ஒல்லியாக இருக்கும் கூந்தலை சரிசெய்வதற்கான சில இயற்கை சிகிச்சைகள்!!!

நெல்லிக்காய் ஜூஸ்

கூந்தல் உதிர்தலைத் தடுத்து, அதன் வளர்ச்சியை அதிகரித்து, கருமையான கூந்தலைப் பெற உதவும் பொருட்களில் ஒன்று தான் நெல்லிக்காய். ஆகவே நெல்லிக்காய் சாற்றினை, எலுமிச்சை சாற்றுடன் சேர்த்து கலந்து ஸ்கால்ப்பில் தடவி மசாஜ் செய்து, 30 நிமிடம் ஊற வைத்து, குளிர்ந்த நீரில் அலச வேண்டும்.

வெங்காயம்

வெங்காயம் கூட கூந்தல் வளர்ச்சியைத் தூண்டும். அதற்கு வாரத்திற்கு மூன்று முறை வெங்காயத்தை ஸ்கால்ப்பில் தடவி மசாஜ் செய்து குளித்து வர வேண்டும். இதனால் கூந்தல் வளர்ச்சி அதிகரித்து, அதன் அடர்த்தியும் அதிகரிக்கும்.

இறுக்கமாக கட்ட வேண்டாம்

கூந்தலை எப்போதும் இறுக்கமாக கட்டினால், அது நாளடைவில் கூந்தலை ஒல்லியாக மாற்றும். எனவே எப்போம் கூந்தலை இறுக்கமாக பின்னவோ அல்லது போனி டைல் போடவோ வேண்டாம்.

கற்றாழை ஜெல்

கற்றாழை ஜெல்லை ஸ்கால்ப்பில் தடவி நன்கு மசாஜ் செய்து, 1 மணிநேரம் ஊற வைத்து பின் மைல்டு ஷாம்பு போட்டு குளித்தால், அது முடியின் வளர்ச்சியைத் தூண்டும்.

விளக்கெண்ணெய்

விளக்கெண்ணெய் கூட சிறப்பான கூந்தல் பராமரிப்பு பொருட்களில் ஒன்று. அதற்கு விளக்கெண்ணெயை தேங்காய் எண்ணெயுடன் சேர்த்து கலந்து, ஸ்கால்ப்பில் தடவி 10 நிமிடம் மசாஜ் செய்து, பின் 1 மணிநேரம் ஊற வைத்து மைல்டு ஷாம்பு போட்டு குளிக்க வேண்டும்.

இறுக்கமான சீப்பு வேண்டாம்

கூந்தல் உதிர்தல் பிரச்சனை அதிகம் இருக்கும் நேரத்தில், தலைக்கு இறுக்கமான சீப்புக்களைப் பயன்படுத்தினால், தலையில் உள்ள முடி அனைத்தும் வந்துவிடும். ஆகவே அப்போது நல்ல பெரிய சீப்புக்களை பயன்படுத்த வேண்டும்.

ஹேர் ட்ரையர்

கூந்தலை எப்போதும் இயற்கையாகவே உலர வைக்க வேண்டும். அப்படி இல்லாமல், ஹேர் ட்ரையர் பயன்படுத்தினால், அது மயிர்கால்களை வலுவிழக்கச் செய்து, கூந்தல் உதிர்தலை அதிகரித்துவிடும்.

ஆரோக்கியமான உணவுகள்

கூந்தல் நன்கு ஆரோக்கியமாகவும், அடர்த்தியாகவும் இருக்க வேண்டுமானால், வைட்டமின்கள், ஒமேகா-3 ஃபேட்டி ஆசிட், பயோடின் மற்றும் கால்சியம் அதிகம் நிறைந்த உணவுப் பொருட்களை உட்கொள்ள வேண்டும். ஏனெனில் இவை கூந்தல் வளர்ச்சியை அதிகரிக்கும் சக்தி கொண்டவை.