சரும வறட்சியைத் தடுக்கும் இயற்கை லோசன்கள்!!!

தயிர்

ஒரு பெளலில் ஒரு கப் பால் மற்றும் ஒரு கப் தயிரை ஊற்றி நன்கு நுரைக்க அடித்துக் கொள்ள வேண்டும். பின் அதனை ஃப்ரிட்ஜில் வைத்து விட வேண்டும். இந்த கலவையை தினமும் வறட்சி ஏற்படும் இடங்களில் தடவி, 1/2 மணிநேரம் ஊற வைத்து பின் கழுவ வேண்டும்.

சீஸ்

சீஸ் ஒரு மென்மையான பொருள். இத்தகைய பொருளை சருமத்தில் பயன்படுத்தினால், சரும வறட்சி நீங்குவதோடு, சருமம் பொலிவாகவும் மாறும். அதற்கு ஒரு பௌலில் 1/2 கப் துருவிய சீஸ் மற்றும் பால் சேர்த்து, ஓரளவு கெட்டியான பேஸ்ட் போல் செய்து, அதனை சருமத்தில் தடவி, 1 மணிநேரம் ஊற வைத்து, வெதுவெதுப்பான நீரில் கழுவினால், வறட்சியானது நீங்கிவிடும்.

அவகேடோ

அவகேடோவும் சரும வறட்சியைப் போக்குவதில் ஒரு சிறப்பான பொருள். அத்தகைய அவகேடோவை அரைத்து, அதனை பாலுடன் சேர்த்து சற்று கெட்டியாக கலந்து, சருமத்தில் தடவி, 20 நிமிடம் ஊற வைத்து, இறுதியில் வெதுவெதுப்பான நீரில் அலச வேண்டும்.

பாதாம்

நல்ல மென்மையான மற்றும் வறட்சியில்லாத சருமம் வேண்டுமெனில், 1 கப் பாதாம் பொடியில், 1/2 கப் பால் சேர்த்து கெட்டியாக கலந்து, சருமத்தில் தடவி, ஊற வைத்து கழுவ வேண்டும்.

தக்காளி

5 தக்காளியை சற்று கெட்டியாக அரைத்து, அதில் 1/2 கப் பால் ஊற்றி நன்கு அடித்துக் கொள்ள வேண்டும். கலவையானது கெட்டியானதும், அதனை சருமத்தில் தடவி நன்கு காய வைத்து, இறுதியில் பாலால் கழுவி, பின் தண்ணீரில் அலச வேண்டும்.

முட்டை

முட்டையில் உள்ள ஒரு கெட்ட விஷயம் என்னவென்றால், அதிலிருந்து துர்நாற்றம் வீசுவது தான். எனவே ஒரு பௌலில் முட்டையின் வெள்ளைக்கருவை ஊற்றி, அதில் சிறிது மஞ்சள் தூள் மற்றும் 1/2 கப் பால் ஊற்றி நன்கு அடித்து, ஈரமான சருமத்தில் தடவி உலர வைத்து, கழுவ வேண்டும்.

ஓட்ஸ்

வறட்சியான சருமத்தில் இருந்து விடுபட, ஓட்ஸ் மற்றும் பாலை கலந்து, அதனை சருமத்தில் தடவி, 1/2 மணிநேரம் கழித்து நீரில் அலச வேண்டும்.

மாவு

1 டேபிள் ஸ்பூன் கோதுமை மாவில், 1/2 கப் பால் ஊற்றி, அதில் 1 டீஸ்பூன் ப்ரஷ் க்ரீம் சேர்த்து மென்மையாக கலந்து, அதனை வாரத்திற்கு 2 முறை தடவி ஊற வைத்து கழுவி வந்தால், நல்ல பலன் கிடைக்கும்.

எண்ணெய்

3/4 கப் பால், ப்ரஷ் க்ரீம் மற்றும் ஆலிவ் ஆயில் சேர்த்து கலந்து, அதனை இரண்டு நாட்களுக்கு ஒரு முறை சருமத்தில் தடவி ஊற வைத்து கழுவ வேண்டும், இதனால் நிச்சயம் சரும வறட்சியைத் தடுக்கலாம்.

லெட்யூஸ்

சரும வறட்சியை உடனே போக்க வேண்டுமெனில், இந்த மாதிரி ட்ரை செய்யுங்கள். அதற்கு லெட்யூஸ் கீரை பொடியை பால் சேர்த்து ஓரளவு கெட்டியான பேஸ்ட் போல் செய்து, சருமத்தில் தடவி 20 நிமிடம் ஊற வைத்து, தண்ணீரில் கழுவ வேண்டும்.