டீன் ஏஜ் பெண்களே! உங்கள் சருமம் பளபளக்க வேண்டுமா?

தோலை தூய்மைப்படுத்துதல

இந்த செயல் தான் மிகவும் முக்கியானதாகும். சரும பராமரிப்பில் இது முதல் படியாகும். டீன் ஏஜ் பெண்களின் சுரப்பிகளின் மாற்றங்கள் காரணமாக சருமத்தில் துளைகளும் அடைப்புகளும் ஏற்படக்கூடும். ஆகையால் இதை பயன்படுத்தினால் துளைகளில் உள்ள அழுக்குகளை எடுத்து விடலாம்.

அழகு சாதனங்கள்

நல்ல நிறுவனங்களில் தயார் செய்யப்பட்ட தரம் நிறைந்த அழகு சாதனப் பொருட்களை பயன்படுத்துங்கள். குளிர் காலத்தில் சருமம் வறண்டு போகும் வாய்ப்புகள் அதிகம். ஆகையால் இவற்றை பயன்படுத்துவது நமது சருமத்திற்கு ஈரப்பதமூட்டி வெடிப்புக்கள் வரமல் தடுக்கும்.

ஒப்பனை செய்யும் பொருட்களை தவிர்க்கவும்

அதிக அளவு ஒப்பனை செய்யாமல் இருப்பது நல்லது. அவை சருமத்திற்கு கேடு விளைவிப்பவையாகும். சருமத்தில் கரும் புள்ளிகள், பருக்கள் ஆகியவற்றை அவை வரவழைத்து விடும். கடுமையான ரசாயன பொருட்களை இவை கொண்டிருப்பதால் டீன் ஏஜ் பெண்களுக்கு பெருத்த பாதிப்பை இந்த ஒப்பனை பொருட்கள் தரும்.

இறந்த திசுக்களை நீக்குதல்

நல்ல ஒரு ஸ்கரப் அல்லது கடலை மாவு பயன்படுத்தி சருமத்தின் மேல் பகுதியில் உள்ள இறந்த திசுக்களையும் உரிந்த தோல்களையும் நீக்கி விட முடியும். இவை உங்கள் சருமத்தை மிருதுவாகவும் பளபளப்பாகவும் வைக்திருக்க உதவும். அதிக அளவில் பருக்கள் இருக்கும் பெண்கள் இதை குறைவாக பயன்படுத்த வேண்டும்.

மாய்ஸ்சுரைசர் பயன்படுத்துங்கள்

குளிர்காலத்தில் ஏற்படும் வறணன்ட சருமப் பிரச்சனைகளையும், அது தொடர்பான பிற பிரச்சனைகளையும் உடனடியாக நீக்க முயற்சி எடுங்கள். குளித்த உடன் நல்ல மாய்ஸ்சுரைசரை உடலில் தடவிக் கொள்ளுங்கள். இது உங்கள் சருமம் வெடிப்பு ஏற்படாமல் தடுக்கும். குளிர் காலத்தில் டீன் ஏஜ் பெண்கள் சரும பாதுகாப்பிற்கு மாய்ஸ்சுரைசர்கள் மிகவும் உகந்ததாகும்

குளிர் கால ஆடைகள்

குளிர்கால ஆடைகளை பயன்படுத்துங்கள். இது காலத்திற்கேற்ப அணிவது மட்டுமல்லாமல் உங்களது சருமத்தையும் பாதுகாப்பாக வைக்கும். உங்கள் உடம்பை முழுவதும் மூடும் ஆடைகளை விரும்புங்கள். மிகுந்த குளிரில் நாம் வெளிப்படும் போது சருமம் பாதிக்கப்படும்.

வறண்ட உதடுகளை கவனிக்கவும்

பனி அல்லது குளிர் காலத்தில் உதடுகள் வறண்டு போவது இயற்கை. இந்த காலத்தில் கூடுதல் பாதுகாப்பு அளிக்க வேண்டியது உகந்ததாகும். நல்ல தரமுள்ள லிப் பாமை எப்போதும் கையோடு வைத்துக்கொள்வது நல்லது. அவ்வப்போது இவற்றை அணிந்து கொள்ள முடியும்.

தண்ணீர் அளவு

எப்போதும் நிறைய தண்ணீர் குடியுங்கள். இவை உங்கள் சருமத்தை இயற்கையாகவே ஈரப்பதமூட்டும். அது மட்டுமல்லாமல் தோலின் நீட்சித் தன்மையையும் இது அதிகரிக்கும். டீன் ஏஜ் பெண்களுக்கு தண்ணீரின் அளவு அதிகமாக இருக்க வேண்டியது அவசியமாகும்.