இளமையோடு வைத்திருக்க மிக முக்கியமான சத்துக்கள்.

அழகு ரகசியம் 2

நாம் நல்லெண்ணெய் தேங்காய் எண்ணெய் பயன்படுத்துவதைப் போல, ஜப்பானிய பெண்கள் சந்தன எண்ணெய், லாவெண்டர் எண்ணெயை சருமத்திற்கு அன்றாடம் பயன்படுத்துகிறார்கள்.

அவை சருமத்திற்கு ஈரப்பதம் அளிக்கிறது. மேக்கப்பை அகற்றவும் இவற்றை உபயோக்கப்படுத்துகிறார்கள். சரும துவாரங்களை சுருக்கி, சருமத்தை இறுக்கமடைய வைக்கும்.

அழகு ரகசியம் -3

வெயிலின் சக்திவாய்ந்த கதிர்கள் நம் சருமத்தை மோசமடைய வைக்கும் என அவர்கள் நம்புகிறார்கள். ஆகவே காலையை தவிர்த்து கூடியவரை வெய்யிலில் அலைவதை அவர்கள் விரும்புவதில்லை. அப்படியும் போக வேண்டுமென்றால், இயற்கையான சன் ஸ்க்ரீன் லோஷனை நம்புகிறார்கள்.

அழகு ரகசியம் 4 :

சருமத்தை மெருகூட்டும் ரோஸ் வாட்டர் போன்ற டோனரை அவர்கள் காலங்காலமாக உபயோகப்படுத்துகிறார்கள். ஒரு மஸ்லின் போன்ற மெல்லிய துணியில், டோனரை நனைத்து, முகத்தில் முகமூடி போல போட்டு, 10 நிமிடங்கள் கழித்து எடுக்கிறார்கள்.

இதனால் சருமம் இறுகி சுருக்கங்கள் இல்லாமல் இருக்கும். முதுமையடைவது தடுக்கும் என்று சொல்கிறார்கள்.

ஆகவே டியர் லேடிஸ் ஒவ்வொரு நாட்டிலும் பெண்கள் மேற்கொள்ளும் புதுபுது அழகுக் குறிப்புகளை நாம் தெரிந்து கொள்கிறோம். இயற்கையான முறையில் அழகை நாம் மெருகூட்டுவதில் என்ன தவறு. இங்கே குறிப்பிட்டுள்ள குறிப்புகள் உங்களுக்கு உபயோகமானதாகவே இருக்கும்