முடி உதிர்வை தடுத்து உங்கள் தலைமுடியை வலுப்படுத்த வேண்டுமா? இதோ உடனடி தீர்வுகள்!!

1..முட்டையும் எலுமிச்சை சாறும்:

தேவையான பொருட்கள்:

1.முட்டை - 2

2.எலுமிச்சை சாறு - 2 தேக்கரண்டி

செய்முறை:

2 முட்டைகளை ஒரு கிண்ணத்தில் ஊற்றிக் கொள்ளவும். அதனுடன் எலுமிச்சை சாற்றை ஊற்றி நன்றாக கலக்கவும். 2-3 நிமிடங்கள் கலந்த பின் அதை எடுத்து கூந்தலில்

தடவவும். 1 மணி நேரத்திற்கு பிறகு ஷாம்பூவால் கூந்தலை அலசவும். உங்களால் உடனடியாக வித்தியாசத்தை உணர முடியும்.

2. முட்டையும் ஆலிவ் எண்ணையும்:

ஆலிவ் எண்ணெய் அழகு மற்றும் ஆரோக்கியத்திற்கு பயன்படக்கூடியது என்பது அனைவரும் அறிந்ததே. இந்த எண்ணையை பயன்படுத்தி மாஸ்க், ஸ்க்ரப் முதலியவற்றை செய்யலாம். முடி உதிர்வை தடுத்து, அதன் வளர்ச்சியை இது மேம்படுத்துகிறது. இது ஒரு இயற்கையான கண்டிஷ்னராக பயன்படுகிறது. ஆலிவ் எண்ணையை தொடர்ந்து

பயன்படுத்துவதால் கூந்தல், பளபளப்பாகவும்,மிருதுவாகவும் தோற்றமளிக்கும்.

தேவையான பொருட்கள்:

1.முட்டை - 2

2.ஆலிவ் எண்ணெய் - 2 தேக்கரண்டி

செய்முறை:

முட்டையுடன் ஆலிவ் எண்ணையை நன்றாக கலக்கவும்.

இந்த கலவையை கூந்தலில் தடவுவதற்கு முன், மிதமான ஷாம்பூவை கொண்டு தலையை அலசுங்கள். அலசியபின் சற்று ஈரமான நிலையிலேயே இந்த கலவையை

தலையில் தடவவும். பிறகு ஷவர் கேப் அணிந்து 1 மணி நேரம் ஊற விடவும். அதன் பிறகு சாதாரண ஷாம்பு கொண்டு தலை முடியை அலசவும். இப்படி வாரத்திற்கு 2

முறை செய்வதால் அடர்த்தியான கூந்தலை பெற முடியும்.

முட்டையும் தேங்காய் எண்ணையும்:

தேங்காய் எண்ணெய் எல்லாத்தரப்பு மக்களுக்கும் எளிதில் கிடைக்கக் கூடியது. இந்த எண்ணையை தினமும் தலைக்கு தேய்த்து மசாஜ் செய்தால் தலையின் சூடு குறையும்.

உடலுக்கு குளிர்ச்சியூட்டும். பொடுகு தொல்லை மற்றும் முடி உதிர்தலை போக்கும். தலை முடியின் வேரிலிருந்து வலிமை படுத்துவதால், முடி உடைதல் குறையும்.

தேவையான பொருட்கள்:

1.முட்டை - 2

2.தேங்காய் எண்ணெய் - 2 தேக்கரண்டி

செய்முறை:

முட்டையின் மஞ்சள் கருவை மட்டுமெடுத்து அதனுடன் தேங்காய் எண்ணெய் சேர்த்து நன்றாக கலக்கவும். இந்த கலவையை தடவுவதற்கு முன் கூந்தலை நனைத்துக்

கொள்ளவும்.பின் இதை தடவி, 10 நிமிடங்களுக்கு பிறகு கழுவவும். இதன் மூலம் சொரசொரப்பான கூந்தலை மென்மையாக மாற்ற முடியும்.

இயற்கை முறையில் செய்யப்படும் சிகிச்சைகளும், சரியான பராமரிப்பும் உங்கள் தலை முடியை எந்த பிரச்னையிலிருந்தும் பாதுகாக்கும். அழகுக்காக பல இரசாயனக்

கலவையை உபயோகிக்கும்போது தலைமுடியின் வலு குறைந்து உடலுக்கு தீங்கு விளைவிக்கும்.