சிம்ம ராசியில் நடக்கும் சுக்கிர பெயர்ச்சி: துலாம் உள்ளிட்ட 3 ராசிகளின் அதிர்ஷ்ட கதவு திறக்கப்போகுது!

Venus Transit In Leo 2025: வேத ஜோதிடத்தின் படி, நவகிரகங்கள் ஒவ்வொன்றும் ஒரு குறிப்பிட்ட கால இடைவெளியில் ராசியை மாற்றி மனி வாழ்க்கையில் தாக்கத்தை ஏற்படுத்தும். இந்த கிரகங்களில் அசுரர்களின் குருவாக கருதப்படுபவர் சுக்கிரன். இந்த சுக்கிரன் ஒரு ராசியில் 27 நாட்கள் வரை இருப்பார்.

மேலும் இந்த சுக்கிரன் அழகு, ஆடம்பரம், காதல், செழிப்பு, செல்வம் ஆகியவற்றின் காரணியாவார் மற்றும் இவர் ரிஷபம் மற்றும் துலாம் ராசிகளின் அதிபதியும் கூட. இப்படிப்பட்ட சுக்கிரன் 2025 ஆம் ஆண்டின் செப்டம்பர் மாதத்தில் சூரிய பகவானின் சிம்ம ராசிக்கு செல்லவுள்ளார். சுக்கிரன் சிம்ம ராசிக்கு செல்வதால், அதன் தாக்கம் மேஷம் முதல் மீனம் வரையிலான அனைத்து ராசிக்காரர்களின் வாழ்க்கையிலும் காணப்படும்.

குறிப்பாக 3 ராசிக்காரர்கள் இந்த சுக்கிர பெயர்ச்சியால் அதிர்ஷ்டத்தின் ஆதரவைப் பெறவுள்ளனர். இதன் விளைவாக செல்வத்தில் மகத்தாக அதிகரிப்பு ஏற்படும், தொழிலில் முன்னேற்றத்தைக் காணக்கூடும். அதோடு காதல் மற்றும் திருமண வாழ்க்கை இனிமையாக இருக்கும். இப்போது சுக்கிரன் சிம்ம ராசிக்கு செல்வதால் அதிர்ஷ்டம் பெறும் ராசிக்காரர்கள் யார்யார் என்பதைக் காண்போம்.

துலாம்

துலாம் ராசியின் 11 ஆவது வீட்டிற்கு சுக்கிரன் செல்லவுள்ளார். இதனால் இந்த ராசிக்காரர்களின் வருமானத்தில் நல்ல உயர்வு ஏற்படும். புதிய வருமான ஆதாரங்களும் உருவாகும். ஊடகத் துறையில் இருப்பவர்களுக்கு இக்காலம் சிறப்பாக இருக்கும். புதிய நண்பர்களைப் பெறுவீர்கள். இந்த நண்பர்களால் நல்ல ஆதாயமும் கிடைக்கும். பல வழிகளில் இருந்து பணம் தேடி வரும். ஏற்கனவே முதலீடுகளை செய்திருந்தால், அதிலிருந்து நல்ல லாபம் கிடைக்கும் வாய்ப்புக்கள் உள்ளன.

கடகம்

கடக ராசியின் 2 ஆவது வீட்டிற்கு சுக்கிரன் செல்லவுள்ளார். இதனால் இந்த ராசிக்காரர்கள் பல வழிகளில் இருந்து பணம் சம்பாதிக்கும் வாய்ப்பைப் பெறுவார்கள். திடீர் நிதி ஆதாயங்கள் கிடைக்கும் வாய்ப்புக்கள் உள்ளன. மார்கெட்டிங், ஆசிரியர் போன்ற பேச்சு தொடர்பான வேலை செய்பவர்கள் நல்ல பலன்களைப் பெறுவார்கள். காதல் வாழ்க்கை ஆழமடையும். திருமணமாகாதவர்களுக்கு நல்ல வரன் தேடி வரும். மாணவர்கள் படிப்பில் சிறந்து விளங்குவார்கள். முக்கியமாக நிதி நிலையில் நல்ல முன்னேற்றம் ஏற்படும் வாய்ப்புள்ளது.

விருச்சிகம்

விருச்சிக ராசியின் 10 ஆவது வீட்டிற்கு சுக்கிரன் செல்லவுள்ளார். இதனால் தொழில் மற்றும் வணிகத்தில் நல்ல வெற்றியைப் பெறுவீர்கள். புதிய வேலை கிடைக்கும் வாய்ப்புள்ளது. பணிபுரிபவர்களுக்கு பதவி உயர்வு கிடைக்கும் வாய்ப்புக்கள் உள்ளன. வணிகர்கள் தங்கள் வணிகத்தை விரிவாக்கம் செய்யும் வாய்ப்பைப் பெறுவார்கள். உங்களின் இலக்குகளை தெளிவாக உணர்ந்து, அதை அடையும் முயற்சிகளை மேற்கொள்வீர்கள். தந்தையுடனான உறவு வலுவடையும். அதிர்ஷ்டத்தின் ஆதரவால் வெற்றிகள் குவியும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)

Disclaimer: இந்தக் கட்டுரையில் குறிப்பிடப்பட்டுள்ள ரத்தினக் கற்களின் நன்மைகள் பாரம்பரிய நம்பிக்கைகள் மற்றும் ஜோதிட நடைமுறைகளை அடிப்படையாகக் கொண்டவை. இதன் முடிவுகள் நபருக்கு நபர் மாறுபடும். ஜோதிட நோக்கங்களுக்காக எந்த ரத்தினக் கல்லையும் அணிவதற்கு முன்பு ஒரு சான்றளிக்கப்பட்ட ஜோதிடர் அல்லது ரத்தின நிபுணரை அணுகுமாறு நாங்கள் பரிந்துரைக்கிறோம். இந்த உள்ளடக்கம் தகவல் நோக்கங்களுக்காக மட்டுமே, மேலும் தொழில்முறை ஆலோசனைக்கு மாற்றாக எடுத்துக்கொள்ள வேண்டாம்.