சரும வறட்சியை தடுக்க உதவும் வைட்டமின் ஈ உணவுப் பொருட்கள்!!!

ஆலிவ் ஆயில்

வைட்டமின் ஈ அதிகம் நிறைந்துள்ள உணவுப் பொருட்களில் ஒன்று தான் ஆலிவ் ஆயில். ஆகவே இந்த எண்ணெயைக் கொண்டு, சருமத்தை சிறிது நேரம் நன்கு மசாஜ் செய்து, 1 மணிநேரம் கழித்து சுத்தமான குளிர்ந்த நீரில் கழுவ வேண்டும். இப்படி ஒரு வாரத்திற்கு தினமும் தவறாமல் செய்து வந்தால், சரும வறட்சியானது நீங்கும்.

பூசணிக்காய்

பூசணிக்காயிலும் வைட்டமின் ஈ அதிகம் உள்ளது. எனவே பூசணிக்காயை அரைத்து, சருமத்தில் தடவி, நன்கு உலர வைத்து கழுவ வேண்டும். இதனால் சரும வறட்சி மட்டுமின்றி, பருக்களால் ஏற்பட்ட தழும்புகளும் மறையும்.

அவகேடோ

அவகேடோ கூட சரும வறட்சியைத் தடுக்க உதவும். அதற்கு அவகேடோவை நன்கு அரைத்து, முகம் மற்றும் கழுத்தில் தடவி லேசாக மசாஜ் செய்து நன்கு காய வைத்து, பின் தண்ணீர் கொண்டு கழுவ வேண்டும்.

பசலைக்கீரை

பசலைக்கீரையில் வைட்டமின் ஈ அதிகம் உள்ளது. அத்தகைய பசலைக்கீரையை அரைத்து பேஸ்ட் செய்து, முகத்தில் தடவி வர, சரும வறட்சியுடன், சரும சுருக்கங்களும் நீங்கும். குறிப்பாக இதனை முகத்தில் தடவி நன்கு உலந்த பின்னர், லேசாக ஆலிவ் ஆயில் கொண்டு மசாஜ் செய்து, வெதுவெதுப்பான நீரில் கழுவ வேண்டும்.

பாதாம்

பாதாமிலும் வைட்டமின் ஈ வளமாக உள்ளது. ஆகவே பாதாம் எண்ணெய் பயன்படுத்தி சருமத்தை தினமும் மசாஜ் செய்து வர, நல்ல பலன் கிடைக்கும்.

பெர்ரி பழங்கள்

பெர்ரிப் பழங்களும் சருமத்திற்கு நிறைய பலன்களைக் கொடுக்கும். மேலும் இதில் வைட்டமின் ஈ அதிகம் இருப்பதால், இவற்றை அரைத்து, தினமும் காலையில் முகத்தில் தடவி 1/2 மணிநேரம் ஊற வைத்து கழுவ வேண்டும். இதனை தினமும் தவறாமல் ஒரு வாரத்திற்கு செய்து வந்தால், நல்ல பலன் கிடைக்கும்.

ஆப்ரிக்காட்

தினமும் இரவில் படுக்கும் முன், ஆப்ரிக்காட் பழத்தைக் கொண்டு முகத்தை தேய்த்து, 15 நிமிடம் ஊற வைத்து, வெதுவெதுப்பான நீரில் கழுவினால், சருமம் வறட்சி அடைவதைத் தடுக்கலாம்.

தக்காளி

தக்காளியைக் கொண்டு சருமத்தை பராமரித்தால், சரும வறட்சியுடன், சரும நிறமாற்றமும் தடுக்கப்படும். ஆகவே நேரம் கிடைக்கும் போது சருமத்திற்கு தக்காளியை அரைத்தோ அல்லது அதன் ஒரு துண்டைக் கொண்டோ மசாஜ் செய்ய வேண்டும்.

வெண்ணெய்

வெண்ணெயிலும் வைட்டமின் ஈ நல்ல அளவில் உள்ளது. எனவே வெண்ணெயை முகம் மற்றும் வறட்சி அடையும் இடங்களில் தடவி 1 மணிநேரம் ஊற வைத்து கழுவ வேண்டும். இந்த முறையை மூன்று நாட்களுக்கு ஒரு முறை செய்ய வேண்டும்.

கோதுமை

கோதுமையில் கூட வைட்டமின் ஈ சத்து உள்ளது. அதற்கு கோதுமை மாவை தண்ணீர் ஊற்றி பேஸ்ட் போல் செய்து, முகத்தில் தடவி ஊற வைத்து, வெதுவெதுப்பான நீரில் கழுவ வேண்டும். இதனால் வறட்சி நிச்சயம் நீங்கும்.

பப்பாளி

பப்பாளியைப் பற்றி சொல்லி தான் தெரிய வேண்டுமென்பதில்லை. ஆனால் பப்பாளியில் வைட்டமின் ஈ அதிகம் உள்ளது. அதனால் தான் பப்பாளி சாப்பிட்டாலோ அல்லது அதனைக் கொண்டு ஃபேஸ் மாஸ்க் போட்டாலோ, சருமம் அழகாக ஜொலிக்கிறது. எனவே தினமும் பப்பாளியை அரைத்து, அதனை முகத்தில் தடவி, சிறிது நேரம் வட்ட வடிவில் மசாஜ் செய்து, 10 நிமிடம் ஊற வைத்து கழுவ வேண்டும்.

வேர்க்கடலை

வேர்க்கடலையை வறுத்து பொடி செய்து, அதனை வெதுவெதுப்பான நீரில் கழுவி, முகத்தில் தடவி உலர வைத்து கழுவினால், அதில் உள்ள வைட்டமின் ஈ சருமத்தை அழகாக வைத்துக் கொள்ள உதவும்.

ஜாதிக்காய்

ஜாதிக்காய் பொடியை பால் சேர்த்து பேஸ்ட் செய்து, அதனை முகத்தில் தடவி உலர வைத்து, வெதுவெதுப்பான நீர் கொண்டு கழுவ வேண்டும். இதனால் ஜாதிக்காய் சரும வறட்சியைத் தடுக்கும்.