முடி கொட்டுதா? இத தினமும் வெறும் வயிற்றில் சாப்பிட்டால் இருமடங்கு வேகத்தில் தலைமுடி வளருமாம்...

கறிவேப்பிலை

ஏற்கனவே கறிவேப்பிலை தலைமுடிக்கு சிறந்ததாக கருதப்படுகிறது. ஏனெனில் கறிவேப்பிலையில் இரும்புச்சத்து மற்றும் வைட்டமின் சி உள்ளதால், இது தலைமுடி உதிர்வதைக் குறைக்கும். அதற்கு 3-4 கறிவேப்பிலை இலைகளை காலையில் எழுந்ததும் வெறும் வயிற்றில் சாப்பிட வேண்டும். இதனால் ஓரிரு நாட்களில் தலைமுடியில் ஒரு நல்ல மாற்றத்தைக் காணலாம்.

ஆளிவிதை

ஆளிவிதையில் ஒமேகா-3 கொழுப்பு அமிலம் ஏராளமான அளவில் உள்ளது. எனவே இது தலைமுடியை ஆரோக்கியமாக வைத்துக் கொள்ளும். அதற்கு ஆளிவிதையை இரவு தூங்கும் முன் நீரில் ஊற வைத்து, அந்நீரை மறுநாள் காலையில் எழுந்ததும் வெறும் வயிற்றில் குடிக்க வேண்டும். இல்லாவிட்டால் ஆளிவிதை பொடியை நீரில் கலந்து குடிக்கலாம்.

வேப்பிலை

வேப்பிலை ஒரு அற்புதமான மருத்துவப் பொருள். வேப்பிலையை சாப்பிடுவது உடல் ஆரோக்கியத்தில் மட்டுமின்றி, தலைமுடியின் ஆரோக்கியத்திற்கும் மிகவும் நல்லதாக கருதப்படுகிறது. அதற்கு வேப்பிலையை காலையில் எழுந்ததும் வெறும் வயிற்றில் சாப்பிட வேண்டும்.

இளநீர்

இளநீர் இயற்கை நமக்கு தந்த வரப்பிரசாதம். இது தலைமுடி, சருமம் மற்றும் வயிற்றின் ஆரோக்கியத்திற்கு மிகவும் நல்லது. தலையில் போதுமான இரத்த ஓட்டம் இல்லாவிட்டால் தான் தலைமுடி உதிரும். ஆனால் இளநீரை காலையில் எழுந்ததும் வெறும் வயிற்றில் குடித்து வந்தால், உடலில் இரத்த ஓட்டம் மேம்பட்டு, தலைமுடியும் வலுவாகும்.

சிட்ரஸ் பழங்கள்

சிட்ரஸ் பழங்களில் வைட்டமின் சி அதிகம் உள்ளதால், இது தலைமுடியின் வளர்ச்சி மற்றும் ஆரோக்கியத்திற்கு மிகவும் நல்லதாக கருதப்படுகிறது. அதற்கு சிட்ரஸ் பழ ஜூஸை காலையில் எழுந்து வெறும் வயிற்றில் குடிக்க வேண்டும். ஆனால் இந்த ஜூஸை வாரத்திற்கு 3 நாட்கள் மட்டுமே குடிக்க வேண்டும்.