டேட்டிங் சென்று வந்ததிலிருந்து இந்தப் பிரச்சனை தொடர்கிறது! my story #252

பள்ளிப்பருவத்தில் கிராமத்தில் வசித்தோம். பின் கல்லூரி, வேலை என்றானதும் குடும்பத்துடன் பெரு நகரத்திற்கு நாங்கள் குடிபெயர்ந்துவிட்டோம். நகரத்திற்கு வந்தால் நிறைய வசதி வாய்ப்புகள் கிடைக்கும் , நிறைய சம்பாதிக்கலாம், தொழில் துவங்கலாம் எளிமையான என்ற நிறம் மாறி பகட்டு என்ற மேற்பூச்சினை பூசிக் கொள்ளலாம்.

உண்மையில் இந்த மேற்பூச்சு நமக்கு பல நேரங்களில் தொல்லைகளாகவே இருக்கின்றன என்பதற்கு என்னுடைய கதை ஓர் உதாரணமாக சொல்லலாம். கிராமம் என்று சொல்வதை விட எங்கள் ஊரை வளர்ந்து வருகிற கிராமம் என்று சொல்லலாம். கொஞ்சம் கொஞ்சமாக வசதி வாய்ப்புகள் ஒவ்வொன்றாய் வந்து கொண்டிருந்த காலத்தில் அப்பாவின் தொழில் நிமித்தமாக நாங்கள் நகரத்திற்கு குடிபெயர்ந்தோம்.