உதடுகளுக்கு லிப்ஸ்டிக் பயன்படுத்துவதால் ஏற்படும் தீமைகள்!!!

அதிகப்படியான மெட்டல்

ஆய்வு ஒன்றில் லிப்ஸ்டிக்கில் குரோமியம், காட்மியம் மற்றும் மக்னீசியம் அதிக அளவில் உள்ளது என்று சொல்லப்பட்டுள்ளது. ஆகவே லிப்ஸ்டிக்கைப் பயன்படுத்தினால், அவை கடுமையான நோய்க்கு வழிவகுப்பதோடு, உறுப்புகள் பாதிப்படையவும் செய்யும் என்று சொல்கிறது. அதிலும் அதிகப்படியான காட்மியமானது சிறுநீரகத்தில் படிந்தால், அவை நாளடைவில் சிறுநீரக செயலிழப்பை ஏற்படுத்திவிடும். மேலும் ஒரு நாளைக்கு பலமுறை லிப்ஸ்டிக் போட்டு வந்தால், வயிற்றில் கட்டிகள் வளர ஆரம்பிக்கும்.

ஈயம் (Lead)

பெரும்பாலான லிப்ஸ்டிக்குகளில் ஈயம் அதிகமாக உள்ளது. ஈயம் நரம்புகளை அழிக்கக்கூடியவை. ஆகவே இதனை அன்றாடம் பயன்படுத்தி வந்தால், அதனால் நரம்பு மண்டலம் பாதிக்கப்படுவதோடு, மூளையும் பாதிப்பிற்குள்ளாகும். இதனால் தான் ஹார்மோன் ஏற்றத்தாழ்வுகள் மற்றும் மலட்டுத்தன்மை ஏற்படுகிறது. மேலும் ஈயமானது சிறிது உடலினுள் சென்றாலும், பெரிய பிரச்சனையை சந்திக்கக்கூடும்.

பெட்ரோகெமிக்கல்

லிப்ஸ்டிக் தயாரிப்பில் பெட்ரோகெமிக்கல்கள் பயன்படுத்தப்படுகிறது. இவை உடலுக்கு கெடுதலை ஏற்படுத்தக்கூடியவை. அதிலும் இவை நாளமில்லா சுரப்பிகளில் சீர்குலைவை ஏற்படுத்தி, இனப்பெருக்கம், வளர்ச்சி, புலனாய்வு திறன் போன்றவற்றை அழிக்கும்.

ஃபார்மால்டிஹைடு மற்றும் கனிம எண்ணெய்

ஃபார்மால்டிஹைடு என்பது ஒரு புற்றுநோயைத் தூண்டும் பதப்படுத்தும் பொருள். இதனால் மூச்சுத்திணறல், இருமல், கண்கள் மற்றும் சரும எரிச்சல் போன்ற இதர பக்க விளைவுகளும் ஏற்படும். மேலும் இதில் உள்ள மற்றொரு பொருளான கனிம எண்ணெய் சருமத்துளைகளை அடைத்து, இதனால் உதடுகளின் இயற்கை அழகைப் பாதிக்கும்.

பாராபென்ஸ் மற்றும் பிஸ்முத் ஆக்ஸி குளோரைடு

இந்த இரண்டு பெருட்களும் லிப்ஸ்டிக் செய்யப் பயன்படுகிறது. இவையும் ஒருவகையான பதப்படுத்தும் பொருள் தான். இதனாலும் நிறைய பிரச்சனைகளை சந்திக்கக்கூடும்.

எனவே எவ்வளவு தான் லிப்ஸ்டிக் தரமானதாக இருந்தாலும், அவற்றை அதிகம் பயன்படுத்துவதைத் தவிர்ப்பது நல்லது. வேண்டுமானால் இயற்கை வழியில் உதடுகளை பிங்க் நிறத்தில் மாற்றும் முயற்சியில் ஈடுபடலாம்.