உங்களுக்கு முடி கொட்டாம இருக்கணுமா? அப்ப 'இந்த' இரண்டு பொருள் கலந்த பேஸ் பேக்கை யூஸ் பண்ணுங்க!

முடி உதிர்தல் பிரச்சனையால் தினமும் போராடுகிறீர்களா? முடி வளரவே இல்லை என்று கவலையடைகிறீர்களா? அப்படியானால் கவலையை விடுங்க... உங்கள் தலைமுடி பிரச்சனையை போக்க உதவும் இயற்கை ஹேர் மாஸ்க்கை பயன்படுத்தினால் போதும்.

முடி உதிர்தல், பொடுகு தொல்லை, வலுவிழந்த மற்றும் பொலிவிழந்த முடி மற்றும் நரை முடி பிரச்சனைகளை நம்மில் பெரும்பாலான மக்கள் தினமும் தினமும் சந்திக்கிறார்கள். அந்த வகையில், முடி உதிர்தல் என்பது இன்றைய நாளில் எல்லாருக்கும் இருக்கும் பொதுவான பிரச்சனையாக உள்ளது.

உங்கள் தலைமுடிக்கு தொடர்ந்து எண்ணெய் தடவுவது மற்றும் சிறப்பு ஹேர் பேக்குகளைப் பயன்படுத்துவது போன்ற இயற்கை வைத்தியங்களை முயற்சிப்பதன் மூலம் முடி உதிர்தலை குறைக்கலாம். கூடுதலாக, ஷாம்பு பயன்படுத்திய பிறகு ஒரு நல்ல கண்டிஷனரைப் பயன்படுத்துவது உங்கள் தலைமுடியை ஆரோக்கியமாக வைத்திருக்கவும், முடி உதிர்வைக் குறைக்கவும் உதவும்.

இன்று இக்கட்டுரையில் முடி உதிர்வை சமாளிக்க உதவும் ஓர் எளிய தீர்வைப் பற்றி காணலாம். ஆம்லா மற்றும் குயினோவாவின் கலவையானது உங்கள் தலைமுடிக்கு எப்படி வேலை செய்கிறது என்று இங்கே தெரிந்துகொள்ளலாம்.

முடி உதிர்தலுக்கு ஆம்லா
ஆம்லா என்றழைக்கப்படும் இந்திய நெல்லிக்காய் உங்கள் தலைமுடிக்கு பல அதிசயங்களை செய்கிறது. நெல்லிக்காய் வைட்டமின்கள், தாதுக்கள் மற்றும் ஆக்ஸிஜனேற்றங்கள் நிறைந்த ஒரு சூப்பர்ஃபுட் ஆகும். இது முடி ஆரோக்கியத்திற்கு நன்மை பயக்கும். குறிப்பாக முடி வளர்ச்சியை ஊக்குவிக்கவும் முடி உதிர்வை குறைக்கவும் நெல்லிக்காய் உதவுகிறது.

நெல்லிக்காயில் உள்ள வைட்டமின் சி அதிக செறிவு கொலாஜன் உற்பத்தியை ஊக்குவிக்கவும், முடியின் வேர்களை வலுப்படுத்தவும் உதவுகிறது. முடி உதிர்வை ஏற்படுத்தும் ஃப்ரீ ரேடிக்கல்களால் முடியை சேதப்படுத்தாமல் பாதுகாக்க உதவும் ஆன்டிஆக்ஸிடன்ட்களும் இதில் நிறைந்துள்ளன. அதனால், உங்கள் முடியின் ஆரோக்கியத்திற்கும் வளர்ச்சிக்கும் நெல்லிக்காய் முக்கியமானது.

முடி உதிர்தலுக்கு குயினோவா
குயினோவா என்பது ஆரோக்கியமான கூந்தலுக்குத் தேவையான புரதங்கள் மற்றும் ஊட்டச்சத்துக்கள் நிறைந்த ஓர் தானியமாகும். இது உச்சந்தலையில் ஊட்டமளிக்க உதவுகிறது மற்றும் முடி உதிர்தலுக்கு முக்கிய காரணமான பொடுகு பாதிப்பைக் குறைக்கவும் உதவுகிறது. மேலும், குயினோவா வீக்கத்தைக் குறைக்கவும் ஆரோக்கியமான முடி வளர்ச்சியை ஊக்குவிக்கவும் உதவுகிறது.

ஆம்லா-குயினோவா ஹேர் பேக் செய்வது எப்படி?
ஆம்லா-குயினோவா ஹேர் பேக் செய்ய, ஒரு கப் ஆம்லா பவுடர் மற்றும் ஒரு கப் குயினோவா மாவு ஆகியவற்றை ஒன்றாக சேர்த்து கலக்க வேண்டும். கூடுதல் ஊட்டச்சத்துக்காக உங்களுக்கு பிடித்த அத்தியாவசிய எண்ணெயின் சில துளிகளை அவற்றில் சேர்க்கலாம். இவற்றை நன்றாக கலந்து, உங்கள் உச்சந்தலையில் மற்றும் முடிக்கு தடவி 15-20 நிமிடங்கள் அப்படியே விடவேண்டும். அதன் பின்னர், உங்கள் தலைமுடியை லேசான ஷாம்பூ கொண்டு அலச வேண்டும்.

இறுதிக்குறிப்பு
சிறந்த முடிவுகளுக்கு, இந்த ஆம்லா-குயினோவா ஹேர் பேக்கை வாரம் ஒருமுறை பயன்படுத்த வேண்டும். இவ்வாறு செய்வதன் மூலம் உங்கள் தலைமுடிக்கு ஊட்டமளித்து முடி உதிர்வை குறைக்கலாம். இது உங்கள் தலைமுடியை முழுமையாகவும் வலுவாகவும் மாற்றும். எனவே இதை வீட்டில் முயற்சித்துப் பாருங்கள். உங்கள் தலைமுடியில் அது ஏற்படுத்தும் வித்தியாசத்தை நீங்களே காணலாம்.