புதிதாக திருமணமான தம்பதிகள் படுக்கையறைக்கு செல்வதற்கு முன்பு என்ன செய்கிறார்கள் தெரியுமா?

ஒரே நேரத்தில் படுக்கைக்கு செல்வது

தம்பதிகள் அனைவரும் நினைவில் கொள்ளுங்கள். ஒன்றாக தூங்கும் ஒரு ஜோடி எப்போதும் ஒன்றாகவே இருப்பார்கள். ஆனால், தற்போதுள்ள பிஸியான காலகட்டத்தில் ஒன்றாக நேரங்களை செலவிட தம்பதிகளுக்கு நேரம் கிடைப்பதில்லை. சில தம்பதிகள் வெவ்வேறு வேலை நேரங்களைக் கொண்டவர்களாக இருக்கிறார்கள். இதனால் வெவ்வேறு நேரங்களில் படுக்கைக்குச் செல்லக்கூடும். ஆனால் உறவு நிபுணர்களின் கூற்றுப்படி, தம்பதிகள் ஒரே நேரத்தில் படுக்கைக்குச் செல்வது மிக முக்கியம். இது அவர்களின் உறவில் அரவணைப்பையும் நெருக்கத்தையும் அதிகரிக்க உதவுகிறது.

தேவையில்லாத விவாதங்கள்

படுக்கையறை என்பது உங்களுக்கும், உங்கள் துணைக்கும் சொந்தமான ஒரு இடம். அங்கு தேவையில்லாத விவாதங்களை உங்களுக்குள் நிகழ்த்த வேண்டாம். இவ்விடத்தில் உங்களுக்குள் அன்பை அதிகரிக்க என்ன செய்யலாம். உங்களுடைய தாம்பத்திய வாழ்க்கையை இன்னும் மேம்படுத்த என்ன செய்யலாம் என்ற காதலுடன் கூடிய விவாதங்களை படுக்கையறையில் நீங்கள் பகிர்ந்துகொள்ளலாம்.

"நோ” ஸ்மார்ட்போன்

ஸ்மார்ட்போன்கள் நம் வாழ்வில் சாபம் மற்றும் வரம். மக்கள் அனைவரின் கைகளையும் ஆக்கிரமித்திருக்கிறது ஸ்மார்ட்போன். குறிப்பாக சமூக ஊடகங்களில் நாம் அதிகம் சார்ந்திருப்பது நம் வாழ்க்கையையும் நம்மைச் சுற்றியுள்ளவர்களையும் பாதிக்கும். மகிழ்ச்சியான ஒருங்கிணைந்த வாழ்க்கையை அனுபவிக்கும் பெரும்பாலான தம்பதிகள், படுக்கையறைக்கு தங்கள் செல்லும்முன் தொலைபேசியை சைலன்ஸில் வைத்திருங்கள். சில தவிர்க்கமுடியாத அழைப்புகளுக்கு மட்டும் அப்போது முக்கியத்துவம் கொடுங்கள்.

கோபம் வேண்டாம்

ஒருபோதும் கோபமாக படுக்கைக்குச் செல்வ வேண்டாம். புதிதாக திருமணமான தம்பதிகள் ஒருபோதும் கோபமாக படுக்கைக்குச் செல்ல மாட்டார்கள். அவர்களுக்கு சண்டை அல்லது கருத்து வேறுபாடு இருந்தாலும், அதைத் தீர்ப்பதற்கான வேலையை அவர்கள் செய்கிறார்கள். நிபுணர்களின் கூற்றுப்படி, தூங்கச் செல்லும்போது எதிர்மறை உணர்வுகளை வளர்ப்பது நம் ஆரோக்கியத்தை மட்டுமல்ல, மன அமைதியையும் எதிர்மறையாக பாதிக்கிறது.

படுக்கையறைக்குள் வேலை வேண்டாம்

நீங்கள் படுக்கைக்குச் செல்வதற்கு சில நிமிடங்களுக்கு முன்பே அலுவலகத்தைப் பற்றி தொடர்ந்து நினைப்பதை விட்டுவிடவேண்டும். இன்னும் சொல்லப்போனால், அலுவலக வேலைகளை அலுவலகத்திலே முடித்துவிட்டு, வீட்டிற்கு வரும்போது புத்துணர்ச்சியுடன் வர வேண்டும். படுக்கையறையில் வேலை செய்பவர்களுக்கு மற்றும் அதை பற்றி சிந்திப்பவர்களுக்கு அல்லது கவலைப்படுபவர்களுக்கு மகிழ்ச்சியான திருமண வாழ்க்கை கிடைப்பது குறைவு என்று ஆய்வு முடிவு கூறுகிறது.

படுக்கையறையில் நேரத்தை செலவிடுதல்

படுக்கையறை என்பது தம்பதியினர் ஒருவருக்கொருவர் எவ்வித இடையூறும் இல்லாமல் தங்களின் நேரத்தை செலவழிக்கும் ஒரு இடம். திருமணமான தம்பதிகள் தங்கள் படுக்கையறையை சரியாக பயன்படுத்துக்கிறார்கள். தங்களுடைய அன்பை, காதலை ஒருவொருக்கொருவர் சரியாக பரிமாறிக்கொள்கிறார்கள். இதனால் அவர்களுடைய தாம்பத்திய வாழ்க்கையும் மகிழ்ச்சிகரமானாதாக இருக்கும்.

புதிய உலகமாக இருக்க வேண்டும்

உங்களுடைய படுக்கையறை என்பது நீங்களும், உங்களுடைய துணை மட்டும் இருக்கும் புதிய உலகமாக நினைத்துக்கொள்ளுங்கள். உங்களுக்குள் மகிழ்ச்சியாக விளையாடுங்கள். காதல் மற்றும் ரொமாண்டிக் திரைப்படங்களை காணுங்கள். தாம்பத்திய வாழ்க்கையை பற்றி இருவரும் பேசி, ஒருவருகொருவர் விரும்புவதைபோல நடந்துகொள்ளுங்கள். உங்கள் வாழ்க்கையிலும், படுக்கையறையிலும் வசந்தம் என்னும் தென்றல் வீசும்.