முடி உதிர்தலை தடுக்க கொய்யா இலை டிகாஷன் எப்படி தயாரிக்கலாம்?

கூந்தலுக்கு ஊட்டம் தரும் சத்துக்கள் :

பொதுவாக எல்லா அழகு சாதன சிகிச்சையிலும், விட்டமின் பி3, பி5, மற்றும் பி6 ஆகியவை அடங்கிய பொருட்களை உபயோகிப்பார்கள். இந்த சத்துக்கள் அனைத்தும் கொய்யா இலையில் உள்ளது.

கொய்யா இலை டிகாஷன் :

கொய்யா இலைகளை டிகாஷன் தயாரித்து அதனை தொடர்ந்து உபயோகித்து வந்தால் முடி உதிர்தல் முழுவதும் நின்று, வேர்க்கால்கள் பலப்படும் .

புதிதான இலைகளை உபயோகியுங்கள். அதனை வைத்து உபயோகிக்க வேண்டாம். அவ்வப்போது உபயோகிப்பதே சிறந்த பலனளிக்கும்.

தயாரிக்கும் முறை :

கை நிறைய புதிய கொய்யா இலைகளை எடுத்து 1 லிட்டர் நீரில் போட்டு 20 நிமிடங்கள் கொதிக்க விடவும். பின்னர் இறக்கியபின் அதனை ஆறவைத்து வடிகட்டுங்கள்.

உபயோகிக்கும் முறை :

வடிகட்டிய இந்த நீரை தலையில் வேர்க்கால்களில் படும்படி தடவுங்கள். நுனி வரை தடவி 20 நிமிடங்கள் அப்படிய் விடவும். பின்னர் தலையை வெறுமனே அலசவும். ஷாம்பு உபயோகிக்கக் கூடாது.

பலன்கள் :

இதனால் கூந்தலின் வேர்க்கால்கள் பலமடைகிறது. எனவே முடி உதிர்தல் குறைந்து, அடர்த்தியான மின்னும் கூந்தல் கிடைக்கும்.

நீங்கள் கலரிங்க் உபயோகித்திருந்தால் அதன் ராசாயனங்களால் உண்டான பாதிப்பை சீர் செய்கிறது. குறிப்பாக நரை முடி வளராமல் தடுக்கும்.