வாரம் ஒருமுறை இதைக் கொண்டு வாயைக் கொப்பளித்தால், பற்களில் உள்ள மஞ்சள் கறைகள் போகும்!

தேவையான பொருட்கள்

பேக்கிங் சோடா

ஹைட்ரஜன் பெராக்ஸைடு

உப்பு

தண்ணீர்

ஆன்டி-செப்டிக் மௌத் வாஷ்

செய்முறை 1

முதலில் ஒரு கிண்ணத்தில் 1 டேபிள் ஸ்பூன் பேக்கிங் சோடாவுடன், 1/2 டீஸ்பூன் உப்பு சேர்த்து கலந்து கொள்ள வேண்டும். பின் ஈரமான டூத் பிரஷ் கொண்டு, அக்கலவையை தொட்டு பற்களைத் தேய்த்து, துப்ப வேண்டும். இந்த முறையை 5 நிமிடம் தொடர்ந்து செய்ய வேண்டும்.

செய்முறை 2

பின் ஒரு கப் ஹைட்ரஜன் பெராக்ஸைடுடன் 1/2 கப் வெதுவெதுப்பான நீர் சேர்த்து கலந்து, ஒரு நிமிடம் அதைக் கொண்டு வாயைக் கொப்பளித்து துப்பவும். பின்பு குளிர்ந்த நீரில் மீண்டும் வாயைக் கொப்பளிக்கவும்.

செய்முறை 3

அடுத்து ஒரு டூத் பிக் கொண்டு, பற்களில் உள்ள மஞ்சள் கறைகளை தேய்த்துவிட வேண்டும். குறிப்பாக இச்செயலை செய்யும் போது கவனமாக இருக்க வேண்டும். ஏனெனில் சிறிது தவறினாலும், ஈறுகளில் பாதிப்பு ஏற்படும்.

செய்முறை 4

இறுதியில் ஆன்டி-செப்டிக் மௌத்வாஷ் கொண்டு வாயைக் கொப்பளித்து கழுவ வேண்டும். இந்த முறையை வாரத்திற்கு ஒருமுறை செய்து வந்தால், பற்களில் மஞ்சள் கறைகள் படிவதை முற்றிலும் தடுக்கலாம்.

ஸ்ட்ராபெர்ரி

ஸ்ட்ராபெர்ரி பழங்களில் உள்ள வைட்டமின் சி பற்களில் ஆரோக்கியத்தை மேம்படுத்தும். எனவே ஸ்ட்ராபெர்ரி பழம் கிடைக்கும் போது, அதைக் கொண்டு பற்களைத் தேய்த்து, 5 நிமிடம் ஊற வைத்து, பின் பிரஷ் கொண்டு தேய்த்து நீரில் வாயைக் கொப்பளிக்க வேண்டும். இதனால் மஞ்சள் காறைகள் இளகி எளிதில் வெளிவரும்.

தக்காளி

அதேப் போல் தக்காளி துண்டை பற்களில் தேய்த்து, 5 நிமிடம் ஊற வைத்து, பின் தேய்த்து குளிர்ந்த நீரில் வாயைக் கொப்பளிக்க வேண்டும்.