மூக்கு கண்ணாடியுடன் அழகாக தெரிய ஆசையா? அப்ப இத ஞாபகத்துல வெச்சுக்கோங்க...

புருவத்தை அழகுப்படுத்துங்கள்

புருவங்களை சுத்தமாகவும், நல்ல வடிவத்திலும் வைத்து கொண்டால், கண்கள் எடுப்பாக தெரியும். இதை செய்தால் கண்ணாடி அணியவே தேவையில்லை. மேலும் புருவத்தின் இடையில் அதற்கென இருக்கும் பெளடரையும், லைனரையும் பயன்படுத்தி அழகுபடுத்தலாம்.

கன்சீலர் பயன்படுத்தவும்

கண்ணாடிகள் கண்களுக்கு கீழ் இருண்ட கருவளையங்களை கொண்டு வருகின்றன. இவை கண்களின் அழகை கெடுக்கும். எனவே கன்சீலரைப் பயன்படுத்தி கண்களை அழகுபடுத்துங்கள்.

நிறத்தின் தன்மைக்கு ஏற்ற ஐ ஷேடோவை பூசுங்கள்

கண்கள் மற்றும் கண்ணாடிகள் இரண்டையும் முன்னிலைப்படுத்த விரும்பினால், அதற்கு ஏற்ற ப்ரேம் பயன்படுத்தவும். எப்பொழுதும் நிறத்தை அடர்த்தியாகவும், மெல்லிய நிறத்திலும் தேர்ந்தெடுக்காமல் நடுநிலையில் நிறத்தை தேர்ந்தெடுக்கவும்.

ஐ-லைனர் தேவை

கண்கள் அழகாக காட்சியளிக்க ஐ-லைனர் தேவை. அதற்கு மெல்லிய கோடாக ஐ-லைனரை வரையவும். அடர்த்தியாக வேண்டாம். ஏனெனில் நீங்கள் மற்றவர்களை கவர வேண்டுமே தவிர பயத்தை ஏற்படுத்தக்கூடாது. எனவே மெல்லியதாக வரையவும்.

கவரும் லிப் நிறம் தேவை

ப்ரௌன் அல்லது கருப்பு நிற கண்ணாடி வேண்டுமெனில், லிப் கலரை கவனமாக தேர்ந்தெடுக்கவும். அதிலும் அடர்ந்த சிவப்பு அல்லது கவரும் பிங் மிகவும் அழகாக இருக்கும்.

சரியான தலை அலங்காரம் தேவை

கொஞ்சம் மேலே, கொஞ்சம் கீழ் என்றுள்ள முடி அலங்காரம் எல்லாம் நன்றாக இருக்காது. ஒன்று முடியை கட்டாமல் லூசாக விடுங்கள் இல்லையென்றால் குதிரை வால் ஸ்டைல் போடுங்கள். இது மேலும் அழகுப்படுத்தும்.