1 வருடத்திற்கு பின் விருச்சிகம் செல்லும் புதன்: அக்டோபரில் இந்த 3 ராசிகளின் அதிர்ஷ்டம் ஜொலிக்கப்போகுது..

Mercury Transit In Scorpio On October 2024: ஜோதிடத்தில் கிரகங்களின் இளவரசனாக கருதப்படுபவர் புதன். இந்த புதன் பேச்சு, படிப்பு, புத்திசாலித்தனம், வணிகம், பங்குச் சந்தை, பொருளாதாரம் ஆகியவற்றின் காரணியாக கருதப்படுகிறார். இந்த புதன் தற்போது கன்னி ராசியில் பயணித்து வருகிறார்.

அதைத் தொடர்ந்து அக்டோபர் 10 ஆம் தேதி துலாம் ராசிக்குள் நுழையவுள்ளார். அதன் பின் அக்டோபர் 29 ஆம் தேதி செவ்வாயின் விருச்சிக ராசிக்குள் நுழையவுள்ளார். விருச்சிக ராசியில் புதன் நுழைவதால் அதன் தாக்கம் அனைத்து ராசிகளிலுமே காணப்படும்.

இருப்பினும் சில ராசிக்காரர்களுக்கு அதிர்ஷ்டம் பிரகாசித்து, தொழிலில் எதிர்பாராத அளவில் முன்னேற்றமும், லாபமும் கிடைக்கப் போகிறது. இப்போது விருச்சிக ராசிக்கு புதன் செல்வதால் அதிர்ஷ்டம் பெறும் ராசிக்காரர்கள் யார்யார் என்பதைக் காண்போம்.

விருச்சிகம்

விருச்சிக ராசியின் முதல் வீட்டிற்கு புதன் செல்லவுள்ளார். இதனால் இந்த ராசிக்கார்களின் தன்னம்பிக்கை அதிகரிக்கும். சமூகத்தில் உங்களின் மரியாதை மற்றும் கௌரவம் உயரும். குடும்ப வாழ்க்கை மகிழ்ச்சியாக இருக்கும். வாழ்க்கைத் துணையுடனான உறவு இனிமையாக இருக்கும். வாழ்க்கைத் துணையின் முழு ஆதரவைப் பெறுவீர்கள். கூட்டு தொழில் செய்து வந்தால், அதிர்ஷ்டத்தின் ஆதரவால் நல்ல லாபத்தைப் பெறலாம்.

ரிஷபம்

ரிஷப ராசியின் 7 ஆவது வீட்டிற்கு புதன் செல்லவுள்ளார். இதனால் இந்த ராசிக்காரர்களின் திருமண வாழ்க்கை மகிழ்ச்சியாக இருக்கும். வாழ்க்கைத் துணையின் ஆதரவு முழுமையாக கிடைக்கும். மேலும் உங்களின் வாழ்க்கைத் துணையும் முன்னேற்றத்தைக் காண்பார்கள். உங்களின் ஆளுமை மற்றவர்களை ஈர்க்கும் வகையில் இருக்கும். எதிர்பாராத நிதி ஆதாயங்களைப் பெற வாய்ப்புள்ளது. புதுமண தம்பதிகளுக்கு குழந்தை பாக்கியம் கிடைக்கும் வாய்ப்புள்ளது.

மகரம்

மகர ராசியின் 11 ஆவது வீட்டிற்கு புதன் செல்லவுள்ளார். இதனால் இந்த ராசிக்காரர்களின் வருமானத்தில் நல்ல உயர்வு ஏற்படும். புதிய வருமான ஆதாரங்களை உருவாக்கும் வாய்ப்புக்கள் கிடைக்கும். முதலீடுகளில் இருந்து நல்ல லாபம் கிடைக்கும். நிதி நிலை வலுவடையும். நீண்ட நாள் ஆசைகள் நிறைவேறும். பங்குச்சந்தை, லாட்டரி போன்றவற்றில் அதிர்ஷ்டத்தின் ஆதரவால் நல்ல லாபத்தைப் பெற வாய்ப்புள்ளது.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)

Disclaimer: இந்தக் கட்டுரையில் குறிப்பிடப்பட்டுள்ள ரத்தினக் கற்களின் நன்மைகள் பாரம்பரிய நம்பிக்கைகள் மற்றும் ஜோதிட நடைமுறைகளை அடிப்படையாகக் கொண்டவை. இதன் முடிவுகள் நபருக்கு நபர் மாறுபடும். ஜோதிட நோக்கங்களுக்காக எந்த ரத்தினக் கல்லையும் அணிவதற்கு முன்பு ஒரு சான்றளிக்கப்பட்ட ஜோதிடர் அல்லது ரத்தின நிபுணரை அணுகுமாறு நாங்கள் பரிந்துரைக்கிறோம். இந்த உள்ளடக்கம் தகவல் நோக்கங்களுக்காக மட்டுமே, மேலும் தொழில்முறை ஆலோசனைக்கு மாற்றாக எடுத்துக்கொள்ள வேண்டாம்.