பட்டுப்போன்ற மென்மையான கூந்தலைப் பெற சில எளிய வழிகள்!!!

Posted By:
Subscribe to Boldsky

தற்போது பலர் கூந்தலை அழகாக வைத்துக் கொள்ள பல்வேறு வழிகளை நாடிச் செல்கின்றனர். அப்படி கூந்தலைப் பராமரிக்க சரியான வழிகளை நாடிச் செல்லும் போது, நிறைய வழிகள் கிடைக்கும். அதில் டிவிக்களில் ஒளிபரப்பப்படும் கூந்தல் பராமரிப்பு பொருட்களைப் பற்றிய விளம்பரங்களைப் பார்த்து வாங்கி பயன்படுத்துவோர் தான் அதிகம். இப்படி வாங்கிப் பயன்படுத்துவதால், கூந்தலானது தனது ஆரோக்கியத்தையும், மென்மையையும் தான் இழக்கும்.

ஆகவே கூந்தலை மென்மையாக்குவதற்கு கண்ட கண்ட கூந்தல் பராமரிப்பு பொருட்களை பயன்படுத்துவதற்கு பதிலாக, இயற்கைப் பொருட்களைப் பயன்படுத்தி கூந்தலைப் பராமரித்தால், கூந்தல் எப்போதும் ஆரோக்கியமாகவும், மென்மையாகவும் இருக்கும். இங்கு கூந்தலை ஆரோக்கியமாகவும், பட்டுப்போன்று மென்மையாகவும் வைத்துக் கொள்ள சில இயற்கை வழிகள் கொடுக்கப்பட்டுள்ளன. அதைப் பார்ப்போமா!!!

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
முட்டை

முட்டை

கூந்தலைப் பராமரிக்க முட்டை மிகவும் சிறப்பான பொருள். ஏனெனில் முட்டையில் கூந்தலுக்கு தேவையான புரோட்டீன் அதிக அளவில் நிறைந்துள்ளது. இதனால் கூந்தலானது ஆரோக்கியமாகவும், எவ்வித பாதிப்பும் இல்லாமல் பாதுகாப்பாக இருக்கும். அதற்கு முட்டையை தேன், எலுமிச்சை அல்லது பாலுடன் சேர்த்து கலந்து, கூந்தலுக்கு மாஸ்க் போட்டு, 1/2 மணிநேரம் ஊற வைத்து, பின் ஷாம்பு போட்டு அலச வேண்டும்.

தேன்

தேன்

பொதுவாக தேன் முடியில் பட்டால், முடி நரைத்துவிடும் என்று சொல்வார்கள். ஆனால் தேனை முட்டை அல்லது பாலுடன் சேர்த்து கலந்து, தலையில் தடவி 10 நிமிடம் ஊற வைத்து, பின் அலச வேண்டும். ஒருவேளை அதிக நேரம் ஊற வைத்தால், முடியின் நிறமானது மங்க ஆரம்பித்துவிடும். எனவே முடி மென்மையாகவும், வறட்சியின்றியும் இருக்க தேனை உபயோகியுங்கள்.

பால்

பால்

பாலிலும் புரோட்டீன் வளமாக நிறைந்திருப்பதால், அதனை தலை முடிக்கு தடவி மசாஜ் செய்து குளித்து வந்தால், அவை முடிக்கு ஆரோக்கியத்தை மட்டுமின்றி, மென்மையையும் கொடுக்கும்.

எண்ணெய்

எண்ணெய்

கூந்தல் பராமரிப்பு என்று வரும் போது அதில் நிச்சயம் எண்ணெய் கொண்டும் பராமரிப்பதும் இருக்கும். அதற்கு தேங்காய் எண்ணெய் அல்லது நல்லெண்ணெய் கொண்டு தலையை நன்கு மசாஜ் செய்து ஊற வைத்து குளித்து வந்தால் முடியானது பொலிவோடு மென்மையாக இருக்கும்.

வாழைப்பழம்

வாழைப்பழம்

வாழைப்பழத்தை அரைத்து, அதில் முட்டையை உடைத்து ஊற்றி நன்கு அடித்து, அதனை தலையில் தடவி சிறிது நேரம் ஊற வைத்து, பின் குளிர்ந்த நீரில் அலச வேண்டும்.

தயிர்

தயிர்

தயிரிலும் புரோட்டீன் அதிக அளவில் உள்ளது. மேலும் இது மிகவும் சிறப்பான மாய்ஸ்சுரைசரும் கூட. அதற்கு தயிரில் கடலை மாவு மற்றும் அரைத்த வெந்தயம் ஆகியவற்றை சேர்த்து கலந்து, தலைக்கு தடவி நன்கு ஊற வைத்து குளிக்க வேண்டும்.

பீர்

பீர்

பீர் ஷாம்பு கேள்விப்பட்டிருப்பீர்கள். ஆனால் அவற்றை பயன்படுத்துவதற்கு பதிலாக, தலைக்கு ஷாம்பு போட்டு குளித்த பின்னர், சிறிது பீரைக் கொண்டு கூந்தலை அலசினால், கூந்தல் இன்னும் ஆரோக்கியமாக இருக்கும்.

ஆப்பிள் சீடர் வினிகர்

ஆப்பிள் சீடர் வினிகர்

தலைக்கு ஷாம்பு போட்டு குளித்த பின்னர், ஆப்பிள் சீடர் வினிகரை சிறிது நீரில் கலந்து இறுதியில் கூந்தலை அலசினால், கூந்தல் மென்மையாகவும் ஆரோக்கியமாகவும் இருக்கும்.

எலுமிச்சை

எலுமிச்சை

தலைக்கு முட்டை, எண்ணெய், பால் அல்லது தேன் கொண்டு ஹேர் பேக் போடும் போது, அதில் சிறிது எலுமிச்சை சாறு சேர்த்து கலந்து ஹேர் பேக் போட்டால், நல்ல பலன் கிடைக்கும்.

கடலை மாவு

கடலை மாவு

கடலை மாவை தயிர் சேர்த்து கலந்து, தலைக்கு தடவி 15 நிமிடம் நன்கு ஊற வைத்து, பின் கழுவினால், கூந்தல் நன்கு மென்மையாகவும், பட்டுப் போன்றும் இருக்கும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
For Quick Alerts
ALLOW NOTIFICATIONS
For Daily Alerts

    English summary

    10 Ways To Have Soft Hair

    Given here are some items that we all find in our kitchen and pantry. Make use of them for your hair and see your hair thank you in a real bouncy manner.
    Story first published: Monday, September 1, 2014, 13:45 [IST]
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more