அழகைக் கெடுக்கும் ஸ்ட்ரெட்ச் மார்க்கை போக்க உதவும் சில எண்ணெய்கள்!!!

ரோஸ்மேரி ஆயில்

ரோஸ்மேரி ஆயிலை பாதாம் எண்ணெயுடன் சேர்த்து கலந்து, தினமும் ஸ்ட்ரெட்ச் மார்க் உள்ள இடத்தில் தடவி, 15-20 நிமிடம் மசாஜ் செய்து வந்தால், தழும்பானது மறைய ஆரம்பிக்கும்.

ஆலிவ் ஆயில்

தற்போது அனைத்து கடைகளிலும் கிடைக்கும் ஆலிவ் ஆயிலைக் கொண்டு, மசாஜ் செய்து வந்தாலும் ஸ்ட்ரெட்ச் மார்க்குகளைப் போக்கலாம். மேலும் இதனால் சருமம் நன்கு ஈரப்பசையுடன் வறட்சியடையாமல் இருக்கும்.

பாதாம் எண்ணெய்

பாதாம் எண்ணெயில் நிறைய அழகு நன்மைகள் நிறைந்துள்ளன. அதில் ஒன்று தான் ஸ்ட்ரெட்ச் மார்க்கை போக்குவது. அதற்கு பாதாம் எண்ணெயை, ஆலிவ் ஆயில் மற்றும் கோதுமை எண்ணெயுடன் சேர்த்து கலந்து, இரவில் படுக்கும் முன் மசாஜ் செய்து கொண்டு படுக்க வேண்டும். இதனால் நாளடைவில் தழும்புகள் மறைந்துவிடும்.

கோதுமை எண்ணெய் (Wheat Germ Oil)

கோதுமை எண்ணெயுடன், சிறிது ரோஸ் எண்ணெய் சேர்த்து கலந்து, மசாஜ் செய்ய வேண்டும். அதிலும் இந்த எண்ணெய் கலவையைக் கொண்டு, வாரத்திற்கு இரண்டு முறை செய்ய வேண்டும்.

லாவெண்டர் எண்ணெய்

மற்றொரு சிறப்பான ஸ்ட்ரெட்ச் மார்க்கை போக்கும் எண்ணெய் என்று பார்த்தால், அது லாவெண்டர் எண்ணெயுடன், ஆலிவ் ஆயில் சேர்த்து கலந்து, பாதிக்கப்பட்ட பகுதியில் தடவி 20 நிமிடம் மசாஜ் செய்வது தான்.

ஜிஜோபா ஆயில்

3 டீஸ்பூன் ஜிஜோபா ஆயில், 10 துளிகள் பச்சௌலி ஆயில் (patchouli oil) மற்றும் 5 துளிகள் லாவெண்டர் எண்ணெய் போன்றவற்றை கலந்து, ஸ்ட்ரெட்ச் மார்க் உள்ள இடத்தில் தேய்த்து மசாஜ் செய்ய வேண்டும்.

ஆப்ரிக்காட் எண்ணெய்

ஆப்ரிக்காட் எண்ணெய் சரும சுருக்கத்தைப் போக்குவதோடு, ஸ்ட்ரெட்ச் மார்க்குகளையும் போக்கும்.

நல்லெண்ணெய்

சமையலில் பயன்படுத்தும் நல்லெண்ணெய் கொண்டு, சருமத்தை மசாஜ் செய்து வந்தாலும், ஸ்ட்ரெட்ச் மார்க்குகளை மறையச் செய்யலாம்.