ஹென்னா போட்ட பின் முடி ரொம்ப வறண்டு போகுதா? இந்த ஹேர் மாஸ்க்குகளைப் போடுங்க...

நெல்லிக்காய்

தலைக்கு ஹென்னா பயன்படுத்திய பின் ஏற்படும் முடி வறட்சியைத் தடுக்க, ஹென்னா பேஸ்ட் தயாரிக்கும் போது, அத்துடன் 1 டீஸ்பூன் நெலிக்காய் பொடி அல்லது நெல்லிக்காய் எண்ணெய் சேர்த்து கலந்து, தலைமுடியில் தடவுங்கள். இதனால் தலைமுடி மென்மையாகவும், பளபளப்பாகவும் இருப்பதோடு, நன்கு ஆரோக்கியமாகவும் இருக்கும்.

தயிர் ஹேர் மாஸ்க்

நீங்கள் பொடுகுத் தொல்லையுடன், முடி வறட்சி பிரச்சனையாலும் அவதிப்படுகிறீர்கள் என்றால், ஹென்னாவை தலைக்கு பயன்படுத்திய பின் தயிர் ஹேர் மாஸ்க்கைப் போடுங்கள். அதற்கு ஒரு பௌல் தயிரில் சிறிது எலுமிச்சை சாறு மற்றும் 2 டீஸ்பூன் ஆலிவ் ஆயில் அல்லது தேங்காய் எண்ணெய் சேர்த்து கலந்து, தலைமுடியில் தடவி 1/2 மணிநேரம் ஊற வைத்து, பின் மைல்டு ஷாம்பு பயன்படுத்தி தலைமுடியை அலச வேண்டும்.

வாழைப்பழ ஹேர் மாஸ்க்

ஊட்டச்சத்து நிறைந்த வாழைப்பழம் தலைமுடிக்கு மிகவும் நல்லது. அதற்கு நன்கு கனிந்த ஒரு வாழைப்பழத்தை மசித்து, அத்துடன் கற்றாழை ஜெல் மற்றும் தேங்காய் எண்ணெய் சேர்த்து நன்கு கலந்து கொள்ள வேண்டும். பின் அதை ஹென்னா பயன்படுத்திய தலைமுடியில் தடவி அரை மணிநேரம் ஊற வைத்து, பின் மைல்டு ஷாம்பு பயன்படுத்தி அலச வேண்டும்.

முட்டை ஹேர் மாஸ்க்

முட்டை தலைமுடியின் ஆரோக்கியத்திற்கு தேவையான புரோட்டீன் நிறைந்த பொருள். அதோடு இது தலைமுடிக்கு நல்ல தோற்றத்தையும் தரக்கூடியது. தலைக்கு ஹென்னாவை போட்ட பின்னர், இந்த முட்டையைக் கொண்டு மாஸ்க் போட்டால் முடி வறட்சி நீங்கும். இந்த முட்டை ஹேர் மாஸ்க் போடுவதற்கு, ஒரு முட்டையின் வெள்ளைக்கருவுடன், தேன், எலுமிச்சை சாறு மற்றும் வினிகர் சேர்த்து கலந்து, தலைமுடியில் தடவி 20 நிமிடம் ஊற வைத்து, பின் ஷாம்பு பயன்படுத்தி குளிர்ந்த நீரால் அலச வேண்டும்.